డబుల్ ఇస్మార్ట్ రిలీజ్ అయిన వెంటనే మహేష్ బాబు కోసం రంగంలోకి రామ్ పోతినేని

హీరో రామ్ పోతినేని నటిస్తున్న డబుల్ ఇస్మార్ట్ చిత్రం ఆగష్టు 15న రిలీజ్ కి రెడీ అవుతోంది. డాషింగ్ డైరెక్టర్ పూరి జగన్నాధ్ ఇస్మార్ట్ శంకర్ చిత్రానికి సీక్వెల్ గా ఈ మూవీని తెరకెక్కిస్తున్నారు. దీనితో డబుల్ ఇస్మార్ట్ పై భారీ అంచనాలు ఉన్నాయి.కావ్య థాపర్ హీరోయిన్. 

ఇటీవల సీక్వెల్ చిత్రాలకు కొన్నింటికి సరైన రిజల్ట్ రావడం లేదు. మరి డబుల్ ఇస్మార్ట్ ఎలా ఉండబోతోందో చూడాలి. డబుల్ ఇస్మార్ట్ తర్వాత రామ్ పోతినేని నటించే చిత్రం ఖరారైంది. డబుల్ ఇస్మార్ట్ రిలీజ్ అయిన వెంటనే ఏమాత్రం ఆలస్యం లేకుండా తన తదుపరి చిత్రాన్ని రామ్ ప్రారంభించబోతున్నారు. 

మిస్ శెట్టి మిస్టర్ పోలిశెట్టి చిత్రంలో సూపర్ హిట్ అందుకున్న మహేష్ బాబు పి దర్శకత్వంలో రామ్ నటించబోతున్నారు. వైవిధ్యమైన ఫీల్ గుడ్ లవ్ స్టోరీతో మ్యాజిక్ చేసిన మహేష్ బాబు రామ్ కోసం మరో వెరైటీ కథని సిద్ధం చేశారు. 

రామ్ పోతినేని, మహేష్ చిత్రాన్ని మైత్రి మూవీస్ సంస్థ నిర్మిస్తోంది. ప్రస్తుతం భారీ సెట్ వర్క్ జరుగుతోందట. సెప్టెంబర్ నుంచే ఈ చిత్రం షూటింగ్ మొదలు కాబోతున్నట్లు లేటెస్ట్ న్యూస్ అందుతోంది. మూవీ లాంచ్ రోజున మరిన్ని వివరాలని రివీల్ చేయనున్నారు.