Salman Khan Birthday:సల్మాన్ నటించిన ఆ రెండు చిత్రాలు తెలుగులో కూడా బ్లాక్ బస్టర్స్

సల్మాన్ ఖాన్ కెరీర్ బిగినింగ్ లో చేసిన రెండు చిత్రాలు ఆయనకు చాలా ప్రత్యేకం. ఇండియా వైడ్ ఆదరణ దక్కించుకున్న ఆ చిత్రాలు సల్మాన్ ఇమేజ్ భారీగా పెంచాయి.

బాలీవుడ్ మోస్ట్ ఎలిజిబుల్ బ్యాచ్ లర్ సల్మాన్ ఖాన్ పుట్టినరోజు (Salman Khan Birthday) నేడు. 1965 డిసెంబర్ 27న జన్మించిన సల్మాన్ ఖాన్ 56వ ఏట అడుగు పెట్టారు. మూడు దశాబ్దాలుగా హిందీ చిత్రసీమను ఏలుతున్న సల్మాన్ ఖాన్ దేశవ్యాప్తంగా ఫ్యాన్స్ ని కలిగి ఉన్నారు. కెరీర్ లో అనేక బ్లాక్ బస్టర్స్ హిట్స్, ఇండస్ట్రీ హిట్స్ అందుకున్నారు. కాగా సల్మాన్ ఖాన్ కెరీర్ బిగినింగ్ లో చేసిన రెండు చిత్రాలు ఆయనకు చాలా ప్రత్యేకం. ఇండియా వైడ్ ఆదరణ దక్కించుకున్న ఆ చిత్రాలు సల్మాన్ ఇమేజ్ భారీగా పెంచాయి.

1988లో విడుదలైన బీవీ హో తో యైసి.. చిత్రంతో వెండితెరకు పరిచయమైన సల్మాన్ ఖాన్ (Salman Khan), 1989లో విడుదలైన మైనే ప్యార్ కియాతో మూవీతో హీరోగా మారారు. ఎమోషనల్ లవ్ ఎంటర్టైనర్ గా తెరకెక్కిన మైనే ప్యార్ కియా చిత్రం అప్పట్లో ఓ సంచలనం. డెబ్యూ మూవీతోనే సల్మాన్ రికార్డ్స్ తిరగరాశారు. భాగ్యశ్రీ హీరోయిన్ గా నటించగా సూరజ్ బర్తాజ్యా దర్శకత్వం వహించారు.  సల్మాన్, భాగ్యశ్రీలతో పాటు దర్శకుడు సూరజ్ కి కూడా మొదటి చిత్రం.  ముగ్గురు కొత్తవారి కాంబినేషన్ వచ్చిన చిత్రం మైనే ప్యార్ కియా. 

29 డిసెంబర్ 1989లో విడుదలైన మైనే ప్యార్ కియా అఖండ విజయం అందుకుంది. ఇక తెలుగులో ఈ మూవీ ప్రేమ పావురాలు టైటిల్ తో డబ్ చేశారు. తెలుగులో కూడా అదే స్థాయి విజయాన్ని నమోదు చేసింది. తెలిసిన ముఖం ఒక్కటి లేకపోయినా టాలీవుడ్ ఆడియన్స్ ఈ చిత్రానికి బ్రహ్మరథం పట్టారు.

ఇక ఈ సినిమా మ్యూజిక్ గురించి ఎంత చెప్పినా తక్కువే. సంగీత ప్రియులను ఓ ఊపు ఊపిన మ్యూజిక్ ఆల్బమ్ అది. బాలీవుడ్ కంపోజర్ రామ్ లక్ష్మణ్ స్వరాలు సమకూర్చగా... లెజెండరీ సింగర్స్ లతా మంగేష్కర్, ఎస్పీ బాలసుబ్రహ్మణ్యం ఆలపించారు. సామాన్యులను సైతం ఓలలాడించిన మైనే ప్యార్ కియా తెలుగు, హిందీ సాంగ్స్ ఇప్పటికీ ఎవర్ గ్రీన్ అని చెప్పాలి. సల్మాన్ కెరీర్ కి గట్టి పునాది వేసిన చిత్రంగా మైనే ప్యార్ కియా నిలిచిపోయింది.

మైనే ప్యార్ కియా తరువాత సల్మాన్ కెరీర్ లో ఎవర్ గ్రీన్ హిట్ గా నిలిచింది హమ్ ఆప్ కే హైన్ కౌన్?. 1994లో విడుదలైన ఈ ఎమోషనల్ ఫ్యామిలీ ఎంటర్టైనర్ ఇండస్ట్రీ విజయం సాధించింది. సల్మాన్ కి జంటగా మాధురి దీక్షిత్ నటించారు. లవ్, ఫ్యామిలీ ఎమోషన్స్ ప్రధానంగా సూరజ్ బర్తాజ్యా హమ్ ఆప్ కే హైన్ కౌన్ తెరకెక్కించారు. మైనే ప్యార్ కియా మ్యాజిక్ రిపీట్ చేస్తూ... సూరజ్, సల్మాన్ అతిపెద్ద బ్లాక్ బస్టర్ నమోదు చేశారు.

మాధురి దీక్షిత్ గ్లామర్, సల్మాన్ ఎనర్జీతో పాటు సూరజ్ టేకింగ్  సినిమాను అద్భుతంగా మలిచాయి. హమ్ ఆప్ కే హైన్ కౌన్ ? సైతం తెలుగులో భారీ విజయం నమోదు చేసింది. తెలుగులో ప్రేమాలయం టైటిల్ తో ఈ చిత్రం విడుదలైంది. తెలుగు ప్రేక్షకులు కుటుంబ సమేతంగా గుంపులు గుంపులుగా తమ దగ్గర్లోని థియేటర్స్ కి వెళ్లి ప్రేమాలయం సినిమా చూసేవారు.

ప్రేమాలయం సాంగ్స్ కూడా అత్యంత ఆదరణ దక్కించుకున్నాయి. సంగీత దర్శకుడు రామ్ లక్ష్మణ్ మరోసారి ఎవర్ గ్రీన్ ఆల్బమ్ ఇచ్చారు. ఎస్పీ బాలు, లతా మంగేష్కర్ తమ గానంతో శ్రోతల చెవుల్లో అమృతం పోశారు.  

Aslo read Roundup 2021: తెలుగు ఆడియన్స్ కి కిక్ ఇచ్చిన కొత్త సరుకు... 2021లో ఎంట్రీ ఇచ్చిన నయా హీరోయిన్స్