నీతులు చెబుతున్న సమంతకి నెటిజన్ ప్రశ్న..తప్పు చేశా నిజమే అంటూ ఊహించని సమాధానం
సమంత కొంతకాలంగా సినిమాల పరంగా యాక్టివ్ గా లేదు. దీనికి కారణం అందరికీ తెలిసిందే. నాగ చైతన్యతో విడాకుల తర్వాత సమంత మయోసైటిస్ వ్యాధికి గురైంది. చాలా కాలం పాటు సమంత ఆరోగ్య సమస్యలతో పోరాడి తిరిగి ఫిట్ నెస్ సాధించింది.
సమంత కొంతకాలంగా సినిమాల పరంగా యాక్టివ్ గా లేదు. దీనికి కారణం అందరికీ తెలిసిందే. నాగ చైతన్యతో విడాకుల తర్వాత సమంత మయోసైటిస్ వ్యాధికి గురైంది. చాలా కాలం పాటు సమంత ఆరోగ్య సమస్యలతో పోరాడి తిరిగి ఫిట్ నెస్ సాధించింది. ఈ క్రమంలో హెల్త్ సహకరించకపోయినా.. శాకుంతలం, ఖుషి లాంటి చిత్రాలు చేసింది. ఇప్పుడిప్పుడే సామ్ తన ప్రాజెక్ట్స్ కి సైన్ చేస్తోంది.
అయితే సమంత ఇటీవల తరచుగా పాడ్ కాస్ట్ ఇంటర్వ్యూలు చేస్తూ హెల్త్ విషయంలో తాను ఎదుర్కొన్న సవాళ్ల గురించి చెబుతోంది. ఆరోగ్య పరమైన సలహాలని నెటిజన్లకు ఇస్తూ అవగాహన కల్పిస్తోంది.
సమంత విడాకుల సమయంలో అయితే ఎంతో నెగిటివిటి, ట్రోలింగ్ ఎదుర్కొంది. కానీ వాటిని భరిస్తూ సమంత ఒడిదుడుకులని తట్టుకుంది. నెమ్మదిగా తన వ్యక్తిగత జీవితం గురించి కూడా సమంత మాట్లాడడం మొదలు పెట్టింది. అయితే ఇక అన్ని పక్కన పెట్టి తన కెరీర్ పై ఫోకస్ చేయాలని సామ్ భావిస్తోంది.
ఓ పాడ్ కాస్ట్ ఇంటర్వ్యూలో సమంత ఆరోగ్యం గురించి విలువైన సమాచారం ఇచ్చింది. కానీ కొందరు నెటిజన్లు మాత్రం ఆమెని తప్పు పడుతున్నారు. ఇప్పుడు నీతులు బాగానే చెబుతున్నావు. కానీ గతంలో మీరు అనారోగ్య కరమైన బ్రాండ్స్ ని ప్రమోట్ చేసారు కదా అని నెటిజన్ ప్రశ్నించారు.
దీనితో సమంత తన తప్పు అంగీకరించింది. నిజమే.. నా తప్పు ఒప్పుకుంటున్నా. అప్పుడు తెలియక ప్రమోట్ చేశా. ఇకపై వాటి జోలికి వెళ్ళను అని సమంత తెలిపింది.
ఇకపై తాను పాటించే ఆరోగ్యకరమైన విషయాల గురించే చెబుతానని సమంత పేర్కొంది. ఏది ఏమైనా సమంత వీలైనంత త్వరగా సిల్వర్ స్క్రీన్ పై చూడాలని ఫ్యాన్స్ కోరుకుంటున్నారు.