గేమ్ ఛేంజర్ ఫెయిల్యూర్: తమన్ను రామ్ చరణ్ అన్ఫాలో చేశారా?
గేమ్ ఛేంజర్ సినిమా ఫెయిల్యూర్ గురించి తమన్ మాట్లాడిన తర్వాత రామ్ చరణ్ సోషల్ మీడియాలో అన్ఫాలో చేశాడని గొడవ జరిగింది.
Ram Charan vs Thaman : రామ్ చరణ్ నటించిన లేటెస్ట్ మూవీ గేమ్ ఛేంజర్ బాక్సాఫీస్ దగ్గర బోల్తా కొట్టింది. శంకర్ ఈ సినిమాకు డైరెక్షన్ చేశారు. దిల్ రాజు ఈ సినిమాను నిర్మించారు. ఈ సినిమాలోని పాటలు కూడా హిట్ కాలేదు. దీని తర్వాత మ్యూజిక్ డైరెక్టర్ తమన్ ఒక ఇంటర్వ్యూలో పాటలు హిట్ కాకపోవడానికి హీరో, డ్యాన్స్ డైరెక్టర్ బాధ్యత వహించాలని అన్నారు. ఇది పెద్ద దుమారం రేపింది.
గేమ్ ఛేంజర్, తమన్
తమన్ ఇంటర్వ్యూ క్లిప్ ఆన్లైన్లో వైరల్ అయిన తర్వాత రామ్ చరణ్ సోషల్ మీడియాలో అన్ఫాలో చేశాడని పుకార్లు వచ్చాయి. తమన్పై కోపంతోనే రామ్ చరణ్ అన్ఫాలో చేశాడని చాలామంది నమ్మారు. అసలు విషయం ఏంటో నెటిజన్లు వెతికారు. రామ్ చరణ్ ఇంతకుముందు ఇన్స్టాగ్రామ్లో, ఎక్స్ వేదికగా తమన్ను ఫాలో చేయలేదంట. అప్పుడు ఎలా అన్ఫాలో చేస్తాడు అని కనుక్కుని ఈ పుకార్లకు ఫుల్స్టాప్ పెట్టారు.
గేమ్ ఛేంజర్ మూవీ ఫ్లాప్ రీజన్
ఈ వారం ది హాలీవుడ్ రిపోర్టర్ ఇండియాకు ఇచ్చిన ఇంటర్వ్యూలో తమన్ మాట్లాడుతూ, "ఒక సినిమాలోని పాట హిట్ అవ్వడం మ్యూజిక్ డైరెక్టర్ చేతిలో మాత్రమే ఉండదు. నాకు 25 మిలియన్ వ్యూస్ వచ్చిన పాటలు ఉన్నాయి. అది పోస్ట్ చేసినప్పుడు రీల్స్లో వర్క్ అవ్వాలి. ఏది ఏమైనా గేమ్ ఛేంజర్లో అది నాకు జరగలేదు. డ్యాన్స్ మాస్టర్కు అందులో బాధ్యత ఉంది, హీరోకు కూడా ఉంది. గేమ్ ఛేంజర్ సినిమాలో ఏ పాటకు మంచి హుక్-స్టెప్ లేదు. మీరు దాన్ని సరిగ్గా చేస్తే సినిమాటోగ్రాఫర్ కూడా దాన్ని సరిగ్గా షూట్ చేస్తాడు." అని తమన్ అన్నారు.
గేమ్ ఛేంజర్ మూవీ లాస్
శంకర్ డైరెక్షన్లో లాస్ట్ జనవరిలో పొంగల్ పండుగకు గేమ్ ఛేంజర్ సినిమా రిలీజ్ అయింది. దాదాపు 400 కోట్ల రూపాయలతో తీసిన ఈ సినిమా బాక్సాఫీస్ దగ్గర దాదాపు 180 కోట్ల రూపాయలు వసూలు చేసి రామ్ చరణ్ కెరీర్లో బిగ్గెస్ట్ ఫెయిల్యూర్ మూవీగా నిలిచింది. ఈ సినిమా వల్ల వచ్చిన నష్టాన్ని పూడ్చడానికి రామ్ చరణ్ నెక్స్ట్ ప్రొడ్యూసర్ దిల్ రాజుకు ఒక సినిమా చేయనున్నాడని అంటున్నారు. దాన్ని ఎవరు డైరెక్ట్ చేస్తారో ఇంకా ఫిక్స్ కాలేదు.