బన్నీకి నేషనల్ అవార్డు..స్పెషల్ గిఫ్ట్ పంపిన రాంచరణ్, టచ్ చేశావ్ అంటూ అల్లు అర్జున్ ఎమోషనల్

ఐకాన్ స్టార్ అల్లు అర్జున్ జాతీయ ఉత్తమ నటుడిగా నేషనల్ అవార్డు గెలుచుకుని సంచలనం సృష్టించాడు. ఆ ఘనత సాధించిన తొలి తెలుగు నటుడు అల్లు అర్జున్ కావడం విశేషం. గతంలో ఎంతో మంది దిగ్గజాలు టాలీవుడ్ లో ఉన్నపటికీ వారెవరికీ సాధ్యం కానిది బన్నీ అందుకున్నాడు.

Allu Arjun Ram Charan

ఐకాన్ స్టార్ అల్లు అర్జున్ జాతీయ ఉత్తమ నటుడిగా నేషనల్ అవార్డు గెలుచుకుని సంచలనం సృష్టించాడు. ఆ ఘనత సాధించిన తొలి తెలుగు నటుడు అల్లు అర్జున్ కావడం విశేషం. గతంలో ఎంతో మంది దిగ్గజాలు టాలీవుడ్ లో ఉన్నపటికీ వారెవరికీ సాధ్యం కానిది బన్నీ అందుకున్నాడు. దీనితో బన్నీ ప్రస్తుతం నేషనల్ వైడ్ గా హాట్ టాపిక్ అయ్యాడు. పుష్ప చిత్రానికి గాను బన్నీకి ఈ ప్రతిష్టాత్మక అవార్డు దక్కింది. 

పుష్ప చిత్రంలో అల్లు అర్జున్ చిత్తూరు యాసలో అదరగొట్టేశాడు. ఊరమాస్ డైలాగ్ డెలివరీ మాత్రం కాదు బన్నీ బాడీ లాంగ్వేజ్ కూడా ప్రేక్షకులని ఆకట్టుకుంది. ఎర్ర చందనం స్మగ్లర్ పాత్రలో అల్లు అర్జున్ నెవర్ బిఫోర్ అనిపించే విధంగా పెర్ఫాన్స్ తో కేక పెట్టించాడు. బన్నీ ఉత్తమ నటుడిగా గెలవడంతో ఫ్యాన్స్, టాలీవుడ్ సెలెబ్రిటీస్ సోషల్ మీడియా వేదికగా అల్లు అర్జున్ కి శుభాకాంక్షలు చెబుతున్నారు. 

Allu Arjun

అయితే అల్లు, కొణిదెల కుటుంబాల మధ్య కొంత కాలంగా సంబంధాలు సరిగా లేవనే పుకార్లు వినిపిస్తూనే ఉన్నాయి. స్వయంగా అల్లు అరవింద్ ఈ పుకార్లని ఖండించినప్పటికీ చెక్ పడడం లేదు. తాజాగా బన్నీకి అవార్డు రావడంతో సెలెబ్రిటీలంతా ప్రశంసలు కురిపిస్తూ విష్ చేస్తున్నారు. కానీ రాంచరణ్ మాత్రం ఏదో మొక్కుబడిగా బన్నీకి విషెస్ చెప్పినట్లు చర్చ జరుగుతోంది. 

ఈ రూమర్స్ కి ఎప్పటికప్పుడు తన బంధం ద్వారా బన్నీ, చరణ్ సమాధానం ఇస్తూనే ఉన్నారు. తాజాగా రాంచరణ్.. నేషనల్ అవార్డు సాధించిన అల్లు అర్జున్ కి స్పెషల్ గిఫ్ట్ పంపాడు. ఫ్లవర్ బొకే తో పాటు స్పెషల్ నోట్ ని రాంచరణ్ దంపతులు అల్లు అర్జున్ కి పంపడం విశేషం. 

రాంచరణ్, ఉపాసన పంపిన స్పెషల్ గిఫ్ట్ అల్లు అర్జున్ ని ఎమోషనల్ అయ్యేలా చేసింది. 'డియర్ బన్నీ కంగ్రాట్యులేషన్స్.. మేము నీ పట్ల ఎంతో సంతోషంగా ఉన్నాయి. ఇలాంటి ఘనతలు భవిష్యత్తులో నీవు మరిన్ని అందుకోవాలి అంటూ రాంచరణ్ స్పెషల్ నోట్ లో పేర్కొన్నాడు. బన్నీ సమాధానం ఇస్తూ .. థాంక్యూ సో మచ్. నా హృదయాన్ని టచ్ చేసింది అంటూ ఎమోషనల్ రిప్లై ఇచ్చాడు. 

దీనితో అల్లు అర్జున్, రాంచరణ్ మధ్య సాన్నిహిత్యం మరోసారి నిరూపించబడింది అని మెగా ఫ్యాన్స్ అంటున్నారు. ఇక నైనా  పుకార్లు సృష్టించడం ఆపాలి అని అంటున్నారు. సుకుమార్ దర్శకత్వంలో తెరకెక్కిన పుష్ప చిత్రం సంచలన విజయం గా నిలిచింది. బన్నీ గత చిత్రాలకు భిన్నంగా ఈ మూవీ కంప్లీట్ రఫ్ అండ్ మాస్ లుక్ లో కనిపించాడు. ప్రస్తుతం పుష్ప 2 తెరకెక్కుతోంది.