నేను ట్రెండ్ ఫాలో అవ్వను..శృతి హాసన్ బోల్డ్ కామెంట్..మేకప్ లేకుండా ఎప్పుడైనా చూశారా?
`నేను ఫాలో అవ్వను.. ట్రెండ్ సెట్ చేస్తా..` ఇది పవన్ కళ్యాణ్ డైలాగ్. కానీ ఇప్పుడు ఇదే డైలాగ్ని హాట్ హీరోయిన్, కమల్ హాసన్ తనయ శృతి హాసన్ బోల్డ్ గా చెబుతుంది. అయితే మేకప్ లేకుండా కనిపించి షాక్కి గురి చేస్తుంది. బట్ ఏ మాత్రం తరగని అందం ఆమె సొంతం.
శృతి హాసన్ ప్రస్తుతం రీఎంట్రీ ఇస్తూ సూపర్ హిట్ అందుకుంది. ప్రస్తుతం ఆమె తెలుగులో `క్రాక్` చిత్రంలో నటించింది. సంక్రాంతి కానుకగా పలు అడ్డంకులను దాటుకుని విడుదలైన ఈ సినిమా సూపర్ హిట్ దిశగా రన్ అవుతుంది.
ఈ సందర్భంగా పలు ఆసక్తికర విషయాలను షేర్ చేసుకుంది శృతి. ఓ మీడియాలో ఇంటర్వ్యూలో ఆమె మాట్లాడుతూ, తాను ట్రెండ్ ఫాలో అవ్వనని చెప్పింది.
`నేను ఏ పాత్ర చేసినా ట్రెండ్ ఫాలో అవ్వను. ఆ పాత్ర, కథ నచ్చితేనే చేస్తా. బహుశా ఈ ఆలోచన నా తండ్రి కమల్ హాసన్ నుంచి వచ్చి ఉంటుంద`ని తెలిపింది శృతి.
కెరీర్ ప్రారంభంలో తనని ఐరన్ లెగ్ అనేవాళ్లు అని, `గబ్బర్ సింగ్` తర్వాత గోల్డెన్ గర్ల్ అనడం స్టార్ట్ చేశారు. ప్రతి ఆర్టిస్టుకి, ప్రతి వ్యక్తి జయాపజయాలు ఉంటాయి. నా ఉద్దేశంలో లక్కీ, అన్ లక్కీ అనేది ఉండదు. కేవలం కష్టపడి పనిచేయడంపైనే ఆధారపడి ఉంటుంద`ని అన్నారు.
రవితేజతో కలిసి నటించినప్పుడల్లా హిట్ అందుకోవడం చాలా సంతోషంగా ఉంది. అయితే ఇది నాకు పర్ఫెక్ట్ కమ్బ్యాన్ అని మాత్రం అనుకోను. ఎందుకంటే ఏ రంగంలోనూ పర్ఫెక్ట్ అనేది ఉండదు` అని చెప్పింది.
శృతి `క్రాక్` చిత్రంలో తల్లి పాత్ర పోషించింది. దీనిపై ఆమె స్పందిస్తూ, `కాలం మారిపోయింది. యంగ్ హీరోయిన్లు తల్లి పాత్రల్లో నటిస్తే కెరీర్ ఇబ్బందవుతుందని సంకోచిస్తే, వారు పాత రోజుల్లో ఉన్నట్టే.
గతంలో హీరోయిన్లు పెళ్లైన తర్వాత సినిమాలకు దూరంగా ఉండేవారు. కానీ ఇప్పుడు ట్రెండ్ మారింది. ఐశ్వర్య రాయ్, కరీనా కపూర్ పిల్లలు పుట్టాక కూడా సినిమాలు చేస్తున్నారు.
వారే నటించగా, నేను సినిమాలో తల్లిగా నటించడంలో తప్పులేదనిపించింది. నేను ఏ ట్రెండ్ని ఫాలో అవ్వను. కొత్తగా ఏది అనిపిస్తే ఆ పాత్ర చేస్తా. ఇది నాన్న(కమల్)గారినుంచి వచ్చిందనుకుంటున్నా` అని పేర్కొంది శృతి.
వెబ్ సిరీస్లు చేసేందుకు తాను సిద్ధంగానే ఉన్నట్టు పేర్కొంది. ఇప్పటికే హాలీవుడ్లో `థ్రెడ్స్టోన్` అనే వెబ్ సిరీస్ చేశానని, తమిళంలోనూ ఓ వెబ్ సిరీస్ చేస్తున్నట్టు పేర్కొంది. అలాగే మ్యూజిక్ ప్రధానంగా ఓ సినిమాల చేయాలనుకుంటున్నట్టు పేర్కొంది.
`పవన్తో మరోసారి కలిసి నటించడం చాలా ఆనందంగా ఉంది. `వకీల్సాబ్`లో నా పాత్ర చాలా ముఖ్యమైనది. గెస్ట్ గానే ఉంటుంది, బట్ మెస్మరైజ్ చేస్తుందని చెప్పింది శృతి హాసన్.
లాక్ డౌన్ టైమ్లో గ్లామర్ వైపు ఫోకస్ పెట్టిందట. ఇంతకు ముందు తన ముఖం పొడవుగా ఉండేదని, ఇప్పుడు చంద్రబింబం మాదిరిగా తయారైందని పేర్కొంది. కోవిడ్ కాలంలో ఆధ్యాత్మికంగా చాలా నేర్చుకున్నట్టు చెప్పింది.
ఇదిలా ఉంటే శృతి ఇటీవల తన బ్లాక్ టీషర్ట్ ఫోటోలు పంచుకుంటూ సోషల్ మీడియాలో రచ్చ చేస్తుంది. అందులో మేకప్ లేకుండా కూడా పలు ఫోటోలను పంచుకుంది.
మేకప్ లేకుండా కూడా శృతి చాలా అందంగా ఉంది. ఏమాత్రం తరగని అందం నా సొంతమని నిరూపించుకుందీ విలక్షణ బ్యూటీ.
మరోవైపు గ్లామర్ సైడ్ కూడా శృతి ఫస్ట్ నుంచి ఏమాత్రం రాజీపడదు. సినిమాల్లోనే కాదు, ఫోటో షూట్లలోనూ హాట్గా కనిపించి కనువిందు చేస్తుంది.
ఇటీవల శృతి పంచుకున్న కొన్ని సెక్సీ ఫోటోలు సోషల్ మీడియాలో హల్చల్ చేస్తుండటం విశేషం. శృతి హాసన్ `వకీల్ సాబ్`తోపాటు హిందీలో `ది పవర్` అనే సినిమాలో హీరోయిన్గా నటిస్తుంది.