నా భార్యని పక్కన పెట్టుకుని అలాంటి పని చేస్తానా..ఆ ఫోటోల అసలు గుట్టు బయటపెట్టిన రాంచరణ్, ఘాటు వార్నింగ్

మెగా పవర్ స్టార్ రాంచరణ్ ప్రస్తుతం గ్లోబల్ స్టార్ గా దూసుకుపోతున్నారు. సంక్రాంతికి రాంచరణ్ నటించిన గేమ్ ఛేంజర్ చిత్రం రిలీజ్ కి రెడీ అవుతోంది. మరోవైపు రాంచరణ్ బుచ్చిబాబు చిత్రం కోసం కొత్త మేకోవర్ ట్రై చేస్తున్నారు. త్వరలో ఈ చిత్ర షూటింగ్ ప్రారంభం కాబోతోంది. రాంచరణ్ ఆన్ స్క్రీన్ ఆయినా ఆఫ్ స్క్రీన్ అయినా చాలా మెచ్యూరిటీ తో వ్యవహరించే వ్యక్తి అని ఇండస్ట్రీలో పేరు ఉంది. 

అయితే కెరీర్ బిగినింగ్ లో రాంచరణ్ దూకుడు శైలిపై విమర్శలు వచ్చాయి. రాంచరణ్ కెరీర్ బాగా కాంట్రవర్సీ అయిన సంఘటన కారు అటాక్ ఇన్సిడెంట్. రాంచరణ్ పెళ్లైన కొన్ని నెలల తర్వాత హైదరాబాద్ లో తన కారుపై కొందరు యువకులు అటాక్ చేసారు. ఆ సంఘటనలో రాంచరణ్ సెక్యూరిటీ గార్డ్స్ వాళ్ళని చితకబాదారు. అది తీవ్రం వివాదం అయింది. 

ఈ సంఘటనలో ఎవరి వర్షన్ వాళ్ళు వినిపించారు. అయితే ఆ రోజు జరిగిన సంఘటనని రాంచరణ్ మీడియా ముఖంగా వివరించారు. ఆ యువకులు తన కారు వద్దకి వచ్చి మిస్ బిహేవ్ చేయడం వల్లే తన సెక్యూరిటీ సిబ్బంది అలా స్పందించారు అని రాంచరణ్ తెలిపారు. అది ఆదివారం రోజు సాయంత్రం. ఆ యువకులు ఎలాంటి స్థితిలో ఉన్నారో తెలియదు. నా కారులో నేను నా భార్య ఉపాసన ఉన్నాం. 

Ram Charan

ఉపాసన ఉన్న వైపుకి వచ్చి వాళ్ళు పడే పడే కారు గ్లాస్ కొట్టారు. లోపల మేం ఉన్నట్లు క్లియర్ గా కనిపిస్తోంది. రెండు మూడుసార్లు కారు డోర్ కొట్టారు. నేను సైలెంట్ గా ఉన్నాను పదే పదే అలా చేస్తుండడంతో నా సెక్యూటిరీకి ఫోన్ చేశాను. ఆ యువకులు ఎలాంటి స్థితిలో ఉన్నారో తెలియదు. నా సెక్యూరిటీ వాళ్లతో మాట్లాడుతుండగానే తోపులాట జరిగింది. 

కానీ నేను కారు దిగి వాళ్ళని కొట్టినట్లు కొన్ని మార్ఫింగ్ ఫోటోలు సృష్టించారు. నేనే ఏదో చేసేసినట్లు వార్తలు రాశారు. నేను కనీసం కారు దిగలేదు. నేను కారు దిగి ఉంటే పరిస్థితి వేరేలా ఉండేది. జనాలంతా వచ్చేవాళ్ళు. గొడవ ఇంకా పెద్దది అయి ఉండేది. కానీ పక్కనే నా భార్య ఉంది. నేను కారు దిగితే ఆమెకి ఏమైనా జరిగితే ? భార్యని పక్కన పెట్టుకుని అంత రిస్క్ తీసుకుంటానా ? అంటూ రాంచరణ్ ప్రశ్నించారు.