Guppedantha Manasu: వసుధార చిలిపి చేష్టలు.. చాటుగా వీడియో తీసిన రిషీ.. సూపర్ కామెడీ!

Guppedantha Manasu: బుల్లితెరపై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటుంది. కాలేజ్ లో లెక్చరర్ కు స్టూడెంట్ కు మధ్య కలిగే ప్రేమ కథతో సీరియల్ కొనసాగుతుంది. ఇక ఈ రోజు అక్టోబర్ 4వ తేదీ ఎపిసోడ్ లో ఏం జరిగిందో తెలుసుకుందాం.. 

ఈరోజు ఎపిసోడ్ ప్రారంభంలోనే..రిషి, వసుధార కి ఏమని ఫోన్ చేస్తాము? తిన్నావా అని అడుగుతాను, తర్వాత పడుకో అని అంటాను గుడ్ నైట్ అంటాను. అంతకుమించి ఏం మాటలు ఉంటాయి అని అనుకునే లోగా వసు దగ్గర్నుంచి మెసేజ్ వస్తుంది. క్యాంప్ కి ఏ ప్రదేశాలకు వెళ్ళాలో లిస్ట్ పెడుతుంది వసు. అప్పుడు రిషి ఎప్పుడెల్లాలి అని అడుగుతాడు. మీ ఇష్టం సార్ అని వసు అనగా, నేను కూడా వస్తాను సార్ అని చెప్పొచ్చు కదా అని రిషి అనుకుంటాడు. అప్పుడు వసుధార మనసులో, ఇప్పుడు సార్ నన్ను కూడా రమ్మంటారు ఇద్దరూ వెళ్తాము అని అనుకుంటుంది.ఇంతలో నువ్వు, జగతి మేడం వెళ్లి వచ్చేయండి అని వసుకి మెసేజ్ వస్తుంది.ఏంటి రిషి సార్ నా అంచనాలను తారుమారు చేస్తున్నారు అని అనుకుంటుంది వసు. ఆ తర్వాత సీన్లో జగతి,మహీంద్ర లు కాలేజీకి బయలుదేరడానికి సిద్ధమవుతారు.అప్పుడు రిషి కిందకి వస్తాడు. రిషి మహేంద్ర తో మాట్లాడడానికి చూస్తాడు.

కానీ మహేంద్ర మాట్లాడడానికి సమయం ఇవ్వడు. మహేంద్ర కాఫీ తాగి వెళ్దాం అనగా జగతి వద్దంటుంది కానీ రిషి వచ్చేసరికి మహేంద్ర జగతిని తీసుకొని బయటకు వెళ్తాడు. అప్పుడు జగతి,రిషి మహీంద్రా తో ఎదో మాట్లాడాలనుకుంటున్నాడు అని పసిగట్టి, నాకు చిన్న పని ఉన్నది మహేంద్ర అని వెళ్ళిపోతుంది.అప్పుడు రిషి,మేడం కి న మనసులో మాట అర్థమైందా లేక నిజంగానే పనున్నదా అని అనుకుంటాడు. ఆ తర్వాత మహేంద్ర, రిషిలు ఇద్దరు బయటకొచ్చి ఆగుతారు. అప్పుడు రిషి మనసులో, పెద్దమ్మ కి చెప్పించినందుకు ఇలా ఉన్నారేమో అని అనుకుంటాడు. దానికి మహేంద్ర నేను ఎందుకు ఇలా ఉన్నాను అనుకుంటున్నావా రిషి.నేను నిన్న సారి అడిగినందుకు ఏం బాధపడడం లేదు. నీకోసం, కేవలం నీ ఆనందం కోసమే నిన్న అలా చేశాను. నీ ఆనందం కోసం ఒకటి కాదు వంద సార్లు సారీ చెప్పమన్నాను నేను వెనకాడను అని అంటాడు. అప్పుడు రిషి,డాడ్ నాకు చిన్నప్పటినుంచి మీరు ఏమి అడిగినా ఇచ్చారు.

 ఎప్పుడు నా సంతోషాన్ని దృష్టిలో పెట్టుకొని అన్ని పనులు చేశారు. ఆ ఒక్క పని తప్ప మిగిలింది ఏం అడిగినా మీరు క్షణాల్లో తెచ్చేవారు అని అనగా మహేంద్ర మనసులో, నువ్వు అమ్మ కావాలి అని అడిగేవాడిని అది తప్ప అన్ని ఇచ్చాను అని అనుకుంటాడు. అప్పుడు రిషి, నాకు వసుధారా అంటే ఇష్టం డాడ్.నాకు తను కావాలి కానీ నాకు తాను తానుగానే కావాలి  ఈ ఒప్పందాలు ఏవి వద్దు అని అంటాడు. అప్పుడు మహేంద్ర మనసులో, నన్ను ఒప్పందం తిరిగి తీసుకోమని చెప్పలేక చెబుతున్నట్టున్నాడు అని అనుకుంటాడు.అప్పుడు రిషి, నాకు వసుధార  వసుధారలాగే కావాలి. 

నేను తనని ఏ విషయం కోసం వదులుకోవాలనుకోవడం లేదు అని మహేంద్రని హద్దుకొని వెళ్లిపోతాడు రిషి. అప్పుడు మహేంద్ర,ఇప్పుడు రిషి కోసం ఆలోచిస్తే అక్కడ జగతికి అన్యాయం జరుగుతుంది. జగతి కోసం ఆలోచిస్తే, వీళ్ళ ప్రేమ పోతుంది.నాకు వీళ్ళ ప్రేమ ముఖ్యం, రిషి ఆనందానికి అడ్డు రాకూడదు అని అనుకుంటాడు. ఆ తర్వాత సీన్ లో వసు, మేడం బయలుదేరుదామా అని అంటుంది. ఎక్కడికి అని జగతి అనగా,క్యాంప్ కి మేడం అని అంటుంది వసుధార. నాకు ఒంట్లో బాలేదు వసు నేను రాలేను అని జగతి అనగా, అయితే సరే మేడం నేను వెళ్తాను అని అంటుంది వసు.

ఎలా వెళ్తావు అని జగతి అడుగుతుంది. నాకు టూవీలర్ ఇచ్చారు మేడం నేను వెళ్ళగలను అని వసు అనగా, అంత దూరం ఒక్కదానివే వెళ్తావా అది కూడా టూవీలర్లో అని జగతి అంటుంది. నాకు అలవాటే మేడం అని వసు అనగా,నీకు ఈ మధ్య మొండితనం పెరిగిపోతుంది వసు అని జగతి అంటుంది.అదే సమయంలో రిషి,మహేంద్ర కార్ దిగి కాలేజ్ కి వస్తారు.అప్పుడు రిషి ఒక బండిని చూస్తాడు. దాని వెనకాతల విఆర్ అని రాసి ఉంటుంది. వసుధార స్టైల్ లో ఉన్నది బండి అని అనుకుంటాడు. అదే సమయంలో మహేంద్ర లోపలికి వస్తాడు. మీరిద్దరూ క్యాంపుకు వెళ్తున్నారా అని మహేంద్ర అనగా, లేదు సార్ మేడంకి ఒంట్లో బాలేదట నేను వెళ్తున్నాను అని అంటుంది వసు.

 నేను కూడా  వస్తాను అని మహేంద్ర అనగా జగతి మహీంద్ర ని ఆపి, మనకి ఇక్కడ కాలేజీలో పనులు ఉన్నాయి కదా అవి ముందు పూర్తి చేయాలి అని చెప్పి రిషి ని వెళ్లి అడుగు వసు ఇద్దరు కలిసి వెళ్ళండి అని అంటుంది జగతి. అప్పుడు వసు రిషి క్యాబిన్ కి వస్తుంది. అక్కడ రిషి ఉండడు. అప్పుడు రిషి కూర్చున్న కుర్చీ తో, అక్కడున్న వస్తువులతో వసు మాట్లాడుతూ, ఏంటి విశేషాలు? జెంటిల్మెన్ లా ఉంటారు కానీ వస్తువులేవి సరిగ్గా ఉంచుకోరు అని అక్కడ ఉన్నవి సర్దుతూ ఉన్నప్పుడు రిషి అక్కడికి వస్తాడు. అప్పుడు రిషి,వసు కి ఒక మూల నుంచి వీడియో తీస్తూ ఉంటాడు.

 అప్పుడు వసు అక్కడ ఉన్న వస్తువులతో మాట్లాడుతూ, రిషి సార్ ఎంత మంచోళ్ళు, ఎంత ప్రేమ ఉన్నది కానీ అంత ముక్కు మీద కోపం ఏంటి ఆ మనిషికి అని అంటుంది. ఈ కుర్చీలో కూర్చుందామా మన రిషి సారే కదా అని రిషి కుర్చీలో కూర్చుంటుంది వసుధార. అప్పుడు రిషి ఇదంతా వీడియో తీస్తూ ఉంటాడు. ఇంతటితో ఎపిసోడ్ ముగుస్తుంది. తరువాయి భాగం ఏం జరిగిందో తెలియాలంటే రేపటి వరకు ఎదురు చూడాల్సిందే!