సంచలన ఆరోపణలు చేసిన నటి.. చిన్న అపార్థమే అంటున్న ప్రభాకర్
శివపార్వతి ఆరోపణలపై ప్రభాకర్ స్పందించాడు. తాము శివపార్వతిని పట్టించుకోకుండా ఉండలేదని, ఆమె కొడుకుతో టచ్లోనే ఉన్నామని చెప్పాడు. ఇది కేవలం అపార్థం మాత్రమే అని చెబుతూ ఓ వీడియోనే రిలీజ్ చేశాడు ప్రభాకర్. ఆమె త్వరగా కోలుకోవాలని ఆకాంక్షిస్తున్నట్టుగా ఆయన తెలిపాడు.
కరోన మహమ్మారి మానవ సంబంధాలను కూడా తీవ్రంగా ప్రభావితం చేస్తోంది. కరోన సోకిన వారికి కనీస సాయం కూడా అందటం లేదు. సెలబ్రిటీ విషయంలోనూ పరిస్థితి ఇలాగే ఉంది. తాజాగా సీనియర్ నటి శివ పార్వతి కరోనతో ఇబ్బంది పడుతూ మాట్లాడిన ఓ వీడియో సోషల్ మీడియాలో వైరల్గా మారింది.
ప్రస్తుతం వదినమ్మ సీరియల్లో శివ పార్వతి కీలక పాత్రలో నటిస్తోంది. అయితే తాను 10 రోజులుగా కరోనా తీవ్ర ఇబ్బందులు ఎదుర్కొంటున్నా ఆ సీరియల్ నిర్మాత, నటుడు ప్రభాకర్ గానీ, ఇతర యూనిట్ సభ్యులు గానీ తనను కనీస పరామర్శించలేదని ఆమె ఆరోపించింది. అంతేకాదు యూనిట్ సభ్యులకు చేసిన ఇన్సూరెన్స్ గురించి కూడా తన కు చెప్పలేదని ఆమె ఆవేదన వ్యక్తం చేసింది.
ఈ సందర్భంగా ఇండస్ట్రీలోని అనుబంధాల గురించి సంచలన ఆరోపణలు చేసింది శివపార్వతి. ఈ కష్టకాలంలో ఎవరేంటో తనకు అర్ధం అయ్యిందనీ, సీరియల్స్ షూటింగ్లో ఒకరికి కరోనా వచ్చినా పట్టించుకోకుండా మిగతా వారితో షూటింగ్ కానిచ్చేస్తున్నారని సంచలన ఆరోపణలు చేసింది శివపార్వతి. దీంతో ఆ వీడియో సోషల్ మీడియాలో వైరల్ గా మారింది.
తాజాగా శివపార్వతి ఆరోపణలపై ప్రభాకర్ స్పందించాడు. తాము శివపార్వతిని పట్టించుకోకుండా ఉండలేదని, ఆమె కొడుకుతో టచ్లోనే ఉన్నామని చెప్పాడు. ఇది కేవలం అపార్థం మాత్రమే అని చెబుతూ ఓ వీడియోనే రిలీజ్ చేశాడు ప్రభాకర్. ఆమె త్వరగా కోలుకోవాలని ఆకాంక్షిస్తున్నట్టుగా ఆయన తెలిపాడు.