` బైకాట్ లైగర్‌`కి కారణం కరణ్‌ జోహారే.. బాంబ్‌ పేల్చిన వర్మ.. విజయ్ దేవరకొండ యాటిట్యూడ్‌ వల్లే ఇదంతా జరిగిందా
`లైగర్‌` సినిమా బాలీవుడ్‌లో బైకాట్ ట్రోల్స్ ఎదుర్కొన్న విషయం తెలిసిందే. దీనిపై సంచలన దర్శకుడు రామ్‌ గోపాల్‌ వర్మ షాకింగ్‌ కామెంట్స్ చేశారు. బాలీవుడ్‌ స్టార్‌ ప్రొడ్యూసరే దీనికి కారణమంటూ బాంబ్‌ పేల్చాడు.
విజయ్ దేవరకొండ తొలి పాన్‌ ఇండియాచిత్రం `లైగర్‌` ఇటీవల విడుదలైన విషయం తెలిసిందే. పూరీ జగన్నాథ్‌ రూపొందించిన ఈ సినిమా సినిమా ఆగస్ట్ 25న విడుదలై డిజాస్టర్‌ టాక్‌ని తెచ్చుకుంది. ఇండియా వైడ్‌గా ఎంతో ప్రమోట్‌ చేసిన ఈ సినిమా నిరాశ పర్చడంతో అంతా షాక్‌ అయ్యారు. ఈ సినిమాపై దారుణమైన ట్రోల్స్ వైరల్‌ అయ్యాయి. విజయ్‌ని, సినిమాని నెటిజన్లు విమర్శించారు. మీమ్స్ తో ఆడుకున్నారు.
ముఖ్యంగా బాలీవుడ్‌లో `బైకాట్ లైగర్‌` ట్రెండ్‌ వైరల్‌ అయిన విషయం తెలిసిందే. ఇటీవల వరుసగా బాలీవుడ్‌ సినిమాలను `బైకాట్‌బాలీవుడ్‌`తోపాటు హిందీ సినిమాలను సినిమాలను బైకాట్ చేస్తున్న విషయం తెలిసిందే. అందులో భాగంగా `లైగర్‌` కూడా దాన్ని ఫేస్‌ చేసింది. తాజాగా దీనిపై సంచలన, వివాదాస్పద దర్శకుడు రామ్‌గోపాల్‌ వర్మ స్పందించారు. బాంబ్‌ పేల్చారు. `బైకాట్ లైగర్‌`కి కారణం ఎవరో చెప్పేశారు. స్టార్‌ ప్రొడ్యూసర్‌ కరణ్‌ జోహారే దీనికి కారణమంటూ ఆయన పెద్ద బాంబ్‌ పేల్చారు. అయితే దీనికి తనదైన స్టయిల్‌లో వివరణ ఇచ్చాడు వర్మ.
సుశాంత్‌ సింగ్‌ రాజ్‌పుత్‌ మరణం నుంచి బాలీవుడ్‌ సినిమాలను బైకాట్ చేస్తున్న విషయం తెలిసిందే. ముఖ్యంగా కరణ్‌ జోహార్‌ పేరుని, ఆయన సినిమాలను బైకాట్ చేస్తున్నారని గుర్తు చేశారు. `లైగర్‌` సినిమాకి కరణ్‌ జోహార్‌ నిర్మాత కారణమే `బైకాట్ లైగర్‌`కి కారణమని తెలిపారు. కరణ్‌ జోహార్‌ సినిమా కావడంతో బాలీవుడ్‌లో దీన్ని బైకాట్ చేశారని వెల్లడించారు వర్మ. కరణ్‌ కారణంగానే `లైగర్‌` హిందీలో బైకాట్ కి గురయ్యిందని తెలిపారు.
అంతేకాదు ఈ సందర్భంగా విజయ్ దేవరకొండ యాటిట్యూట్‌పై కూడా ఆయన కామెంట్లు చేశారు. విజయ్ దేవరకొండ సహజంగానే అగ్రెసివ్‌గా ఉంటారని, స్టేజ్‌పై ఆయన మరింతగా అగ్రెసివ్‌గా ఉంటారని, అందరి దృష్టిని ఆకర్షించే చేష్టలు చేస్తాడని, `బైకాట్`కి ఆయన యాటిట్యూడ్‌ కూడా ఓ కారణం కావచ్చు అని వెల్లడించారు. ఈ సందర్భంగా ప్రభాస్‌, ఎన్టీఆర్‌, అల్లు అర్జున్‌, రామ్‌చరణ్‌లపైప్రశంసలు కురిపించారు వర్మ.
హిందీలో మన స్టార్‌ హీరోల సినిమాలు బాగా ఆడాయి. ప్రభాస్‌, ఎన్టీఆర్‌, బన్నీ, చరణ్‌ ఎంతో అణుకువతో ఉంటారు. డౌన్‌ టూ ఎర్త్ గా బిహేవ్ చేస్తాడు. ఇలా బాలీవుడ్‌ ఆడియెన్స్ మనసులను దోచుకున్నారని, కానీ బాలీవుడ్‌ హీరోలు అగ్రెసివ్ గా ఉంటారని, విజయ్ దేవరకొండ కూడా అలానే ఉండటంతో వారి రిసీవ్‌ చేసుకోలేకపోయారని తెలిపారు ఆర్జీవీ. `బైకాట్ లైగర్‌`కిది స్టఫ్‌గా మారిందని చెప్పారు వర్మ.
విజయ్ దేవరకొండ హీరో, అనన్య పాండే కథానాయిగా నటించిన `లైగర్‌` చిత్రానికి పూరీ జగన్నాథ్‌ దర్శకత్వం వహించారు. రమ్యకృష్ణ, వరల్డ్ మాజీ బాక్సింగ్‌ఛాంపియన్‌ మైక్‌ టైసన్‌ కీలక పాత్రలు పోషించారు. ఛార్మితోపాటు కరణ్‌ జోహార్‌ ఈ చిత్రాన్ని నిర్మించిన విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
