అల్లు అర్జున్‌, ఎన్టీఆర్‌ని షాకిచ్చిన రామ్‌ చరణ్‌.. `పెద్ది` ఫస్ట్ షాట్‌ సరికొత్త రికార్డు

15

ntr, allu arjun, ram charan

రామ్‌ చరణ్‌ నటిస్తున్న `పెద్ది` మూవీ గ్లింప్స్ విడుదలైంది. శ్రీరామ నవమి పండుగ సందర్భంగా ఆదివారం విడుదలైన ఈ మూవీ గ్లింప్స్ ఇప్పుడు దుమ్మురేపుతుంది. తెలుగులో అన్ని రికార్డులను బ్రేక్‌ చేసింది. అల్లు అర్జున్‌ `పుష్ప 2`, ఎన్టీఆర్‌ `దేవర` చిత్రాలకు పెద్ద షాకిచ్చింది రామ్‌ చరణ్‌ `పెద్ది`. మరి ఆ కథేంటో చూద్దాం. 

25

peddi, ram charan

రామ్‌ చరణ్‌ ప్రస్తుతం బుచ్చిబాబు సానా దర్శకత్వంలో `పెద్ది` సినిమాలో నటిస్తున్నారు. జాన్వీ కపూర్‌ ఇందులో హీరోయిన్‌. చరణ్‌ బర్త్ డే సందర్భంగా విడుదల చేసిన ఫస్ట్ లుక్‌ ఆకట్టుకుంది. విశేషంగా వైరల్‌ అయ్యింది. తాజాగా ఈ మూవీ గ్లింప్స్ ని విడుదల చేశారు.

ఫస్ట్ షాట్‌ పేరుతో `పెద్ది` సినిమాలోని చరణ్‌ పాత్రని పరిచయం చేసింది టీమ్‌. ఉత్తరాంధ్ర యాసలో చరణ్‌ చెప్పే డైలాగ్‌లు, ఆయన పాత్ర తీరు తెన్నులు, ఇప్పుడు బతికున్నప్పుడే ఏదో ఒకటి చేయాలని ఆయన క్రికెట్‌ గ్రౌండ్‌లోకి దిగిన తీరు అదిరిపోయింది. 

35

Ram Charan Peddi Movie

ప్రస్తుతం `పెద్ది` గ్లింప్స్ ఆద్యంతం ఆకట్టుకుంటూ దూసుకుపోతుంది. నెటిజన్లని అలరిస్తుంది. ఈ గ్లింప్స్ తెలుగు, తమిళం, కన్నడ, మలయాళంలో విడుదలైంది. రిలీజ్‌ అయిన 24 గంటల్లోనే రికార్డు వ్యూస్‌ పొందింది.

దీనికి 36.5 మిలియన్‌ వ్యూస్‌ రావడం విశేషం. అంతేకాదు టాలీవుడ్‌ లో నెలకొన్న గత రికార్డులన్నింటినీ బ్రేక్‌ చేసింది. బన్నీ, ఎన్టీఆర్‌ల సినిమాల రికార్డులను బ్రేక్‌ చేయడం విశేషం. 

45

`దేవర`లో ఎన్టీఆర్‌

ఎన్టీఆర్‌ నటించిన `దేవర` మూవీ గ్లింప్స్ ఇప్పటి వరకు టాప్‌లో ఉంది. దీనికి 28.7 మిలియన్స్ వ్యూస్‌ వచ్చాయి. ఈ మూవీకి కొరటాల శివ దర్శకత్వం వహించగా, జాన్వీ కపూర్‌ హీరోయిన్‌గా నటించింది. ఆ తర్వాత పవన్‌ కళ్యాణ్‌ `ఓజీ` గ్లింప్స్ రెండో స్థానంలో ఉంది. దీనికి 27.12 మిలియన్స్ వచ్చాయి. 

55

`పుష్ప 2`లో అల్లు అర్జున్‌

ఇక అల్లు అర్జున్‌ నటించిన `పుష్ప 2` గ్లింప్స్ కూడా 27.11 తో మూడో స్థానంలో నిలిచింది. `పుష్ప 2`కి సుకుమార్‌ దర్శకత్వం వహించగా, రష్మిక మందన్నా హీరోయిన్‌గా నటించింది.

వీటి తర్వాత `కల్కి` 23.1 మిలియన్ వ్యూస్‌, `గుంటూరు కారం` 21.1 మిలియన్స్ వ్యూస్‌ని సాధించి టాప్‌ 5లో నిలిచాయి. ఈ నేపథ్యంలో ఇప్పుడు వీటి రికార్డులన్నింటినీ `పెద్ది` దాటేసింది. సరికొత్త సంచలనంగా నిలిచింది.