హీరో యష్, సూర్య రికార్డుకి కళ్లెం, ఇండియన్ సినిమా చరిత్రలోనే అత్యంత భారీగా రాంచరణ్ కటౌట్.. హైట్ ఎంతో తెలుసా

మెగా పవర్ స్టార్ రాంచరణ్ అమెరికాలో గేమ్ ఛేంజర్ గ్రాడ్ ప్రీ రిలీజ్ ఈవెంట్ కోసం వెళ్లారు. రాంచరణ్ తో పాటు చిత్ర యూనిట్ మొత్తం యుఎస్ వెళ్ళింది. అతిథులుగా సుకుమార్, బుచ్చిబాబు హాజరవుతున్నారు. దీనితో డల్లాస్ నగరం తెలుగు వారితో, మెగా అభిమానులతో సందడిగా మారింది. 

ఇప్పటి వరకు నత్తనడకగా సాగిన గేమ్ ఛేంజర్ ప్రమోషన్స్ ఇకపై వేగం పుంజుకోబోతున్నాయి. అమెరికాలో ప్రీ రిలీజ్ ఈవెంట్ తో హంగామా ఆగిపోదు. జనవరి 4న ఏపీలో డిప్యూటీ సీఎం పవన్ కళ్యాణ్ ముఖ్య అతిథిగా మరో గ్రాండ్ ప్రీ రిలీజ్ ఈవెంట్ ఉండబోతోంది. దీని కోసం దిల్ రాజు పకడ్బందీగా ఏర్పాట్లు చేస్తున్నారు. మరోవైపు ఫ్యాన్స్ కూడా హంగామా మొదలు పెట్టారు. 

Also Read : తొలిసారి శ్రీకృష్ణుడిగా ఎన్టీఆర్ కి ఊహించని ఎదురుదెబ్బ.. ఆ తర్వాత అంతా ఆయన కాళ్లపై పడేలా అద్భుతం

మెగా అభిమానులు ఇండియన్ సినిమా చరిత్రలోనే రికార్డు సృష్టించబోతున్నారు. గేమ్ ఛేంజర్ రిలీజ్ సందర్భంగా అత్యంత భారీ కటౌట్ ఏర్పాటు చేస్తున్నారు. ఇప్పటి వరకు ఇండియన్ సినిమాలో కెజిఎఫ్ స్టార్ యష్ కోసం అతడి ఫ్యాన్స్ అత్యంత ఎత్తైన కటౌట్ నిర్మించారు. కెజిఎఫ్ రిలీజ్ సందర్భంగా 217 అడుగుల కటౌట్ ని ఫ్యాన్స్ ఏర్పాటు చేశారు. అత్యంత ఎత్తైన కటౌట్ అనే రికార్డ్ యష్ పేరుపై ఉంది. 

ఇప్పుడు ఆ రికార్డుని రాంచరణ్ అభిమానులు చెరిపివేస్తున్నారు. ఏకంగా 250 అడుగుల రాంచరణ్ కటౌట్ ని గేమ్ ఛేంజర్ రిలీజ్ సందర్భంగా ఫ్యాన్స్ రెడీ చేశారు. విజవాడలోని బృదావన్ కాలనీ, వజ్ర గ్రౌండ్స్ లో రాంచరణ్ కటౌట్ ఏర్పాటు చేశారు. డిసెంబర్ 29 సాయంత్రం 4 గంటలకి ఒక ఈవెంట్ లాగా ఈ కటౌట్ ని లాంచ్ చేయబోతున్నట్లు ప్రకటించారు. 

గతంలో అత్యంత ఎత్తైన కటౌట్స్ రికార్డు యష్, ఆ తర్వాత సూర్య పేరుపై ఉంది. యష్ కటౌట్ 217 అడుగులు కాగా సూర్య ఎన్ జి కె చిత్రం కోసం ఆయన అభిమానులు 215 అడుగుల కటౌట్ ఏర్పాటు చేశారు. ఇప్పుడు ఈ రికార్డులకు కళ్లెం వేస్తూ రాంచరణ్ కటౌట్ చరిత్ర సృష్టించబోతోంది.