పునీత్ రాజ్‌కుమార్‌ బయోపిక్‌ ప్లాన్‌.. శివరాజ్‌ కుమార్‌ ఇంట్రెస్టింగ్‌ కామెంట్‌

Shiva Rajkumar: శివరాజ్‌కుమార్ ప్రస్తుతం 'ఘోస్ట్'(45) సినిమా విడుదల కోసం ఎదురుచూస్తున్నారు.  ఈ చిత్రం ప్రమోషన్స్ లో బిజీగా ఉన్నారు. ఇటీవల ఆయన హైదరాబాద్‌లో సందడి చేసిన విషయం తెలిసిందే. ఈ సందర్భంగా అనేక విషయాలను పంచుకున్నారు. అదే సమయంలో తాజాగా ఆయన పునీత్‌ రాజ్‌కుమార్‌ బయోపిక్‌పై రియాక్ట్ అయ్యారు. అప్పు ఫ్యాన్స్ కి హార్ట్ టచ్చింగ్‌ విషయాలను పంచుకున్నారు. 

Rajkumar

కన్నడ పవర్ స్టార్ పునీత్ రాజ్ కుమార్ జీవితం ఆధారంగా బయోపిక్ నిర్మాణం గురించి గాంధీనగర్ లో చాలా చర్చలు జరుగుతున్నాయి. దీనిపై అభిమానుల్లో అంచనాలు నెలకొంటున్నాయి. అప్పు అభిమానులు తమ అభిమాన నటుడి స్ఫూర్తిదాయకమైన జీవిత కథను వెండితెరపై చూడటానికి  ఎంతో ఇంట్రెస్టింగ్‌గా వెయిట్‌ చేస్తున్నారు. 

Puneeth Rajkumar

ఈ నేపథ్యంలో తాజాగా పునీత్‌ అన్నయ్య, హీరో శివరాజ్‌ కుమార్‌ దీనిపై స్పందించారు. ఆయన తన మనసులోని మాటను పంచుకున్నారు. తన రాబోయే  చిత్రం 'ఘోస్ట్' ప్రమోషనల్ కార్యక్రమంలో పాల్గొన్న సందర్భంగా, పునీత్ బయోపిక్ గురించి జర్నలిస్టులు అడిగిన ప్రశ్నకు శివరాజ్‌కుమార్ స్పష్టంగా సమాధానమిచ్చారు. 

rajkumar, shivarajkumar

ప్రస్తుత పరిస్థితుల్లో పునీత్ బయోపిక్ తీసే ఆలోచన తమ కుటుంబానికి లేదని ఆయన అన్నారు. దీనికి కారణాన్ని వివరిస్తూ  `పునీత్ మమ్మల్ని విడిచిపెట్టి చాలా కాలం కాలేదు. ఆ సంఘటనకు సంబంధించిన షాక్, బాధ ఇప్పటికీ మా కుటుంబంలో పచ్చిగా ఉంది" అని అన్నారు. 

Puneeth Rajkumar

మనం ఇంకా ఆ దుఃఖం నుండి పూర్తిగా బయటపడలేదు. "ఇలాంటి సమయంలో తన జీవిత కథ గురించి సినిమా తీయడం గురించి ఆలోచించడం, మాట్లాడటం చాలా కష్టం` అని ఆయన వెల్లడించారు. ఇది చాలా ఎమోషనల్‌గా ఉంటుందని తెలిపారు. 

rajkumar

పునీత్ రాజ్‌కుమార్ జీవితం కేవలం నటనకే పరిమితం కాదని శివరాజ్‌కుమార్ చెప్పారు. `అప్పు ఒక నటుడు మాత్రమే కాదు, విజయవంతమైన గాయకుడు, నిర్మాత, టీవీ హోస్ట్, ముఖ్యంగా, పెద్ద మనసున్న దాత, సామాజిక కార్యకర్త కూడా. 

ఆయన వ్యక్తిత్వం బహుముఖమైనది, ఆయన జీవిత పరిధి విశాలమైనది. అప్పు పర్సనాలిటీని, సక్సెస్‌ని, గొప్ప మనస్తత్వాన్ని కొన్ని గంటల సినిమాలో పూర్తిగా చెప్పడం చాలా సవాలుతో కూడుకున్న పని. దానికి న్యాయం చేయడం అంత సులభం కాదు` అని ఆయన అభిప్రాయపడ్డారు.

Puneeth Rajkumar, shivarajkumar

భవిష్యత్తులో బయోపిక్ తీసే అవకాశాన్ని పూర్తిగా తోసిపుచ్చకపోయినా, అలాంటి ప్రయత్నం చేయాలంటే అనుసరించాల్సిన ప్రమాణాల గురించి శివన్న మాట్లాడారు. "ఒక బయోపిక్ తీస్తే, దానిని అత్యంత గౌరవంతో, బాధ్యతగా సున్నితత్వంతో చేయాలి` 

Puneeth Rajkumar

ఏ కారణం చేతనైనా వారి వ్యక్తిత్వానికి, గౌరవానికి హాని కలిగించని విధంగా, రియాలిటీకి దగ్గరగా ఉండేలా స్క్రిప్ట్‌ను రూపొందించాలి. రియల్‌ స్వభావాన్ని, వ్యాల్యూస్‌ని, సమాజం కోసం చేసిన ఆయన చేసిన సేవలను నిజాయితీగా ప్రతిబింబించాలి. అప్పు పాత్రకు ప్రాణం పోసే సరైన నటుడిని కనుగొనడం కూడా ఒక పెద్ద సవాలుతో కూడుకున్నది` అని తెలిపారు శివరాజ్‌ కుమార్‌. 

ప్రస్తుతం శివరాజ్‌కుమార్ 'ఘోస్ట్'(45 మూవీ) విడుదల కోసం ఎదురు చూస్తున్నాడు. దీంతోపాటు కన్నడలో మరో రెండు సినిమాలు, తమిళంలో `జైలర్‌ 2`, తెలుగులో `పెద్ది` చిత్రాల్లో నటిస్తున్నారు శివరాజ్‌ కుమార్. 

మొత్తం మీద, పునీత్ రాజ్ కుమార్ బయోపిక్ కోసం అభిమానులు ఎంతగా ఆసక్తిగా ఎదురుచూస్తున్నా, శివరాజ్ కుమార్ మాత్రం.. తమ కుటుంబ భావాలకు విలువ ఇవ్వాలని, దానికిసరైన టైమ్‌ రావాలని  స్పష్టం చేశారు.