Ramayana: మొదటి రోజే రూ.100 కోట్లు దాటుతుందా.. ఈ బజ్ తో రణ్‌బీర్ సినిమాకి అది సాధ్యమేనా ?

రణ్‌బీర్ కపూర్ 'రామాయణం' సినిమాపై మంచి అంచనాలు ఉన్నాయి. ఈ సినిమా మొదటి రోజు బాక్సాఫీస్ రికార్డులను బద్దలు కొట్టొచ్చని ట్రేడ్ వర్గాలు అంచనా వేస్తున్నాయి. నిజంగా ఈ చిత్రపై రికార్డులు బద్దలు కొట్టేంత బజ్ ఉందా అనేది ఈ కథనంలో తెలుసుకుందాం.

Image Credit : Instagram

Ramayana

ఈ సినిమాపై ఇంత క్రేజ్ ఉండటానికి చాలా కారణాలున్నాయి. భారీ తారాగణం, భారీ బడ్జెట్, అద్భుతమైన విజువల్ ఎఫెక్ట్స్ ఈ సినిమా ప్రత్యేకతలు. భారతీయ సినిమా చరిత్రలోనే అత్యంత భారీ చిత్రంగా దీన్ని తీర్చిదిద్దుతున్నారు.

Image Credit : Instagram

దీపావళికి విడుదల

ఈ సినిమాను 2026 దీపావళికి విడుదల చేయాలని ప్లాన్ చేస్తున్నారు. సాధారణంగా పండగ సీజన్‌లో వచ్చే పెద్ద సినిమాలకు మంచి వసూళ్లు వస్తాయి. భారీ ఎత్తున థియేటర్లలో విడుదల చేస్తే, మొదటి రోజు కలెక్షన్లు అదిరిపోతాయని భావిస్తున్నారు.

Image Credit : Asianet News

Can Ramayana Rewrite Opening-Day Records?

ఈ సినిమా మొదటి రోజు ఇండియాలో రూ.100 కోట్ల నెట్ మార్క్‌ను దాటుతుందని ట్రేడ్ వర్గాలు నమ్ముతున్నాయి. అయితే, ప్రమోషన్లు మొదలై, అడ్వాన్స్ బుకింగ్స్ ఓపెన్ అయ్యాకే అసలు విషయం తెలుస్తుంది. ట్రైలర్‌కు అద్భుతమైన స్పందన వస్తే, ఈ అంచనాలు మరింత పెరగొచ్చు.మొన్నటి వరకు ఈ చిత్రానికి మంచి బజ్ ఉండేది. కానీ ఇటీవల ట్రైలర్ లీక్ కావడంతో నెగిటివ్ ట్రెండ్ మొదలైంది. ఈ పరిస్థితుల్లో రామాయణ చిత్రం తొలి రోజు 100 కోట్ల కలెక్షన్ రాబట్టడం సాధ్యమేనా అంటే సందేహాలు మొదలవుతున్నాయి.

Image Credit : Threads

నటీనటులు

ఈ లీక్ వివాదం ఎంత ప్రభావం చూపించినప్పటికీ, భారతీయ ప్రేక్షకులలో పౌరాణిక చిత్రాలకు, ముఖ్యంగా ‘రామాయణ’ వంటి మహాగ్రంథ ఆధారిత కథలకు ఉండే ఆదరణను తక్కువ అంచనా వేయలేం. నితేష్ తివారి దర్శకత్వంలో రాబోతున్న ఈ విజువల్ వండర్‌లో అగ్ర నటీనటులు నటించడం, గ్లోబల్ స్థాయిలో సాంకేతిక ప్రమాణాలు పాటించడం వల్ల సినిమాపై సాధారణ ప్రేక్షకుల్లో ఇప్పటికీ అపారమైన ఉత్సుకత నెలకొంది. లీకైన దృశ్యాల ఆధారంగా పూర్తి సినిమా స్థాయిని అంచనా వేయడం తొందరపాటే అవుతుంది. చిత్ర బృందం గనుక పవర్ ఫుల్ అధికారిక ట్రైలర్, సరైన ప్రమోషనల్ కంటెంట్‌తో వస్తే, ఏర్పడిన ప్రతికూల వాతావరణం క్షణాల్లో తొలగిపోయి, బాక్సాఫీస్ వద్ద రికార్డు స్థాయి ఓపెనింగ్స్ సాధ్యమవుతాయని విశ్లేషకులు భావిస్తున్నారు. రాముడి పాత్రలో బాలీవుడ్ స్టార్ నటుడు రణ్‌బీర్ కపూర్ నటిస్తుండగా, సీతగా తన సహజసిద్ధమైన నటనతో అలరించే సాయి పల్లవి కనిపించనుంది. ఇక లంకేశ్వరుడు రావణాసురుడి భయంకరమైన, పవర్ ఫుల్ పాత్రలో ‘KGF’ ఫేమ్ యష్ నటిస్తుండటం ఈ సినిమాకు అతిపెద్ద ఆకర్షణగా మారింది. వీరితో పాటు హనుమంతుడిగా సన్నీ డియోల్, లక్ష్మణుడిగా రవి దూబే, దశరథ మహారాజుగా పాతకాలపు రాముడు అరుణ్ గోవిల్, కైకేయిగా లారా దత్తా, శూర్పణఖగా రకుల్ ప్రీత్ సింగ్ వంటి దిగ్గజ తారలు ముఖ్య భూమికలు పోషిస్తున్నారు.