ఇంట్లో చండీ హోమం చేసిన రేణు దేశాయ్..అతడిని చూపించి చూపించకుండా దాచేసి, అనవసరంగా షో చేయద్దు అంటూ

టాలీవుడ్ లో నటిగా రాణించిన రేణు దేశాయ్ దర్శకురాలిగా కూడా ట్రై చేసింది. ఇటీవల రేణు దేశాయ్.. రవితేజ టైగర్ నాగేశ్వర రావు చిత్రంలో కీలక పాత్రలో నటించింది. అయితే ఆ చిత్రం ఆశించిన స్థాయిలో సక్సెస్ కాలేదు. రేణు దేశాయ్ పవన్ కళ్యాణ్ తో విడిపోయాక పూణేలో ఉంటున్నారు. పిల్లలు కూడా రేణు దేశాయ్ తోనే ఉంటారు. అప్పుడప్పుడూ పవన్ దగ్గరకి వస్తుంటారు. 

రేణు దేశాయ్ ఇటీవల బిజినెస్ కోసం హైదరాబాద్ లో కూడా ఇల్లు తీసుకుందట. ఓ ఇంటర్వ్యూలో ఆమె స్వయంగా ఈ విషయాన్ని చెప్పారు. రేణు దేశాయ్ కి ఆధ్యాత్మికమైన ఆసక్తి ఎక్కువ. తరచుగా మన సంస్కృతి, సంప్రదాయాల గురించి మాట్లాడుతుంటారు. 

రేణు దేశాయ్ తన ఇంట్లో తరచుగా పూజలు చేయడం చూస్తూనే ఉన్నాం. సందర్భం వచ్చినప్పుడల్లా హిందూ సాంప్రదాయం ప్రకారం రేణు దేశాయ్ అనేక పూజలు చేస్తుంటారు. తాజాగా రేణు దేశాయ్ తన ఇంట్లో గణపతి, చండీ హోమం నిర్వహించారు. వేద పండితుల సమక్షంలో శాస్త్రోక్తంగా రేణు దేశాయ్ హోమం చేశారు. ఆ దృశ్యాలని రేణు దేశాయ్ సోషల్ మీడియాలో పోస్ట్ చేసింది. 

రేణు దేశాయ్ ఎంతో సంతోషంగా భక్తి శ్రద్దలతో ఈ పూజ చేశారు. శరద్ పౌర్ణమి సందర్భంగా ఇంట్లో గణపతి, చండి హోమం చేశాను. శరద్ పౌర్ణమి హిందువులకు చాలా ముఖ్యమైన రోజు. మన పూర్వీకులు మనకు అందించిన సంప్రదాయాలని పిల్లలకు నేర్పడం చాలా అవసరం అని రేణు దేశాయ్ పేర్కొన్నారు. ఇలాంటి హోమాలు చేసేటప్పుడు అతిగా అలంకరణ అవసరం అవసరం లేదు. షో చేయడానికి అలంకరణ వద్దు. ప్రధానంగా పూజపై మాత్రమే ఫోకస్ చేయాలి అని రేణు దేశాయ్ పేర్కొన్నారు. 

ఇక రేణు దేశాయ్ ఇంస్టాగ్రామ్ లో చేసిన ఈ పోస్ట్ లో ఆమె పక్కన మరో వ్యక్తి కూడా పూజలో పాల్గొన్నట్లు అర్థం అవుతోంది. అతడు ఎవరో కాదు అకిరా నందన్. కాకపోతే అకిరాని రేణు దేశాయ్ చూపించి చూపించకుండా దాచేసింది.