ఆ మూవీ రిలీజ్ తర్వాత వారం రోజులు ఇంట్లో నుంచి బయటకి రాని రాంచరణ్.. సినిమా ఫ్లాప్ అయితే పార్టీ, ఎందుకంటే

మెగాస్టార్ చిరంజీవి వారసుడిగా రాంచరణ్ తేజ్ రాణిస్తున్నాడు. ఆర్ఆర్ఆర్ చిత్రంతో రాంచరణ్ ఏకంగా పాన్ ఇండియా స్టార్ గా మారిపోయాడు. ఇప్పుడు రాంచరణ్ నటిస్తున్న చిత్రాలు భారీ బడ్జెట్ లో పాన్ ఇండియా మూవీస్ గా తెరకెక్కుతున్నాయి.

మెగాస్టార్ చిరంజీవి వారసుడిగా రాంచరణ్ తేజ్ రాణిస్తున్నాడు. ఆర్ఆర్ఆర్ చిత్రంతో రాంచరణ్ ఏకంగా పాన్ ఇండియా స్టార్ గా మారిపోయాడు. ఇప్పుడు రాంచరణ్ నటిస్తున్న చిత్రాలు భారీ బడ్జెట్ లో పాన్ ఇండియా మూవీస్ గా తెరకెక్కుతున్నాయి. ప్రస్తుతం చరణ్ శంకర్ దర్శకత్వంలో గేమ్ ఛేంజర్ మూవీలో నటిస్తున్న సంగతి తెలిసిందే. 

అయితే ఇటీవల రాంచరణ్ ఓ ఇంటర్వ్యూలో కొన్ని ఆసక్తికర వ్యాఖ్యలు చేశారు. మెగాస్టార్ చిరంజీవి తనయుడు కాబట్టి.. ఆయన వారసత్వాన్ని కొనసాగించే క్రమంలో మీపై తీవ్రమైన ఒత్తిడి ఉంటుంది. దానిని ఎలా హ్యాండిల్ చేస్తారు అనే ప్రశ్న ఎదురైంది. 

దీనికి రాంచరణ్ సమాధానం ఇస్తూ.. వారసత్వం వల్ల వచ్చే ఒత్తిడిని ఎలా తీసుకోవాలో తెలియదు అని తెలిపారు. కానీ సినిమాల విషయంలో మాత్రం ఎలాంటి ఒత్తిడి ఫీల్ అవ్వను. సినిమా రిజల్ట్ అనేది పూర్తిగా మన చేతుల్లో ఉండదు అని తెలుసు. కాబట్టి రిజల్ట్ పట్టించుకోను. 

సినిమా ఫ్లాప్ అయితే కుంగిపోవడం ఉండదు. ఇంకా చెప్పాలంటే నేను నటించిన సినిమా ఫ్లాప్ అయితే పార్టీ చేసుకుంటాను. మానసికంగా కుంగిపోకుండా ఉండడం కోసం అలా చేస్తాను. అదే విధంగా సక్సెస్ అయిన సినిమాకి కూడా పార్టీ చేసుకుంటాను అని చరణ్ తెలిపారు. 

రాజమౌళి దర్శకత్వంలో రాంచరణ్, ఎన్టీఆర్ నటించిన ఆర్ఆర్ఆర్ చిత్రం పాన్ ఇండియా బ్లాక్ బస్టర్ గా నిలిచింది. ఈ మూవీ రిలీజ్ తర్వాత రాంచరణ్ వారం రోజులు ఇంట్లో నుంచి బయటకి రాలేదట. కుటుంబ సభ్యులతోనే సక్సెస్ ని ఎంజాయ్ చేశానని రాంచరణ్ తెలిపారు. 

ఇదిలా ఉండగా రాంచరణ్ ప్రస్తుతం గేమ్ ఛేంజర్ తో పాటు బుచ్చిబాబు దర్శకత్వంలో ఓ పీరియాడిక్ చిత్రంలో నటించేందుకు రెడీ అవుతున్నాడు. భారీ బడ్జెట్ లో ఈ చిత్రం ఉండబోతోంది. జాన్వీ కపూర్ ఈ చిత్రంలో హీరోయిన్ గా నటిస్తున్న సంగతి తెలిసిందే.