చరణ్-ఉపాసనల బంధానికి పదేళ్లు... వేడుకులకు సిద్ధం.. అయితే అదే పెద్ద లోపం, సమాధానం చెప్పుకోలేని పరిస్థితి!

రామ్ చరణ్-ఉపాసనల వివాహానికి పదేళ్లు. జూన్ 14, 2012లో వీరి పెళ్లి అతిరథ మహారథుల మధ్య ఘనంగా జరిగింది. ఈ ఏడాదితో చరణ్ ఉపాసన చేయి అందుకొని పదేళ్లు. ఈ నేపథ్యంలో టెన్త్ యానివర్సరీ... ఘనంగా ప్లాన్ చేస్తున్నారు.

రామ్ చరణ్(Ram Charan), ఉపాసన పదో వార్షికోత్సవ వేడుకల కోసం ఇటలీ వెళ్లనున్నారు. ఆ దేశంలో ప్రఖ్యాత నగరాల్లో ఒకటైన మిలాన్ నగరం ఆహ్లాదంగా గడపనున్నారు. తమ తమ ప్రొఫెషన్స్ లో బిజీగా ఉండే ఈ సెలెబ్రిటీ కపుల్ చాలా పర్ఫెక్ట్ గా ఈ సెలెబ్రేషన్స్ ప్లాన్ చేసుకున్నట్లు సమాచారం.

ఉపాసన(Upasana)-చరణ్ లది ప్రేమ వివాహం. వీరిద్దరూ తమ ప్రేమ గురించి ఇంట్లో పెద్దలతో చర్చించారు. వారి ప్రేమను అర్థం చేసుకున్న ఇరు కుటుంబాలు వివాహం చేశారు.  ఇటు మెగాస్టార్ గా చిత్ర పరిశ్రమలో చిరంజీవి కుటుంబం తిరుగులేని ఆధిపత్యం చాలాయిస్తుంది. ఉపాసన కుటుంబం పెద్ద వ్యాపార సామ్రాజ్యం కలిగి ఉన్నారు. దోమకొండ సంస్థానం కి చెందిన వారు. 

ఈ రెండు బడా కుటుంబాలు రామ్ చరణ్-ఉపాసనల వివాహాలు (Ramcharan upasana marriage anniversary) అదే స్థాయిలో నిర్వహించారు. ఇక పెళ్ళైనప్పటికీ రామ్ చరణ్ నటుడుగా, ఉపాసన బిజినెస్ ఉమన్ గా ఫుల్ బిజీ. అపోలో హాస్పిటల్స్ చైర్ పర్సన్ గా ఉపాసన ఉన్నారు. అలాగే బి పాజిటివ్ పేరుతో ఓ ఫ్యాషన్, హెల్త్ మ్యాగజైన్ ఆమె నిర్వహిస్తున్నారు. 

ప్రొఫెషనల్ గా పర్సనల్ గా ఉపాసన, చరణ్ లు సక్సెస్ ఫుల్ జర్నీ సాగిస్తున్నారు. అయితే సమాజం దృష్టిలో మాత్రం వీరికో లోటు ఉంది. అదే సంతానం లేకపోవడం. పెళ్ళై పదేళ్లు అవుతున్నా ఉపాసన-చరణ్ లకు పిల్లలు కనలేదు. ఎంత బిజీ లైఫ్ అయినప్పటికీ ఇంత గ్యాప్ అంటే, ఎవరూ అంగీకరించరు. అలాగే వయసులో పుట్టే పిల్లలు ఆరోగ్యంగా ఉంటారు. ఈ విషయం మనకంటే ఉపాసన, చరణ్ లకు ఇంకా బాగా తెలుసు. 

అయినప్పటికీ కారణం ఏమిటో వీరిద్దరూ పిల్లల కోసం ప్లానింగ్ చేయడం లేదు. ఏడాది వ్యవధిలో రామ్ చరణ్-అల్లు అర్జున్ వివాహం చేసుకున్నారు. 2011లో అల్లు అర్జున్-స్నేహారెడ్డి పెళ్లి చేసుకోగా వారికి ఇద్దరు పిల్లలు ఉన్నారు. అయాన్ కి ఏడేళ్లకు ఉంటాయి, అమ్మాయి అర్హకు నాలుగైదేళ్ళ ఉన్నాయి. 

ఇటీవల ఓ సందర్భంలో ఉపాసన పిల్లలు కనడంపై స్పందించారు. యాంకర్ ప్రశ్నకు సమాధానంగా.. నేను ఇప్పుడు ఎలాంటి కామెంట్ చేసినా.. అది పెద్ద న్యూస్ అవుతుంది. పిల్లల్ని కనడం పెద్ద బాధ్యత, దాన్ని జాగ్రత్తగా ప్లాన్ చేయాలని చెప్పుకొచ్చారు. వేల కోట్ల ఆస్తులు, కెరీర్, అనుభవం ఉన్నవారు కూడా పిల్లల్ని కనడానికి ఆలోచించాలా అనే సందేహాలు సామాన్యులు వ్యక్తం చేస్తున్నారు. 

మరోవైపు మెగా ఫ్యాన్స్ కి ఇది వారసత్వ సమస్య. చిరంజీవి తర్వాత చరణ్ నట వారసత్వాన్ని నిలబెడుతూ స్టార్ అయ్యాడు. అలాగే చిరంజీవి మనవడు, చరణ్ కొడుకు కూడా హీరో అవ్వాలి, తాత , తండ్రి లెగసీ ముందుకు తీసుకెళ్లాలి అని కోరుకునే వారు ఎందరో ఉన్నారు. ఆ కుటుంబంలో స్టార్స్ ఎందరు ఉన్నా.. చరణ్ వారసుడిని వారెంతగానో కోరుకుంటున్నారు.