- Home
- Entertainment
- STR 50: తొలిసారిగా ట్రాన్స్జెండర్గా సింబు, కమల్ హ్యాండివ్వడంతో స్టార్ హీరో రిస్క్
STR 50: తొలిసారిగా ట్రాన్స్జెండర్గా సింబు, కమల్ హ్యాండివ్వడంతో స్టార్ హీరో రిస్క్
`థగ్ లైఫ్` సినిమా ప్రమోషన్లో బిజీగా ఉన్న సింబు, తన తదుపరి సినిమాలో ట్రాన్స్జెండర్గా నటించనున్నట్లు తెలిపారు.
కొత్త సినిమా కబుర్లు చెప్పిన సింబు
కమల్ హాసన్, మణిరత్నం కలిసి నటిస్తున్న ‘థగ్ లైఫ్` జూన్ 5న విడుదల కానుంది. ఈ సినిమా ప్రమోషన్లో భాగంగా, తన తదుపరి సినిమా ‘STR 50’ గురించి సింబు ఆసక్తికర విషయాలు పంచుకున్నారు. తన పాత్ర ఎలా ఉంటుందో కూడా వెల్లడించారు.
నెక్ట్స్ మూవీలో ట్రాన్స్ జెండర్గా సింబు
ఈ సినిమాలో ట్రాన్స్జెండర్ పాత్రలో నటిస్తున్నానని సింబు చెప్పారు. `ఈ పాత్రను ఎలా చేయాలో కమల్ హాసన్ గారితో చర్చించాను. ఇలాంటి డిఫరెంట్ రోల్స్ వచ్చినప్పుడే నటుడి నిజమైన యాక్టింగ్ టాలెంట్ బయటపడుతుంది` అని అన్నారు. తన 50వ సినిమాను తన సొంత బ్యానర్ ఆత్మన్ సినీ ఆర్ట్స్లో నిర్మిస్తున్నట్లు తెలిపారు సింబు.
కమల్ తప్పుకోవడంతో నిర్మాతగా మారిన సింబు
`ఈ మూవీని సొంతంగా నేనే నిర్మించడం మంచిదని భావిస్తున్నాను. రాజీ పడకుండా నాకు నచ్చినట్లు సినిమా తీయగలను` అని సింబు తెలిపారు. మొదట ‘STR 50’ని కమల్ హాసన్ రాజ్ కమల్ ఫిలిమ్స్ ఇంటర్నేషనల్ నిర్మించనున్నట్లు ప్రకటించారు. తర్వాత ఈ ప్రాజెక్ట్ ఆగిపోయింది. దీంతో సింబు తానే స్వయంగా నిర్మించాలని నిర్ణయించుకున్నారట.
సింబు మూవీపై కమల్ స్పందన ఇదే
`థగ్ లైఫ్`కి సింబు అవసరం కాబట్టి, ఆ సినిమాను వదిలేశాం. కానీ వాళ్లు ఆ మూవీ చేసుకోవచ్చు, అది మంచి కథ` అని అదే ఇంటర్వ్యూలో కమల్ చెప్పారు. చాలా కాలంగా సింబు సినిమాలకు సంగీతం అందించిన యువన్ శంకర్ రాజా ‘STR 50’ కోసం మళ్ళీ సింబుతో కలిసి పనిచేస్తున్నారు. దేశింగు పెరియసామి దర్శకత్వం వహిస్తున్న ఈ చిత్రానికి మనోజ్ పరమహంస సినిమాటోగ్రఫీ అందిస్తుండగా, ప్రవీణ్ ఎడిటింగ్ చేస్తున్నారు.