గర్ల్ ఫ్రెండ్ కోసం నన్ను సినిమా నుంచే తొలగించాడు.. కాలమే బుద్ధి చెప్పింది, స్టార్ హీరోయిన్ హాట్ కామెంట్స్

ఒకప్పటి బాలీవుడ్ స్టార్ హీరోయిన్ రవీనా టాండన్ తెలుగు ప్రేక్షకులకు కూడా సుపరిచయమే. తెలుగులో కూడా ఆమె నాలుగైదు చిత్రాల్లో నటించారు. ఆకాశ వీధిలో, పాండవులు పాండవులు తుమ్మెద లాంటి చిత్రాల్లో రవీనా టాండన్ మెరిశారు. ప్రస్తుతం రవీనా వయసు 47 ఏళ్ళు. ఈ వయసులో కూడా ఆమె చెక్కు చెదరని గ్లామర్ తో మతిపోగొడుతున్నారు. 

రవీనా టాండన్ ఒకప్పుడు బాలీవుడ్ స్టార్ హీరోయిన్లకు గట్టి పొతే ఇచ్చింది. తన అందంతో, అభినయంతో బాలీవుడ్ లో క్రేజీ హీరోయిన్ గా మారింది. ఇప్పటికే ఆమె అందం వన్నె తరగలేదు. కుర్ర హీరోయిన్లు సైతం అసూయపడే అందంతో రవీనా మెరిసిపోతోంది. 

ఇదిలా ఉండగా తాజాగా ఓ ఇంటర్వ్యూలో తన కెరీర్ ఆరంభంలో పడ్డ ఇబ్బందుల గురించి రవీనా సంచలన వ్యాఖ్యలు చేసింది. కెరీర్ ఆరంభంలో తనని చాలా మంది ఐరెన్ లెగ్ అంటూ అవమానించినట్లు రవీనా పేర్కొంది. నేను నటించిన చిత్రాలు వరుసగా పరాజయం చెందాయి. దీనితో ఐరెన్ లెగ్ అన్నారు. 

ఏదైనా సినిమాలో అవకాశం వచ్చినా.. ఈ చిత్రంలో రవీనా నటిస్తోంది , అయితే సినిమా ఫ్లాపే అంటూ ఎగతాళి చేసేవారు. కానీ నాకు సక్సెస్ రావడం మొదలయ్యాక.. నన్ను అవమానించిన వారే మీడియా ముందుకు వచ్చి రవీనా లక్కీ గర్ల్ అని చెప్పినట్లు తెలిపింది. ఇక కెరీర్ లో ఎదుగుతున్న సమయంలో అసూయతో, ఇన్ సెక్యూరిటీతో కొందరు కుట్ర కూడా చేసినట్లు రవీనా సంచలన వ్యాఖ్యలు చేసింది. 

నాకు వరుసగా విజయాలు దక్కుతుండడంతో స్టార్ హీరోల గర్ల్ ఫ్రెండ్స్ అసూయ పడేవారు. ఇన్సెక్యూర్ గా అయ్యేవారు. వారి వల్ల రెండు మూడు భారీ చిత్రాల్లో అవకాశాలు కూడా కోల్పోయాను. ఒకసారి ఓ స్టార్ హీరో సినిమాలో వచ్చింది. నన్ను సినిమా నుంచి తొలగించాలి అని ఆమె ఆ హీరోని బలవంతం చేసింది. దీనితో అతడు నన్ను సినిమా నుంచి తప్పించాడు. 

అలాగే మరో హీరో వద్దకు వెళ్లి నన్ను సినిమాలోకి తీసుకోవద్దని కూడా కుట్ర చేసింది. అలా రెండు మూడు చిత్రాలు కోల్పోయాను. విచిత్రం ఏంటంటే.. కొన్ని రోజుల తర్వాత ఆమె ఆ హీరోని వదిలేసింది. దీనితో అతడు బాధపడుతూ నా దగ్గరకు వచ్చి క్షమాపణ కోరాడు అని రవీనా పేర్కొంది. అలా వారికి కాలమే గుణపాఠం నేర్పింది అని రవీనా పేర్కొంది.