Guppedantha manasu: సాక్షిని పెళ్లి చేసుకుంటానని చెప్పిన రిషీ.. వసుధార జీవితం ఎటువైపు?

Guppedantha Manasu: బుల్లితెరపై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటుంది. కాలేజ్ లో లెక్చరర్ కు స్టూడెంట్ కు మధ్య కలిగే ప్రేమ కథతో సీరియల్ కొనసాగుతుంది. ఇక ఈరోజు ఆగస్ట్ 8వ తేదీ ఎపిసోడ్ లో ఏం జరిగిందో తెలుసుకుందాం... 

ఈరోజు ఎపిసోడ్ ప్రారంభంలోనే... వసు, కాఫీ షాప్ లో రిషి సర్ ఇంక రాలేదెంటి? అనుకుంటూ అక్కడ పనులన్నీ తప్పు తప్పుగా చేస్తూ ఉంటాది. ఈలోగా రిషి మెసేజ్ చేసి "ఒకసారి బయటికి రాగలవా అంటాడు"?. వెంటనే వసూ ఆనందంతో వస్తున్నాను అని అంటుంది. రిషి వసుధారాను కార్ లో బయటకు తీసుకువెళ్లి "నువ్వు గతంలోని పెళ్లి పీటల మీద నుంచి ఎందుకు వచ్చేసావు? నీకు నీ చదువు అంటే ముఖ్యం కాబట్టి కదా? అప్పుడే పెళ్లి చేసుకుని ఉద్దేశం లేదు కాబట్టే కదా?

నువ్వు ఒక రోజు "నాకు ఇప్పుడు చదువు ఒకటే నా లక్ష్యం. నాకంటూ ఒక గోల్ ఉంది" అని అన్నావు కదా ఆ మాట నాకు బాగా నచ్చింది వసుధార. నువ్వు మన కాలేజ్ కి మంచి పేరు తేవాలి. ఎప్పుడూ ఈ చదువు ని వదులుకోవద్దు.నువ్వు మంచి స్థానంలోకి వెళ్ళాలి అని అంటాడు. వసుదారికి ఏమీ అర్థం కాదు. ఏంటి? అని అడిగితే కొన్నిసార్లు తిరిగి ప్రశ్నలు వేయకపోవడమే మంచిది అని అంటాడు రిషి. కారులో తిరిగి వస్తున్నప్పుడు,"కార్లో ఇలా రావడం చాలా బాగుంది కదా! మనం ఇలా ఎన్నిసార్లు వచ్చామో? అవన్నీ తీపి గుర్తులుగా మిగిలిపోతూనే ఉంటాయి కదా" అని అంటాడు. వసుధారకు అసలు ఏం జరుగుతుందో అర్థం అవ్వదు.

మనసులో మాత్రం "మీరేదో చెప్పాలనుకుంటున్నారు కానీ అదేంటో అర్థం కావట్లేదు" అని  అనుకుంటుంది. ఈ మాటల్లో ఏదైనా సందేశం ఉందా? అని అనుకుంటుంది. ఈలోగా రిషి,"నువ్వు దిగవలసిన గమ్యం వచ్చింది" అని వసు అని దింపేసస్తాడు. దాని తర్వాత సీన్లో  రిషి కుటుంబ సభ్యులందరూ కూర్చొని నవ్వుతూ మాట్లాడుకుంటారు. అప్పుడు రిషి,"ఎలాగా అందరూ ఇక్కడే ఉన్నారు కాబట్టి నేను మీ అందరికీ ఒక మాట చెప్తున్నాను వినండి" అని చెప్పి పెద్దమ్మ!, వీలు కుదిరినప్పుడు సాక్షి వాళ్ళ తల్లిదండ్రులని ఇంటికి రమ్మనండి అని అంటాడు.

ఇంట్లో వాళ్ళందరూ ఎందుకు? అని అడుగుతారు. లగ్నపత్రిక రాసుకోవడానికి పిలవండి పెద్దమ్మ అని అంటాడు. అందరూ ఒకేసారి పైకి లేచి ఆశ్చర్యపోతారు. దేనికి అని అనగా సాక్షితో నా పెళ్లి జరుగుతుంది అని అంటాడు రిషి. ఇంకేమైనా డౌట్స్ ఉన్నాయా? లేకపోతే మీ అభిప్రాయాలు ఏంటి?అని రిషి అందరినీ అడగగా అందరూ వద్దని చెప్పినా సరే, "చివరికి నీ ఇష్టం మేము ఎవరిని కాదనడానికి" అని అంటారు. కానీ అభి మాత్రం అస్సలు ఒప్పుకోడు. అప్పుడు రిషి వాళ్ళ పెద్దమ్మతో ఇక నేను నిర్ణయం తీసుకున్నాను.

సాక్షితో పెళ్లి పనులన్నీ పెద్ద హడావిడి లేకుండా చేయండి. మన కుటుంబం, వాళ్ళ కుటుంబం ఉంటే చాలు అని చెప్పి అక్కడి నుంచి వెళ్ళిపోతాడు. దాని తర్వాత సీన్లో వసుధర ఆ గిఫ్ట్ ని పట్టుకుంటూ అలా రిషి గురించి ఆలోచించుకుంటూ,"నేను మీకు నా మనసులో మాట చెప్పాలనుకుంటున్నప్పుడు మీరు నాకు అవకాశం ఇవ్వట్లేదు సార్. రోజు రోజుకి నా మనసు బరువెక్కి పోతుంది"అని అనుకుంటూ ఉండగా జగతి వసుకి ఫోన్ చేస్తుంది. ఏమైంది మేడమ్? అని వసు అనగా రిషి ఎందుకు ఇంత పెద్ద నిర్ణయం తీసుకున్నాడు అని అడుగుతుంది.

ఏం నిర్ణయం? అని అనగా సాక్షితో రిషి పెళ్లికొప్పుకున్నాడు అని అంటుంది జగతి. వసు ఆశ్చర్యపోయి ఫోన్ కిందపడేస్తుంది. ఎందుకు రిషి సార్ ఇలాంటి నిర్ణయం తీసుకున్నారు? అని బాధపడుతూ ఉంటుంది.దాన్ని తర్వాత సీన్లో రిషి గతంలో వసూ ఇచ్చిన కొన్ని వస్తువులను చూస్తూ ఉంటాడు. ఇంతటితో మహేందర్,రిషి గదిలోకి వస్తాడు. ఇంతటితో ఈ ఎపిసోడ్ ముగుస్తుంది.తరువాయి భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!