- Home
- Entertainment
- చిరంజీవి నో చెప్పిన మూవీతో ఇండస్ట్రీ హిట్ అందుకున్న రామ్ చరణ్.. ఆ సినిమా ఏంటో తెలుసా? ఫస్ట్ వంద కోట్ల చిత్రం
చిరంజీవి నో చెప్పిన మూవీతో ఇండస్ట్రీ హిట్ అందుకున్న రామ్ చరణ్.. ఆ సినిమా ఏంటో తెలుసా? ఫస్ట్ వంద కోట్ల చిత్రం
Chiranjeevi-Ram Charan: రామ్ చరణ్ రిజెక్ట్ చేసిన చాలా సినిమాలు అంతగా ఆడలేదు. కానీ తండ్రి చిరంజీవి రిజెక్ట్ చేసిన మూవీతో ఇండస్ట్రీ హిట్ కొట్టాడు చరణ్. మరి ఆ సినిమా ఏంటో తెలుసా?
ram charan
Chiranjeevi-Ram Charan: రామ్ చరణ్ టాలీవుడ్లో అత్యంత సక్సెస్ రేట్ ఉన్న హీరో. ఆయన ఇప్పటి వరకు 15 సినిమాలు చేస్తే అందులో ఎనిమిది బ్లాక్ బస్టర్స్. ఇండస్ట్రీ హిట్లు ఉన్నాయి. అంతేకాదు తక్కువ సినిమాలతోనే ఇంతటి భారీ ఇమేజ్ని సొంతం చేసుకోవడం ఆయనకే సాధ్యమైంది. 15 సినిమాలకే గ్లోబల్ స్టార్ ఇమేజ్ రావడం విశేషం.
chiranjeevi, ram charan
అయితే చరణ్ తన కెరీర్లో చాలా సినిమాలు రిజెక్ట్ చేశారు. వేరే హీరోలు చేయాల్సిన మూవీస్ తాను చేశారు. తాను రిజెక్ట్ చేసిన మూవీస్లో చాలా వరకు పెద్దగా ఆడని చిత్రాలే ఉన్నాయి. ఆ విషయంలో తన జడ్జ్ మెంట్ కి హ్యాట్సాఫ్ చెప్పాల్సిందే. ఈ విషయంలో చిరంజీవి ప్రమేయం కూడా ఉండొచ్చు. కానీ తాను మాత్రం మంచి నిర్ణయం తీసుకున్నాడనే చెప్పాలి.
chiranjeevi, ram charan
రామ్ చరణ్ ఇతర హీరోలు రిజెక్ట్ చేసిన మూవీస్ తాను చేసినవి కూడా ఉన్నాయి. ఇప్పుడు బుచ్చిబాబుతో చేస్తున్న మూవీని ఎన్టీఆర్ రిజెక్ట్ చేశాడు. అలాగే అంతకు ముందు కూడా మరో సినిమా ఉంది. తన తండ్రి చిరంజీవి రిజెక్ట్ చేసిన మూవీతో ఇండస్ట్రీ హిట్ని కొట్టాడు చరణ్. ఓ రకంగా ఇండస్ట్రీకి పూనకాలు తెప్పించాడు. మరి ఆ సినిమా ఏంటో చూస్తే,
magadheera
అది ఏంటో కాదు, రాజమౌళి దర్శకత్వంలో వచ్చిన `మగధీర`. ఈ సినిమా ఎంతటి సంచలన విజయం సాధించిందో తెలిసిందే. చరణ్ నటించిన రెండో సినిమానే. 2009లో వచ్చింది. రొమాంటిక్ ఫాంటసీ యాక్షన్ డ్రామాగా తెరకెక్కిన ఈ మూవీ సుమారు రూ.150కోట్ల గ్రాస్ వసూలు చేసింది.
అప్పట్లో టాలీవుడ్లో అత్యధిక వసూళ్లని రాబట్టిన మూవీగా నిలిచింది. ఫస్ట్ వంద కోట్ల మూవీ కూడా ఇదే. దీని బడ్జెట్ కేవలం రూ.40 కోట్లు మాత్రమే. నిర్మాత అల్లు అరవింద్కి ఇది లాభాల పంట పండించిందని చెప్పొచ్చు.
magadheera
ఈ సినిమా మొదట చేయాల్సింది చిరంజీవినే. మెగాస్టార్తో మూవీ చేయాలనే రాజమౌళి, విజయేంద్రప్రసాద్ ఆయన్ని కలిశారు. ఈ కథ చెప్పారు. ఆయన కూడా బాగుందని కొన్ని మార్పులు చెప్పారట. అయితే అప్పుడు చిరుకి చెప్పింది వంద మందిని చంపే ఎపిసోడ్. ప్రాథమికంగా లైన్ అది, దాన్ని డెవలప్ చేయాల్సింది.
చిరు ఇంట్రెస్ట్ చూపించారు. కానీ మధ్యలో రైటర్ ఇది చిరంజీవికి సెట్ కాదు అని చెప్పాడట. దీంతో ఈ ప్రాజెక్ట్ సెట్ కాదు, ఎప్పుడూ ఇబ్బందే ఉంటుంది అని రాజమౌళి భావించారు. తర్వాత చిరంజీవి కూడా ఆసక్తి చూపించలేదు. ఇక పూర్తి స్క్రిప్ట్ రాసుకుని మళ్లీ చిరుని కలిశారు.
అప్పుడు చరణ్ కోసమని చెబితే ఓకే చేశారు. అలా చిరంజీవి చేయాల్సిన మూవీతో తాను చేసి ఇండస్ట్రీ హిట్ కొట్టాడు రామ్ చరణ్. `మగధీర` తర్వాత చరణ్ వెనక్కి తిరిగి చూసుకోవాల్సిన అవసరం రాలేదు. వరుస విజయాలతో రాణిస్తున్నారు.
chiranjeevi, ram charan
చివరగా ఆయన `గేమ్ ఛేంజర్` మూవీతో ఆడియెన్స్ ముందుకు వచ్చారు. శంకర్ రూపొందించిన ఈ మూవీ సంక్రాంతికి విడుదలైంది. డిజాస్టర్గా నిలిచింది. ఇప్పుడు బుచ్చిబాబు దర్శకత్వంలో `ఆర్సీ16` వర్కింగ్ టైటిల్తో మూవీ తెరకెక్కిస్తున్నారు. రేపు గురువారం(మార్చి 27న) చరణ్ బర్త్ డే సందర్భంగా ఈ మూవీ ఫస్ట్ లుక్, గ్లింప్ విడుదల కానుంది.
ఇందులో జాన్వీ కపూర్ హీరోయిన్గా నటిస్తుండగా, శివరాజ్ కుమార్ కీలక పాత్ర పోషిస్తున్నారు. మైత్రి మూవీ మేకర్స్, సుకుమార్ రైటింగ్స్ సమర్పణలో వృద్ధి సినిమాస్ పతాకంపై వెంకట సతీష్ కిలారు నిర్మిస్తున్నారు.