ఆ ఆలోచన లేదు.. రీఎంట్రీపై హాట్ బ్యూటీ సమీరా రెడ్డి స్పందన

బాంబేకి చెందిన సమీరా రెడ్డి మైక్రోబయాలజీలో గ్రాడ్యూయేట్‌ చేసింది. ఆ తర్వాత వీడియో జాకీగా కెరీర్‌ని ప్రారంభించింది. మోడల్‌గానూ తన అదృష్టాన్ని పరీక్షించుకుంది.

ఆ తర్వాత 2000లో తమిళ సినిమా `సిటిజెన్‌`కి సైన్‌ చేసింది. ఈ సినిమా వర్కౌట్‌ కాలేదు.  దీంతో మొదటి ప్రయత్నమే సమీరాని పూర్తిగా నిరాశ పరిచింది. దీంతో ఈ సారి హిందీలో తన లక్‌ని పరీక్షించుకుంది. 

2002లో హిందీ సినిమా `మైన్‌ దిల్‌ తుజ్కే దియా`తో హీరోయిన్‌గా ఎంట్రీ ఇచ్చింది. ఈ సినిమా ఫర్వాలేదనిపించుకుంది. నటిగా సమీరా రెడ్డిని మంచి పేరు దక్కింది. `దర్నా మన హై`, `ప్లాన్‌`, `ముసాఫిర్‌` వంటి చిత్రాలతో తానేంటో నిరూపించుకుంది. 
 

ఈ క్రమంలో ఈ అమ్మడిపై తెలుగు మేకర్స్ మనసు పడ్డారు. తెలుగులో ఎన్టీఆర్‌ సరసన `నరసింహుడు` చిత్రంలో హీరోయిన్‌గా ఎంపిక చేశారు. ఇందులో హాట్‌ అందాలతో అలరించింది. ఆ తర్వాత చిరంజీవి సరసన `జై చిరంజీవి`లో మెరిసింది. ఇందులోనూ  సెక్సీగా మత్తెక్కించింది. మరోసారి ఎన్టీఆర్‌తో `అశోక్‌`లో మెరిసింది.  ఈ సినిమాలు సక్సెస్‌ కాలేకపోవడంతో సమీరా రెడ్డికి అవకాశాలు తగ్గాయి. దీంతో పూర్తిగా బాలీవుడ్‌పైనే ఫోకస్‌ పెట్టింది. ఆ తర్వాత తమిళంలోకి అడుగుపెట్టి మంచి గుర్తింపు తెచ్చుకుంది. 

2014లో అక్షల్‌ వర్దే అని వ్యాపారవేత్తని పెళ్ళి చేసుకుంది. దీంతో సినిమాలకు ఫుల్‌స్టాప్‌ పెట్టింది. వీరికి కుమారుడు, కూతురు ఉన్నారు. ఇక సమీరా రెడ్డి చివరగా కన్నడలో `వరధనాయక` చిత్రంలో మెరిసింది. ఏడేళ్ళ తర్వాత ఇప్పుడు ఆమె రీఎంట్రీ ఇవ్వబోతుందనే వార్తలు వచ్చిన నేపథ్యంలో సమీరా స్పందించి ఆ ఉద్దేశం లేదని తెలిపింది.