బర్త్ డే బాయ్ రామ్ పోతినేని రిజెక్ట్ చేసిన చిత్రాలు.. ఎనర్జిటిక్ స్టార్ కెరీర్ లో చేసిన పెద్ద మిస్టేక్ అదే

ఎనర్జిటిక్ స్టార్ రామ్ పోతినేని దాదాపు రెండు దశాబ్దాలుగా టాలీవుడ్ లో హీరోగా కొనసాగుతున్నాడు. రామ్ పోతినేని సినీ బ్యాగ్రౌండ్ ఉన్న ఫ్యామిలీ నుంచి ఇండస్ట్రీలోకి వచ్చారు. రామ్ పోతినేని బాబాయ్ స్రవంతి రవి కిషోర్ ఇండస్ట్రీలో ప్రముఖ నిర్మాత.

Ram Pothineni

ఎనర్జిటిక్ స్టార్ రామ్ పోతినేని దాదాపు రెండు దశాబ్దాలుగా టాలీవుడ్ లో హీరోగా కొనసాగుతున్నాడు. రామ్ పోతినేని సినీ బ్యాగ్రౌండ్ ఉన్న ఫ్యామిలీ నుంచి ఇండస్ట్రీలోకి వచ్చారు. రామ్ పోతినేని బాబాయ్ స్రవంతి రవి కిషోర్ ఇండస్ట్రీలో ప్రముఖ నిర్మాత. రామ్ పోతినేని నేడు తన 37వ జన్మదిన వేడుకలు సెలబ్రేట్ చేసుకుంటున్నారు. ఈ సందర్భంగా రామ్ పోతినేని గురించి ఆసక్తికర విషయాలు సోషల్ మీడియాలో వైరల్ అవుతున్నాయి.

రామ్ పోతినేని వైవిఎస్ చౌదరి దర్శకత్వంలో దేవదాసు చిత్రంతో టాలీవుడ్ లోకి ఎంట్రీ ఇచ్చారు. ఫస్ట్ మూవీ నే సూపర్ హిట్ కావడంతో రామ్ పోతినేనికి టాలీవుడ్ లో మంచి గుర్తింపు వచ్చింది. ఆ తర్వాత నటించిన జగడం చిత్రం నిరాశపరిచినప్పటికీ.. శ్రీనువైట్ల దర్శకత్వంలో రూపొందిన రెడీ చిత్రంతో మరో సూపర్ హిట్ అందుకున్నాడు. దీంతో రామ్ పోతినేని టాలీవుడ్ లో ఎనర్జిటిక్ స్టార్ గా మారిపోయారు.

రామ్ పోతినేనికి టాలీవుడ్ లో టాప్ స్టార్ గా ఎదిగే లక్షణాలన్నీ ఉన్నాయి. పర్ఫామెన్స్ పరంగా డాన్స్ పరంగా రామ్ కి తిరుగులేదు. కానీ కథలే ఎంపిక సరిగ్గా లేకపోవడం వల్ల చాలా ఫ్లాపులు ఎదురయ్యాయి. రామ్ తన కెరీర్ లో కొన్ని హిట్ చిత్రాలని రిజెక్ట్  చేసినట్లు వార్తలు ఉన్నాయి.

అనిల్ రావిపూడి, రవితేజ కాంబినేషన్ లో వచ్చిన రాజా ది గ్రేట్ చిత్రంలో ముందుగా రామ్ పోతినేని నటించాల్సింది. కొన్ని కారణాలవల్ల రామ్ ఆ చిత్రాన్ని వదులుకున్నాడట. రామ్ పోతినేని వదులుకున్న మరో సక్సెస్ ఫుల్ మూవీ లవ్ స్టోరీ. నాగచైతన్య, శేఖర్ కమ్ముల, సాయి పల్లవి కాంబినేషన్ లో వచ్చిన ఈ చిత్రం మంచి విజయం సాధించింది.

రామ్ పోతినేని తన కెరీర్ లో చేసిన పెద్ద మిస్టేక్ బింబిసార చిత్రాన్ని వదులుకోవడమే. కళ్యాణ్ రామ్ నటించిన బింబిసార చిత్రం ఎంత పెద్ద విజయం సాధించిందో చూసాం. ఈ మూవీ కళ్యాణ్ రామ్ కి ప్రత్యేకమైన గుర్తింపు తీసుకువచ్చింది. ముందుగా ఈ చిత్రంలో నటించే అవకాశం రామ్ కి వచ్చింది. కానీ రామ్ పోతినేని ఈ చిత్రాన్ని రిజెక్ట్ చేశారు. ప్రస్తుతం రామ్.. మహేష్ బాబు పి దర్శకత్వంలో ప్రేమ కథా చిత్రంలో నటిస్తున్నారు.ఈ మూవీలో భాగ్యశ్రీ బోర్సే హీరోయిన్ గా నటిస్తోంది.