రాజశేఖర్‌, శంకర్‌ కాంబినేషన్‌లో మిస్‌ అయిన మూవీ ఏంటో తెలుసా? రోజూ ఇంటికి తిరిగినా మొహం మీదే నో చెప్పాడా?

Rajasekhar-shankar: రాజశేఖర్‌, శంకర్‌ కాంబినేషన్‌లో రావాల్సిన మూవీ ఏంటో తెలుసా? బిగ్గెస్ట్ బ్లాక్‌ బస్టర్‌ని రాజశేఖర్‌ చేతులారా పోగొట్టుకున్నాడా? నిజంగా ఇది బ్యాడ్‌ లక్‌.  

Rajasekhar-shankar:

హీరో రాజశేఖర్‌ ఇప్పుడు హీరోగా సర్వైవ్‌ కావడానికి స్ట్రగుల్‌ అవుతున్నాడు. ఆయన క్యారెక్టర్‌ ఆర్టిస్ట్ గా టర్న్ తీసుకుంటున్నారు. బలమైన కంటెంట్‌ ఉన్న సినిమాలో సెకండ్‌ లీడ్‌గానో, బలమైన పాత్రల్లోనూ కనిపించేందుకు సిద్ధమవుతున్నారు.

ఆ మధ్య నితిన్‌తో `ఎక్స్ ట్రా ఆర్డినరీ మ్యాన్‌` చిత్రంలో నటించాడు. ఇప్పుడు మరో సినిమా చేస్తున్నారు.ఈ నేపథ్యంలో రాజశేఖర్‌ కి సంబంధించిన ఓ క్రేజీ వార్త బయటకు వచ్చింది. ఆయన శంకర్‌ తో ఓ సినిమాని మిస్‌ చేసుకున్నారట. 

Rajasekhar

రాజశేఖర్‌ తన కెరీర్‌లో చాలా సినిమాలు మిస్‌ చేసుకున్నారు. ఆయన బ్లాక్‌ బస్టర్‌ చిత్రాలను కూడా మిస్‌ చేసుకున్నాడు. అయినా ఒకప్పుడు స్టార్‌గా రాణించాడు, ఇప్పుడే ఆయన కెరీర్‌ డౌన్‌ అయ్యింది.

అయితే శంకర్‌తో సినిమా చేయడానికి పెద్ద పెద్ద స్టార్స్ వెయిట్‌ చేసేవారు, కానీ ఆయన వారిని కాదని రాజశేఖర్‌తో ఈ మూవీ చేయాలనుకున్నాడట. కానీ రాజశేఖరే డేట్స్ ఇవ్వలేదని, తాను చేయనని మోహం మీదే చెప్పాడట. 

gentleman movie

రాజశేఖర్‌, శంకర్‌ కాంబినేషన్‌లో రావాల్సిన మూవీ ఏంటో చూస్తే, అది `జెంటిల్‌మేన్‌`. అర్జున్‌ చేసిన ఈ చిత్రాన్ని మొదట దర్శకుడు శంకర్‌ రాజశేఖర్‌కి కథ చెప్పాడట. ఆయన అయితేనే బాగా సూట్‌ అవుతాడని, ఆయనలోని ఆవేశం సినిమాకి, పాత్రకు బాగా సెట్‌ అవుతుందని భావించారు. ఈ కథ విన్న రాజశేఖర్‌ కూడా బాగానచ్చిందని, కానీ తాను చేయలేనని చెప్పాడట.

కారణం ఆ సమయంలో `అల్లరి ప్రియుడు` సినిమా చేస్తున్నారు. డేట్స్ అడ్జస్ట్ చేసుకొని చేయాల్సింది, కానీ దర్శక, నిర్మాతలకు చెప్పలేకపోయాడు. ఈ మూవీకే బల్క్ డేట్స్ ఇచ్చాడట. తర్వాత చేద్దామంటే శంకర్‌ ఒప్పుకోలేదు, వెంటనే చేయాలి. కానీ డేట్స్ సెట్‌ కావడం లేదు. 

rajasekhar

శంకర్‌ అడ్వాన్స్ చెక్‌ పట్టుకుని చాలా రోజులు తిరిగాడట. కానీ కాదు పొమ్మన్నాడు రాజశేఖర్‌. దీంతో ఆ కథ అర్జున్‌ వద్దకు వెళ్లింది. ఆయన చేసి బిగ్గెస్ట్ బ్లాక్‌ బస్టర్‌ అందుకున్నారు. ఈ మూవీ చేసి ఉంటే రాజశేఖర్‌ కెరీర్‌ వేరేలా ఉండేదని చెప్పొచ్చు. ఆ తర్వాత కూడా వీరి కాంబినేషన్‌ రిపీట్‌ అయ్యేది. అది రాజశేఖర్‌ బ్యాడ్‌ లక్‌ అని చెప్పాలి. 

S Shankar

కానీ ఇప్పుడు రాజశేఖర్‌ నుంచి సినిమాలు రావడం లేదు. దీంతో క్యారెక్టర్‌ ఆర్టిస్ట్ గా మారుతున్నట్టు సమాచారం. ఇక `జెంటిల్‌మేన్‌` తర్వాత `ఒకే ఒక్కడు`, `శివాజీ`, `రోబో` వంటి బ్లాక్‌ బస్టర్స్ తో ఆకట్టుకున్నాడు శంకర్‌. ఇటీవల రామ్‌ చరణ్‌తో `గేమ్‌ ఛేంజర్‌`ని రూపొందించారు. ఈ మూవీ డిజాస్టర్‌ అయిన విషయం తెలిసిందే. ఇప్పుడు ఇద్దరూ డౌన్‌లోనే ఉన్నారు.