`ముద్దు ఇస్తా రా`.. అందరి ముందు జబర్దస్త్ కమెడియన్‌కి రష్మి గౌతమ్‌ ఆఫర్‌.. పరిగెత్తుకుంటూ రావడంతో ట్విస్ట్

`జబర్దస్త్` మోస్ట్ పాపులర్‌ కామెడీ షో. పదేళ్లుగా నాన్‌ స్టాప్‌గా నవ్వులు పూయిస్తూనే ఉంది. అయితే ఇటీవల ఆ కామెడీ డోస్‌ తగ్గిందని చెప్పి, ఓ షోనే లేపేశారు నిర్వాహకులు. ఎక్స్ ట్రా జబర్దస్త్ ని తొలగించి, కేవలం జబర్దస్త్ షోనే రెండు ఎపిసోడ్లుగా ప్రసారం చేస్తున్నారు. గురు, శుక్రకి బదులు, శుక్రవారం, శనివారం టెలికాస్ట్ చేస్తున్నారు. జడ్జ్ ఇంద్రజ వెళ్లిపోయారు. టీమ్‌లు కుదించారు. ఆరు టీముల్లో కమెడియన్లని అడ్జెస్ట్ చేశారు. కాంపిటీషన్‌ బాగాపెరిగింది. 

ఇక జబర్దస్త్ యాంకర్‌గా రష్మి గౌతమ్‌ కొనసాగుతుంది. సిరి వెళ్లిపోయారు. రెండు షోలకు రష్మినే యాంకర్‌గా వ్యవహరిస్తుంది. అంతేకాదు తన ఫన్‌ యాంగిల్‌ని కూడా పెంచారు. చాలా యాక్టివ్‌గా మారింది. కమెడియన్లపై సెటైర్లు పేలుస్తూ రెచ్చిపోతుంది. తాజాగా ఆమె చేసిన పనికి అంతా షాక్‌ అయ్యారు. కానీ జబర్దస్త్ కమెడియన్‌ మాత్రం పండగ చేసుకున్నాడు. కానీ అంతలోనే పెద్ద ట్విస్ట్ ఇచ్చింది. 
 

నూకరాజు చీపురు పట్టుకుని వచ్చి రష్మిని పలకరించారు. ఏంటీ రష్మి ఎలా ఉన్నావ్‌ అని అడిగాడు. దీంతో నేను బాగానే ఉన్నాలే గానీ, ఏంటి కామెడీ ఉంటుందా? అని అడిగింది. దానికి ఏంటో అంటూ వినపడనట్టుగా రియాక్ట్ అయ్యాడు నూకరాజు. రెండు సార్లు అడిగినా అలానే రియాక్ట్ అయ్యాడు. 

దీంతో నూకరాజుకి బంపర్‌ ఆఫర్‌ ఇచ్చింది రష్మి. ఆయనకు సరిగ్గా వినపడనట్టుగా యాక్ట్ చేస్తున్న నేపథ్యంలో సరే రా ముద్దుపెడతా అంటూ బంపర్‌ ఆఫర్‌ ఇచ్చింది. దెబ్బకి మనోడు ఆనందంతో రెచ్చిపోయాడు. ఆ వస్తున్నా అంటే ఆలస్యం లేకుండా పరిగెత్తుకుంటూ ఆమె వద్దకు వెళ్లే ప్రయత్నం చేశాడు. దీంతో పెద్ద ట్విస్ట్ ఇచ్చింది రష్మి. చెప్పుతీసుకొని కొడతా అంటూ బెదిరించింది. దెబ్బకి ఎంత ఫాస్ట్ గా వెళ్లాడో, అంతే వేగంగా బ్యాక్‌ అయ్యాడు నూకరాజు. దీంతో హౌజ్‌లో ఇది నవ్వులు పూయించింది. 
 

మరోవైపు రష్మికి సంబంధించిన మరో రహస్యాన్ని బయటపెట్టాడు రామ్‌ ప్రసాద్‌. ఆయన పేపర్‌ చదువుతూ రష్మి గురించి సంచలన వ్యాఖ్యలు చేశాడు. `ఎక్స్ ట్రా జబర్దస్త్ ఆపేశారని, రష్మి విషం తాగుతూ, ఇంతలో యాజమాన్యం రెండు ఎపిసోడ్లు నువ్వే చేస్తున్నావని చెప్పడంతో విషం పక్కన పెట్టి విస్కీ తాగిందని బాంబ్‌ పేల్చాడు రామ్‌ ప్రసాద్‌. దెబ్బకి షోలో మొత్తం నవ్వులు విరిసాయి. 
 

కామెడీ స్కిట్లలో భాగంగా వీళ్లు ఇలా రష్మిని వాడుకుని కామెడీ చేసే ప్రయత్నం చేశారు.నవ్వులు పూయించారు. ఈ లేటెస్ట్ ఎపిసోడ్‌కి సంబంధించిన జబర్దస్త్ ప్రోమో విడుదలైంది. ఇది యూట్యూబ్‌లో ట్రెండ్‌ అవుతుంది. అయితే ఈ సారి మొత్తం రష్మి చుట్టూనే కామెడీ స్కిట్లు తిరగడం విశేషం. దీంతోపాటే ఏపీలో చంద్రబాబు, పవన్ కల్యాణ్‌ కూటమి గెలిచిన నేపథ్యంలో వారిపై కూడా కామెడీ చేసి నవ్వించే ప్రయత్నం చేశారు.