సమంతకు రెండో పెళ్లి ప్రపోజల్... కన్విన్స్ అయిన స్టార్ లేడీ! చైతు కంటే ముందే చేసుకుంటుందా ఏంటీ?

సమంత-నాగ చైతన్య విడాకుల ప్రకటన చేసి రెండున్నరేళ్లు అవుతుంది. అప్పటి నుండి సమంత ఒంటరిగానే ఉంటుంది. నాగ చైతన్య మాత్రం శోభిత ధూళిపాళ్లకు దగ్గరయ్యారు. నాగ చైతన్య, శోభిత కొన్నాళ్లుగా రిలేషన్ లో ఉన్నారు. ఆగస్టు 8న నిశ్చితార్థం చేసుకున్నారు. త్వరలో పెళ్లి పీటలు ఎక్కనున్నారు. మరి నాగ చైతన్య మాజీ భార్య సమంత సంగతేంటి అనే సందేహాలు మొదలయ్యాయి. 
 

విడాకులు సమంతను తీవ్ర వేదనకు గురిచేశాయి. చైతన్యతో విడిపోయాక ఆమె డిప్రెషన్ నుండి బయటపడేందుకు అనేక మార్గాలు ఎంచుకుంది. ముఖ్యంగా మిత్రులతో ఎక్కువగా గడిపేది. అలాగే ఆధ్యాత్మిక మార్గం ఎంచుకుంది. వాస్తవంగా క్రిస్టియన్ అయిన సమంత... పలు హిందూ దేవాలయాలు సందర్శించింది. జగ్గీ వాసుదేవ్ బాబా ఫాలోవర్ గా సమంత మారిపోయింది. 
 

ఈ క్రమంలో సమంత ఇక రెండో వివాహం చేసుకోరనే ఊహాగానాలు వినిపిస్తున్నాయి. అయితే ఆమెను బాధ పెట్టిన నాగ చైతన్య మరో వివాహం చేసుకుంటున్న నేపథ్యంలో సమంత మనసు మారొచ్చనే వాదన తెరపైకి వచ్చింది. కాగా సమంతకు సోషల్ మీడియా వేదికగా అభిమాని నుండి పెళ్లి ప్రపోజల్ వచ్చింది. సదరు అభిమాని ప్రపోజల్ కి సమంత స్పందించడం విశేషం. 
 

ఓ అభిమాని సమంతకు సందేశం పంపాడు. ''సమంతకు మిలియన్ ఫ్యాన్స్ ఉంటే అందులో నేను ఒకడిని, 10 మంది ఫ్యాన్స్ ఉంటే అందులో ఒకడిని. కేవలం ఒక ఫ్యాన్ ఉంటే అది ఒక్కడు నేనే. అసలు ఒక్క ఫ్యాన్ కూడా లేడంటే.. నేను ఈ లోకంలో లేనని అర్థం. ఒకవేళ సమంతకు ఈ ప్రపంచం వ్యతిరేకం అయితే నేను ప్రపంచానికి వ్యతిరేకిని'' అని రాసుకొచ్చాడు. 
 

మరొక సందేశంలో.. ''సమంత నువ్వు బాధపడకు. నీ కోసం నేను ఉన్నాను. రెండేళ్లలో నేను డబ్బులు సంపాదిస్తా. నీకు ఇష్టం అయితే పెళ్లి చేసుకుందాం '', అని కామెంట్ పోస్ట్ చేశాడు. ఈ కామెంట్స్ కి సమంత స్పందించింది. సదరు అభిమాని వీడియోను ఉద్దేశిస్తూ ''నీ బ్యాక్ గ్రౌండ్ లో కనిపిస్తున్న జిమ్ నన్ను కన్విన్స్ చేస్తుంది'' అని రిప్లై ఇచ్చింది. సమంత రియాక్షన్ చూశాక, ఆమెలో రెండో వివాహం పట్ల అనుకూల భావాలు మొదలయ్యాయి. నాగ చైతన్య కంటే ముందు నచ్చిన వ్యక్తిని పెళ్లి చేసుకునే అవకాశం కలదంటున్నారు జనాలు...