46 ఏళ్ల వయసులో రెండో వివాహం?... హాట్ టాపిక్ గా హీరోయిన్ మీనా వ్యవహారం!

మీనా తెలుగు ప్రేక్షకులకు పరిచయం అక్కర్లేని పేరు. దాదాపు నాలుగు దశాబ్దాలుగా మీనా సినిమా ప్రేమికులను అలరిస్తున్నారు. చైల్డ్ ఆర్టిస్ట్ గా మీనా నట ప్రస్థానం మొదలైంది. దాదాపు 30 సినిమాల్లో బాలనటి పాత్రలు చేశారు. 1990లో నవయుగం మూవీతో మీనా హీరోయిన్ అయ్యారు. 
 

ఇన్నేళ్ళలో ఆమె వెనక్కి తిరిగి చూసుకోలేదు. 90వ దశకంలో స్టార్ హీరోయిన్ గా సౌత్ ఇండియాను ఏలారు. తెలుగు, తమిళ, కన్నడ, మలయాళ భాషల్లో పదుల సంఖ్యలో చిత్రాలు చేశారు. హిందీలో కూడా ఒకటి రెండు చిత్రాలు చేసినట్లు ఉన్నారు. రజినీకాంత్, కమల్, చిరంజీవి, బాలకృష్ణ, నాగార్జున, వెంకటేష్, మోహన్ లాల్, మమ్ముట్టి వంటి టాప్ స్టార్స్ తో బ్లాక్ బస్టర్ చిత్రాల్లో నటించారు. 

ఇప్పటికీ మీనా హీరోయిన్ కి సమానమైన పాత్రలు చేస్తున్నారు. వెంకటేష్, మోహన్ లాల్ వంటి హీరోలతో జతకడుతున్నారు. మీనా సెకండ్ ఇన్నింగ్స్ సైతం సక్సెస్ ఫుల్ గా సాగుతుంది. సిల్వర్ స్క్రీన్ పై చేస్తూనే పలు బుల్లితెర సీరియల్స్ లో మీనా నటించారు. 
 

హ్యాపీగా సాగిపోతున్న మీనా జీవితం పెద్ద కుదుపుకి లోనైంది. భర్త విద్యాసాగర్ అకాల మరణం చెందారు. ఒక్కసారిగా మీనా జీవితం తలకిందులు అయ్యింది. 2009లో సాఫ్ట్ వేర్ ఇంజనీర్ అయిన విద్యాసాగర్ ని మీనా వివాహం చేసుకున్నారు. వీరికి పదేళ్ల లోపున్న ఒక పాప ఉన్నారు. విద్యాసాగర్ అనారోగ్యంతో ఈ ఏడాది కన్నుమూశారు.

అప్పటి నుండి మీనా కూతురితో పాటు ఒంటరిగా ఉంటున్నారు. అయితే మీనా పేరెంట్స్ రెండో పెళ్లి చేసుకోవాలని ఒత్తిడి చేస్తున్నారట. కూతురితో పాటు తన భవిష్యత్ బాగుండాలి అంటే మగతోడు అవసరం అంటున్నారట. ఈ క్రమంలో మీనా తన ఫ్యామిలీ ఫ్రెండ్  ని రెండో వివాహం చేసుకోబోతున్నారంటూ ఒక వార్త తెరపైకి వచ్చింది. 

బాగా తెలిసిన ఆ వ్యక్తికి మీనా భర్త విద్యాసాగర్ తో మంచి సాన్నిహిత్యం ఉందట. మీనా కూతురు ఆయన్ని అంకుల్ అని పిలుస్తారట. అతనితో మీనా వివాహం దాదాపు ఖాయమే అంటున్నారు. దీనిపై అధికారిక సమాచారం రావాల్సి ఉంది. లేటు వయసులో రెండో పెళ్లి చేసుకోవడం సెలెబ్రిటీలకు సాధారణ విషయం. సింగర్ సునీత 42 ఏళ్ల వయసులో సెకండ్ మ్యారేజ్ చేసుకున్నారు.