మొన్న సమంత, నేడు నాగ చైతన్య.. పిల్లల్ని కనడంపై పోటాపోటీగా కామెంట్స్, మధ్యలో వెంకటేష్ బలి

సమంత, నాగ చైతన్య విడిపోయి మూడేళ్లు గడుస్తోంది. నాగ చైతన్య అయితే రెండో పెళ్ళికి కూడా రెడీ అయిపోయాడు. త్వరలో శోభిత ధూళిపాలతో నాగ చైతన్య వివాహం జరగనుంది. డిసెంబర్ 4న ముహూర్తం నిర్ణయించినట్లు తెలుస్తోంది. ఆగస్టులో వీరిద్దరి నిశ్చితార్థం జరిగింది. అయితే చైతు, సమంత విడిపోయినప్పటికీ వీళ్ళిద్దరూ ఎలాంటి కామెంట్స్ చేసినా సోషల్ మీడియాలో క్షణాల్లో వైరల్ అవుతుంటాయి. 

కేవలం మూడు రోజుల వ్యవధిలోనే సమంత, నాగ చైతన్య ఇద్దరూ ఒకే తరహా కామెంట్స్ చేశారు. అది నెటిజన్లలో ఆసక్తిని పెంచుతోంది. మూడు రోజుల క్రితం సమంత సిటాడెల్ ప్రచార కార్యక్రమాల్లో భాగంగా మీడియాతో మాట్లాడింది. ఈ వెబ్ సిరీస్ లో సమంత ఒక పాపకి తల్లిగా నటించిన సంగతి తెలిసిందే. దీనితో సమంత మాతృత్వం గురించి స్పందించింది. గతంలో తాను తల్లిని కావాలని కళలు కన్నట్లు పేర్కొంది. 

మాతృత్వం అనేది పరిపూర్ణమైన అనుభూతి అని సమంత పేర్కొంది. అయితే తాను మాతృత్వాన్ని ఆస్వాదించడానికి ఇంకా టైం ఉందని పేర్కొంది. చైతన్యతో విడిపోయాక సమంత పిల్లలు కనడం గురించి మాట్లాడంతో ఆమె కామెంట్స్ వైరల్ అయ్యాయి. సమంత ఈ వ్యాఖ్యలు చేసిన మూడు రోజుల్లోనే నాగ చైతన్య పిల్లల గురించి ఆసక్తికర వ్యాఖ్యలు చేశారు. 

హ్యాపీగా పెళ్లి చేసుకుని ముగ్గురు పిల్లల్ని కనాలనేది తన కోరిక అంటూ నాగ చైతన్య తెలిపారు. కనీసం ఇద్దరు లేదా ముగ్గురు పిల్లలు ఉండాలి అని తెలిపాడు. మధ్యలో విక్టరీ వెంకటేష్ ని లాగుతూ కామెంట్స్ చేశాడు. మా వెంకీ మామ లాగా మరీ నలుగురు పిల్లల్ని కనాల్సిన అవసరం లేదు అంటూ చైతన్య ఫన్నీ సెటైర్ వేశాడు. 

సమంత, నాగ చైతన్య మాత్రమే కాదు కొన్ని రోజుల క్రితం శోభిత ధూళిపాల కూడా పిల్లల గురించి కామెంట్స్ చేసింది. మాతృత్వాన్ని పూర్తిగా ఆస్వాదించాలని నా కోరిక. అమ్మ అనిపించుకునే క్షణం కోసం ఎదురు చూస్తున్నట్లు శోభిత ఆ మధ్యన స్టేట్మెంట్ ఇచ్చింది. జీవితం ఒక ఒడ్డునే ఆగిపోకూడదు మరో ఒడ్డుకి చేరుకోవాలి. ఈ క్రమంలో పిల్లల్ని కనాలి అంటూ ఫిలాసఫీ చెప్పింది శోభిత.