RRR:హైదరాబాద్ వీధుల్లో ఎన్టీఆర్ హీరోయిన్ హల్ చల్.. పానీపూరి తిన్న ఒలీవియా
యంగ్ టైగర్ ఎన్టీఆర్, మెగా పవర్ స్టార్ రాంచరణ్ నటిస్తున్న బిగ్గెస్ట్ యాక్షన్ డ్రామా ఆర్ఆర్ఆర్. జక్కన్న రాజమౌళి తెరకెక్కిస్తున్న ఈ చిత్రంపై ఇండియా వ్యాప్తంగా కనీవినీ ఎరుగని అంచనాలు నెలకొని ఉన్నాయి.
యంగ్ టైగర్ ఎన్టీఆర్, మెగా పవర్ స్టార్ రాంచరణ్ నటిస్తున్న బిగ్గెస్ట్ యాక్షన్ డ్రామా ఆర్ఆర్ఆర్. జక్కన్న రాజమౌళి తెరకెక్కిస్తున్న ఈ చిత్రంపై ఇండియా వ్యాప్తంగా కనీవినీ ఎరుగని అంచనాలు నెలకొని ఉన్నాయి.
ఎన్టీఆర్ కొమరం భీం పాత్రలో, రాంచరణ్ అల్లూరి సీతారామ రాజు పాత్రలో నటిస్తున్నారు. స్వాతంత్ర సమరయోధులని కల్పిత గాధతో మిళితం చేస్తూ రాజమౌళి చేస్తున్న ప్రయోగం ఈ చిత్రం.
ఇటీవల ఉక్రెయిన్ లో కీలక షెడ్యూల్ తో ఆర్ఆర్ఆర్ షూటింగ్ ముగిసింది. మిగిలిన చిన్న చిన్న షూట్ వర్క్ ని రాజమౌళి ఉక్రెయిన్ నుంచి తిరిగి వచ్చాక హైదరాబాద్ లో ఫినిష్ చేశారు . దీనితో ఆర్ఆర్ఆర్ మొత్తం షూటింగ్ పూర్తయినట్లు అయింది.
ఈ చిత్రంలో ఎన్టీఆర్ కు జోడిగా ఇంగ్లీష్ భామ ఒలీవియా మోరిస్ నటిస్తోంది. రాంచరణ్ సరసన అలియా భట్ నటిస్తున్న సంగతి తెలిసిందే. ఆర్ఆర్ఆర్ షూటింగ్ పూర్తి కాగానే ఒలీవియా మోరిస్ హైదరాబాద్ లో సరదాగా టైం స్పెండ్ చేసింది.
ఆర్ఆర్ఆర్ కాస్ట్యూమ్ డిజైనర్ అను రెడ్డితో కలసి హైదరాబాద్ వీధుల్లో సరదాగా తిరిగింది. హైదరాబాద్ లో చిరుతిళ్ళని రుచిచూసింది. ఇటీవల హైదరాబాద్ లో వర్షం కురుస్తుండడంతో వాతావరణం చల్లగా మారింది. మంచి పానీపూరి తినడానికి ఇంతకు మించిన సమయం ఏముంటుంది.
అందుకే అను రెడ్డితో కలసి పానీపూరి తినింది. షాపింగ్ కూడా చేసింది. దీనితో సోషల్ మీడియాలో ఆ ఫొటోస్ పోస్ట్ చేస్తూ 'నైసెస్ట్ రైనీ డే ఇన్ హైదరాబాద్' అని కామెంట్ పెట్టింది. ఆర్ఆర్ఆర్ చిత్రంలో ఒలీవియా మోరిస్ బ్రిటీష్ యువతిగా, కొమరం భీం ప్రేయసిగా నటిస్తోంది.