నా మాజీ భర్త తిరిగి పొందడం ఎలా ?..సలహాలు ఇస్తే నేను చేసే పని ఇదే, రేణు దేశాయ్ షాకింగ్ కామెంట్స్ 

నటి రేణు దేశాయ్ సోషల్ మీడియాలో ఎలాంటి పోస్ట్ పెట్టినా ఫ్యాన్స్ క్షణాల్లో వైరల్ చేస్తుంటారు. పవన్ అభిమానులు రేణు దేశాయ్ ని సోషల్ మీడియాలో బాగా ఫాలో అవుతుంటారు.

నటి రేణు దేశాయ్ సోషల్ మీడియాలో ఎలాంటి పోస్ట్ పెట్టినా ఫ్యాన్స్ క్షణాల్లో వైరల్ చేస్తుంటారు. పవన్ అభిమానులు రేణు దేశాయ్ ని సోషల్ మీడియాలో బాగా ఫాలో అవుతుంటారు. పవన్ కళ్యాణ్, రేణు దేశాయ్ భార్యాభర్తలుగా విడిపోయిన సంగతి తెలిసిందే. అయితే రేణు దేశాయ్ పిల్లల భాద్యత చూసుకుంటోంది. తరచుగా ఆమె అకిరా నందన్, ఆద్య గురించి విశేషాలని ఫ్యాన్స్ కి తెలియజేస్తూ ఉంటుంది. 

పవన్ కళ్యాణ్ ఎన్నికల్లో విజయం సాధించి ఏపీ ఉపముఖ్యమంత్రి అయ్యారు. ఈ క్రమంలో అకిరా తండ్రి వెంటే ఉంటూ మీడియాలో బాగా హైలైట్ అయ్యారు. రేణు దేశాయ్ కూడా ఆ ఫోటోలని సోషల్ మీడియాలో షేర్ చేసిన సంగతి తెలిసిందే. ఇదిలా ఉండగా కొందరు పవన్ అభిమానులు, నెటిజన్లు రేణు దేశాయ్ ని తరచుగా సోషల్ మీడియాలో విసిగించడం చూస్తూనే ఉన్నాం. 

రేణు దేశాయ్ ని వదిన అని పిలవడం వరకు ఓకే కానీ.. తిరిగి మీ మాజీ భర్త దగ్గరికి వచ్చేయండి అంటూ ఉచిత సలహాలు ఇస్తుంటారు. అలాంటి వారి పట్ల రేణు దేశాయ్ కూడా విసిగిపోయింది. రేణు దేశాయ్ ఏదైనా పోస్ట్ పెడితే.. కామెంట్స్ రూపంలో పవన్ ప్రస్తావన తీసుకువస్తారు. 

తాజాగా రేణు దేశాయ్ తన ఐఫోన్ లో ఎడిట్ చేసిన ఒక వీడియో షేర్ చేసింది. ఆ వీడియో చాలా అద్భుతంగా వచ్చింది. డిసెంబర్ లో ఈ వీడియో ఎడిట్ చేసిందట. కానీ షేర్ చేయడం మరచిపోయిందట. ఇప్పుడు షేర్ చేస్తున్నానని తెలిపింది. 

అయితే నెటిజన్లకు, పవన్ ఫాన్స్ కి వార్నింగ్ ఇచ్చింది. 'నా మాజీ భర్తని తిరిగి పొందడం ఎలా .. అతనిని నేను మిస్ అవుతున్నాను కాబట్టి ఇలాంటి పోస్ట్ లు చేస్తోంది అని మీరు భావిస్తూ..అనవసరమైన సలహాలు ఇస్తూ కామెంట్స్ చేస్తే మాత్రం వెంటనే బ్లాక్ చేస్తాను అని రేణు దేశాయ్ వార్నింగ్ ఇచ్చింది. 

ఇదిలా ఉండగా రేణు దేశాయ్ ఆ మధ్యన సిల్వర్ స్క్రీన్ పై రీ ఎంట్రీ ఇచ్చింది. ఆమె రవితేజ టైగర్ నాగేశ్వర రావు చిత్రంలో కీలక పాత్రలో నటించిన సంగతి తెలిసిందే. అయితే ఆ చిత్రం అంతగా వర్కౌట్ కాలేదు.