ఆ విషయంలో సంతోషంగా ఉంది : రష్మిక.. నేషనల్ క్రష్ ఇంట్రెస్టింగ్ కామెంట్స్

టాలీవుడ్ స్టార్ హీరోయిన్ రష్మిక మందన్న (Rashmika Mandannna) కన్నడ సినిమాలతో కెరీర్ ను ప్రారంభించింది. ఇక తెలుగు చిత్రాలతో మంచి గుర్తింపు దక్కించుకుంది. ‘పుష్ప’తో నేషనల్ క్రష్ గా మారింది. దీంతో అన్ని ఇండస్ట్రీల నుంచి ఈ ముద్దుగుమ్మకు ఆఫర్లు దక్కాయి. 
 

ఈ క్రమంలో బాలీవుడ్ నుంచీ కూడా రష్మిక ‘గుడ్ బై’, ‘మిషన్ మజ్ను’ వంటి చిత్రాలల్లో నటించే ఛాన్స సొంతం చేసుకుంది. కానీ ఆ సినిమాలు పెద్దగా ఫలితానివ్వలేదు. అలాగే తమిళంలోకి ఎంట్రీ ఇస్తున్న చేసిన ‘సుల్తాన్’ మూవీ కూడా ఆశించిన రిజల్ట్ అందించలేకపోయింది.

‘పుష్ప’ తర్వాత వచ్చిన సినిమాలు పెద్దగా ప్రేక్షకులను ఆకట్టుకోలేకపోయింది. దీంతో ఈ అమ్మడు అవకాశాలను యంగ్ సెన్సేషన్ శ్రీలీలా కాజేస్తున్న విషయం తెలిసిందే. ప్రస్తుతం రష్మిక ‘యానిమల్’పై ఆశలు పెట్టుకుంది. ఈ చిత్ర ప్రమోషన్స్ ను యూనిట్ షురూ చేసింది. 

రెండ్రోజుల కింద Animal movie ఫస్ట్ సింగిల్ కూడా విడుదలై మంచి రెస్పాన్స్ ను దక్కించుకుంటోంది. ఈ క్రమంలో రీసెంట్ ఇంటర్వ్యూలో రష్మిక చేసిన కామెంట్స్ ఆసక్తికరంగా మారాయి. తనకిప్పుడు సమయం వచ్చిందంటూ చెప్పుకొచ్చింది.

ఇన్నాళ్లు టైమ్ సరిగాలేదని, ప్రతి బియ్యం గింజపైనా మన పేరు రాసి ఉన్నట్టే.. నటీనటులకూ నటించే ప్రతి పాత్రపైనా వారి పేరు రాసి ఉంటుందని అభిప్రాయపడింది. ప్రతి ఒక్క యాక్టర్ కు మంచి టైమ్ వస్తుందని, తనకిప్పుడు ఆ రోజులు వచ్చాయని  పేర్కొంది. మంచి పాత్రల్లో నటిస్తుండటం తనను సంతోషపెడుతోందని చెప్పింది. 
 

ఇక రష్మిక రన్బీర్ కపూర్ సరసన నటిస్తున్న ‘యానిమల్’ డిసెంబర్ 1న విడుదల కాబోతోంది. సందీప్ రెడ్డి వంగ దర్శకత్వం వహించడంతో ఈ సినిమాపై భారీ అంచనాలు నెలకొన్నాయి. అలాగే అల్లు అర్జున్ తో ‘పుష్ప2’లో నటిస్తోంది. అదేవిధంగా లేడీ ఓరియెంటెడ్ ఫిల్మ్ ‘రెయిన్ బో’లోనూ నటిస్తూ బిజీగా ఉంది.