- Home
- Entertainment
- Samantha Top 5 Disasters: సమంత టాప్ 5 డిజాస్టర్లు, సామ్ని కోలుకోలేని దెబ్బకొట్టిన చిత్రాలివే.. తప్పు చేసిందా?
Samantha Top 5 Disasters: సమంత టాప్ 5 డిజాస్టర్లు, సామ్ని కోలుకోలేని దెబ్బకొట్టిన చిత్రాలివే.. తప్పు చేసిందా?
Samantha Top 5 Disasters: స్టార్ హీరోయిన్ సమంత తన కెరీర్ లో చాలా సినిమాలు పరాజయం చెందాయి. అయితే వాటిలో బిగ్గెస్ట్ డిజాస్టర్ గా నిలిచిన ఐదు సినిమాలేంటో తెలుసుకుందాం.
సమంత టాప్ 5 డిజాస్టర్ మూవీస్
సమంత సౌత్ ఇండియాలోనే కాదు, ఇప్పుడు ఇండియా వైడ్గా టాప్ హీరోయిన్లలో ఒకరు. ఓర్మాక్స్ మీడియా ప్రకటించిన ఇండియా టాప్ హీరోయిన్లలో సమంతదే మొదటిస్థానం. సినిమాలు లేకపోయినా తన రేంజ్ని, క్రేజ్, పాపులారిటీని చాటుకుంటోంది సమంత. తనకు ఉన్న ఫాలోయింగ్కిది నిదర్శనంగా చెప్పొచ్చు. ఇప్పుడు సామ్.. మూడేళ్ల గ్యాప్ తర్వాత `మా ఇంటి బంగారం` అనే చిత్రంతో ఆడియెన్స్ ముందుకు రాబోతుంది. ఈ శుక్రవారం(జూన్ 19)న ఈ చిత్రం విడుదల కానుంది. ఈ నేపథ్యంలో సమంత నటించిన సినిమాల్లో ఐదు చెత్త మూవీస్ ఏంటి? బిగ్గెస్ట్ డిజాస్టర్స్ ఏంటనేది చూస్తే.
సమంత కెరీర్లో బిగ్గెస్ట్ ఫ్లాప్ శాకుంతలం
సమంత నటించిన వాటిలో అత్యంత చెత్త సినిమాల్లో `శాకుంతలం` మొదటి స్థానంలో ఉంటుంది. గుణశేఖర్ దర్శకత్వంలో రూపొందిన ఈ చిత్రం పురాణాల్లోని శాకుంతలం పాత్రని ప్రధానంగా చేసుకొని రూపొందించారు. ఆమెకి జోడీగా దేవ్ మోహన్ చేశారు. మోహన్ బాబు కీలక పాత్రలో నటించారు. ఈ చిత్రం మూడేళ్ల క్రితం విడుదలై బిగ్గెస్ట్ డిజాస్టర్గా నిలచింది. గుణశేఖర్ కి చిల్లి గవ్వ కూడా రాలేదు. ఆ తర్వాత ఈ మూవీ సమంత చేయకుండ ఉండాల్సిందనే కామెంట్స్ వినిపించాయి.
బ్రహ్మోత్సవం సామ్కి మరిచిపోలేని చేదు జ్ఞాపకం
సమంత నటించిన డిజాస్టర్ మూవీస్లో రెండో వరుసలో ఉన్న చిత్రం `బ్రహ్మోత్సవం`. మహేష్ బాబు హీరోగా శ్రీకాంత్ అడ్డాల దర్శకత్వంలో తెరకెక్కిన చిత్రమిది. ఇందులో సమంతతోపాటు కాజల్ కూడా హీరోయిన్ గా నటించింది. ఫ్యామిలీ ఎంటర్టైనర్గా రూపొందింది. పెళ్లి సంబంధం చూడాలంటే అట ఏడు తరాలు, ఇటు ఏడు తరాలు చూడాలంటారు. ఫ్యామిలీలో మళ్లీ వెనక్కి వెళ్లి తన బంధువులను వెతుక్కునే కథాంశంతో తెరకెక్కిన చిత్రమిది. పదేళ్ల క్రితం(2016)లో విడుదలైన ఈ మూవీ బిగ్గెస్ట్ డిజాస్టర్గా నిలిచింది. మహేష్ కెరీర్లోనే బిగ్గెస్ట్ డిజాస్టర్గా నిలిచింది. ఈ మూవీకి టీ ఖర్చులు కూడా రాలేదనే టాక్ వినిపించింది.
సమంతని నిండా ముంచిన సూర్య అంజాన్
సమంతకి పెద్ద డిజాస్టర్లు ఇచ్చిన చిత్రాల్లో తమిళ మూవీ `సికిందర్`(అంజాన్) కూడా ఉంది. సూర్య హీరోగా రూపొందిన చిత్రమిది. లింగుస్వామి దర్శకత్వం వహించారు. యాక్షన్ ప్రధానంగా తెరకెక్కిన ఈ మూవీ 2014లో విడుదలై ఆడియెన్స్ ని ఏమాత్రం ఆకట్టుకోలేకోయింది. డిజాస్టర్ గా నిలిచింది. ఇలాంటి మూవీ సమంత చేయకుండా ఉండాల్సిందన్నారు.
10 ఎంద్రతుకుల్లా లో సమంత రోల్పై విమర్శలు
ఇక సమంత నటించిన డిజాస్టర్లలో టాప్ 4లో ఉండే మూవీ `10 ఎంద్రతుకుల్లా`. విక్రమ్ హీరోగా సమంత హీరోయిన్గా నటించిన చిత్రమిది. యాక్షన అడ్వెంచరస్గా రూపొందింది. ఇందులో సమంత ద్విపాత్రాభినయం చేయడం విశేషం. 2015లో విడుదలైన ఈ మూవీకి విజయ్ మిల్టన్ దర్శకుడు. ఈ కాన్సెప్ట్ ఆడియెన్స్ కి ఎక్కలేదు. సమంత పాత్రపై కూడా విమర్శలు వచ్చాయి. బాక్సాఫీసు వద్ద దారుణమైన పరాజయాన్ని చవిచూడాల్సి వచ్చింది.
ఎన్టీఆర్ కూడా సమంత కి పెద్ద షాక్
సమంత టాప్ 5 డిజాస్టర్లలో మరో తెలుగు మూవీ ఉంది. అదే `రభస`. ఎన్టీఆర్ హీరోగా రూపొందిన చిత్రమిది. రొటీన్ రొడ్డకొట్టుడు మాస్, మసాలా, కమర్షియల్ మూవీగా ఇది తెరకెక్కింది. ఇందులో సమంత హీరోయిన్. సంతోష్ శ్రీనివాస్ దర్శకత్వం వహించారు. ప్రణితా సుభాష్ సెకండ్ హీరోయిన్గా చేసింది. 2014లో విడుదలైన ఈ మూవీ కూడా బాక్సాఫీసు వద్ద బిగ్ ఫెయిల్యూర్గా నిలిచింది. ఎన్టీఆర్ కెరీర్ లో బిగ్గెస్ట్ డిజాస్టర్లలో ఇదొకటిగా నిలిచింది.
