కీర్తి‌ సురేష్‌, త్రిషలతో సమంత పార్టీలు.. చైతూ `లవ్‌స్టోరీ` ఈవెంట్‌కి రాకుండా ఇదేం పనంటూ నెటిజన్ల కామెంట్లు

సమంత ప్రస్తుతం సౌత్‌లో స్టార్‌ హీరోయిన్‌గా రాణిస్తుంది. నాగచైతన్యతో పెళ్లి తర్వాత మరింత దూకుడుతో ముందుకు సాగుతుంది. గ్లామర్‌ విషయంలోనూ హద్దులు చెరిపేసిన సమంత.. నటిగానూ తనకి తాను కొత్తగా ఆవిష్కరించుకుంది. అందకు తగ్గట్టే లేడీ ఓరియెంటెడ్‌ చిత్రాల, విభిన్న కథానేపథ్యంతో కూడిన సినిమాలు చేస్తుంది. 
 

ఇదిలా ఉంటే నాగచైతన్య, సమంత మధ్య మనస్పర్థాలు తలెత్తాయని, వీరిద్దరు విడాకులు తీసుకోబోతున్నారనే వార్తలు సోషల్‌ మీడియాలో కోడై కూస్తున్నాయి. అందుకు బలాన్ని చేకూరేలా చైతన్యకి దూరంగా ఉంటోంది సమంత. అంతేకాదు చైతూతో కాకుండా తన ఫ్రెండ్‌తో వెకేషన్‌ని ఎంజాయ్ చేస్తుంది. ఒంటరిగా విహారయాత్రలు ఎంజాయ్‌ చేయడం చర్చనీయాంశంగా మారింది. 

అందులో భాగంగా సమంత ప్రస్తుతం ఫ్రెండ్స్ కీర్తిసురేష్‌, త్రిష, కళ్యాణి ప్రియదర్శినిలతో కలిసి పార్టీలు చేసుకుంటుంది. ఈ విషయాన్ని సమంతనే స్వయంగా ఇన్స్టాగ్రామ్‌ ద్వారా వెల్లడించింది. ఈ వారం అలా గడిచిందంటూ కీర్తిసురేష్‌, త్రిష, కళ్యాణిలకు థ్యాంక్స్ చెప్పింది సమంత. 
 

ఈ సందర్భంగా వీరంతా పార్టీలో ఎంజాయ్‌ చేస్తున్న సమయంలో దిగిన సెల్ఫీ ఫోటోలను పంచుకుంది సమంత. విహార యాత్రకి సంబంధించి లొకేషన్‌ పిక్స్ ని పంచుకుంది. ప్రస్తుతం ఈ ఫోటోలు సోషల్‌ మీడియాలో వైరల్‌ అవుతున్నాయి. ఈ సందర్భంగా అనేక కామెంట్లు వినిపిస్తున్నాయి. 
 

ఆదివారం సాయంత్రం సమంత భర్త, నాగచైతన్య, సాయిపల్లవి జంటగా నటించిన `లవ్‌ స్టోరి` చిత్ర ప్రీ రిలీజ్‌ ఈవెంట్‌ జరిగింది. ఇందులో సమంత మిస్‌ కావడం హాట్‌ న్యూస్‌గా మారింది. గతంలో చైతూ ఈవెంట్లలో సందడి చేసింది సమంత. కానీ `లవ్‌స్టోరి` ఈవెంట్‌లో ఆమె మిస్‌ అయ్యారు. అంతేకాదు నాగ్‌ ఫ్యామిలీలో ఎవరూ ఈ ఈవెంట్‌కి రాలేదు. దీంతో చైతూ, సమంత విడాకులకు సంబంధించిన వార్తలకు మరింత బలాన్నిచ్చినట్టయ్యింది. 

చైతూ-సామ్‌ వ్యవహారం చర్చకు వస్తుందని నాగార్జున కూడా మీడియాకి దూరంగా ఉంటున్నారు. `బిగ్‌బాస్‌5` షో మీడియా మీట్‌ కూడా నిర్వహించలేదు. తాజా ఈవెంట్‌లోనూ మిస్‌ కావడం మరింత హాట్‌ టాపిక్‌ అవుతుంది. అయితే నాగార్జున బర్త్ కి, `లవ్‌ స్టోరి` ట్రైలర్‌ సందర్భంగా సమంత విషెస్‌ తెలిపింది. అందుకు చైతూ కూడా స్పందించడంతో వీరిద్దరి మధ్య వివాదాలకు సంబంధించి వస్తోన్న వార్తలు నిజం కావనే కామెంట్లు వచ్చాయి. కానీ సమంత `లవ్‌స్టోరి` ఈవెంట్‌కి రాకపోవడంతో విడాకుల వార్తలు మరోసారి ఊపందుకున్నాయి. 
 

ప్రస్తుతం సమంత విహార యాత్రలు ఎంజాయ్ చేస్తూనే హాట్‌ హాట్‌ ఫోటో షూట్లతో రెచ్చిపోతుంది. హద్దులు మీరి పోజులిస్తుందంటూ నెట్టింట అభిమానులు కామెంట్లు చేస్తున్నారు. ఇవేవి పట్టించుకోకుండా సమంత తన దారిలో దూసుకపోవడం విశేషం. అంతేకాదు రిలేషన్‌, అండర్‌స్టాండింగ్ కి సంబంధించి పోస్ట్ లు పెడుతుంది. `నువ్వు హర్ట్ చేస్తావు, నేను హర్ట్ చేస్తాను. నువ్వ ఇతరులను కూడా హర్ట్ చేస్తావు. ఇది మనుగడలో ఇదొక కండీషన్‌ అని పేర్కొంటూ పోస్టులు పెట్టడం మరింత హాట్‌ టాపిక్‌గా మారింది. 

ప్రస్తుతం సమంత తెలుగుతో `శాకుంతలం` చిత్రంలో లీడ్‌ రోల్‌ చేస్తుంది. దీంతోపాటు తమిళంలో `కాథు వాకుల రెండు కాదల్‌` చిత్రంలో నటిస్తుంది. మరోవైపు వెబ్‌ సిరీస్‌పై ఫోకస్‌ పెట్టింది సమంత.