- Home
- Entertainment
- Upasana సరోగసి ద్వారానే పిల్లల్ని కన్నదంటూ ట్రోల్స్, ఇచ్చిపడేసిన రామ్ చరణ్.. ఇక నోరెత్తరు
Upasana సరోగసి ద్వారానే పిల్లల్ని కన్నదంటూ ట్రోల్స్, ఇచ్చిపడేసిన రామ్ చరణ్.. ఇక నోరెత్తరు
రామ్ చరణ్, ఉపాసన సరోగసి ద్వారానే పిల్లల్ని కంటున్నారనే విమర్శలు వస్తున్న నేపథ్యంలో చరణ్ అదిరిపోయే కౌంటర్ ఇచ్చాడు. ఉపాసన ఫోటోని సోషల్ మీడియా ద్వారా పంచుకున్నారు.
రామ్ చరణ్, ఉపాసనలపై సరోగసి కామెంట్లు
రామ్ చరణ్, ఉపాసనలు ట్విన్స్ కి జన్మనిచ్చారు. శనివారం అర్థరాత్రి ఉపాసన డెలివరీ అయ్యింది. ఒక కుమారుడు, కూతురు జన్మించారు. కుమారుడు మొదట, ఆ తర్వాత కూతురు జన్మించిందట. చిరంజీవి, సురేఖల సంతానం మాదిరిగానే చరణ్, ఉపాసనలకు కూడా మొదట కూతురు, తర్వాత కుమారుడు, ఆ తర్వాత కూతురు జన్మించిందని చెప్పొచ్చు. ఇదిలా ఉంటే ఉపాసన ప్రెగ్నెన్సీ విషయంలో పలు రూమర్స్, కొన్ని విమర్శలు వచ్చాయి. సరోగసి ద్వారా పిల్లల్ని కంటున్నారనే వార్తలు చాలా రోజులుగా వినిపించాయి.
క్లీంకార టైమ్లో సరోగసి అంటూ విమర్శలు
చరణ్, ఉపాసనలు మూడేళ్ల క్రితం కూతురు క్లీంకారకి జన్మనిచ్చారు. ఆ సమయంలో ఉపాసన సరోగసి ద్వారానే కూతురు కన్నదనే ప్రచారం జరిగింది. వేణు స్వామిలాంటి వాళ్లు బహిరంగంగానే మాట్లాడారు. సోషల్ మీడియాలోనూ ట్రోల్ జరిగింది. దీనిపై ఎప్పుడూ మెగా ఫ్యామిలీగానీ, చరణ్ గానీ స్పందించలేదు. రూమర్స్ ని రూమర్గానే వదిలేశారు. అయితే ఇటీవల రెండో ప్రెగ్నెన్సీ విషయంలోనూ అలాంటి ట్రోల్సే వచ్చాయి. సరోగసి ద్వారా రెండోసారి కూడా పిల్లల్ని కంటున్నారంటూ ప్రచారం జరిగింది. మొన్న డెలివరీ సమయంలో కూడా ఇలాంటి వార్తలే వచ్చాయి.
ట్రోలర్స్ కి రామ్ చరణ్ దిమ్మతిరిగే కౌంటర్
ఈ క్రమంలో దిమ్మతిరిగే కౌంటర్ ఇచ్చారు రామ్ చరణ్. ఉపాసన బేబీ బంప్తో ఉన్న ఫోటోని పంచుకున్నారు. తనకు ట్విన్స్ పుట్టిన ఆనందాన్ని పంచుకుంటూ ఆయన ఈ ఫోటోని షేర్ చేశారు. ఇందులో ఇద్దరూ బ్లాక్ డ్రెస్లో ఉన్నారు. హెయిర్ పెంచి చరణ్ ఆకట్టుకుంటున్నారు. వీరిద్దరు రెండు బ్లాక్ డాగ్స్ తో కలిసి ఫోటోలకు పోజులివ్వడం విశేషం. ఫోటో మాత్రం అదిరిపోయింది. ఉపాసన ప్రెగ్నెంట్తో ఉందనే విషయం ఈ ఫోటో స్పష్టం చేస్తుంది. ఇదొక్కటి చాలు ఆమె రియల్గానే ట్విన్స్ కి జన్మనిచ్చిందని చెప్పడానికి. దీంతో ఈ ఫోటో అందరి నోళ్లు మూయించిందని చెప్పొచ్చు.
ముందే హింట్ ఇచ్చిన రామ్ చరణ్
ఇప్పుడే కాదు, నెల రోజుల ముందు కూడా హింట్ ఇచ్చాడు రామ్ చరణ్. ఆ మధ్య జపాన్కి చెందిన చెఫ్ ఒకరు చిరంజీవి ఇంట్లో బిర్యానీ ప్రిపేర్ చేశారు. ఆ సమయంలో విడుదల చేసిన ఫోటోల్లో ఉపాసన బేబీ బంప్తోనే కనిపించింది. అయినా ఇప్పుడు సరోగసీ అంటూ కొందరు తప్పుడు ప్రచారం చేస్తున్న నేపథ్యంలో చరణ్ ఇచ్చిపడేశారు. ట్రోలర్స్ నోళ్లు లేవకుండా చేశారు. ఈ పిక్ వైరల్ అవుతుంది.
