`నా అనుమతి లేకుండా ఇవేం రాతలు`.. ఫైర్ అయిన బిగ్ బాస్ బ్యూటీ పునర్నవి
తన ఇన్స్టాగ్రామ్ స్టోరీలో వరుస పోస్ట్లతో ఓ వెబ్ సైట్ దుమ్ముదులిపేసింది పునర్నవి. ఇదేం ఆర్టికల్.. నా అనుమతి లేకుండా నా గురించి అభ్యంతరకరంగా రాస్తారా..? నా ఫోటోలు వాడతారా అంటూ ప్రశ్నించింది. అంతేకాదు మీరు చాలా దూరం వెళ్లారు. మీపై లీగల్ యాక్షన్ తీసుకుంటానంటూ ఘాటుగా వార్నింగ్ ఇచ్చింది.
రాజ్ తరుణ్, అవికా గోర్ హీరో హీరోయిన్లుగా తెరకెక్కిన ఉయ్యాల జంపాల సినిమాతో వెండితెరకు పరిచయం అయిన బ్యూటీ పునర్నవీ భూపాలం. తరువాత ఒకటి రెండు సినిమాల్లో నటించినా ఆశించిన స్థాయి గుర్తింపు రాలేదు. అయితే బిగ్ బాస్ సీజన్ 3లో పాల్గొన్న ఈ బ్యూటీ తెలుగు ప్రేక్షకులకు సుపరిచితమైంది.
బిగ్ బాస్ హౌస్లోనూ వరుసగా వివాదాలతో ఫేం అయిన పునర్నవి, రాహుల్తో ఎఫైర్ విషయంలోనూ హాట్ టాపిక్గా నిలిచింది. అయితే బిగ్ బాస్ హౌస్ నుంచి బయటకు వచ్చిన తరువాత కూడా తరుచూ వార్తల్లో నిలుస్తోంది పునర్నవి. తాజాగా తనపై ఓ వెబ్ మీడియాలో వచ్చిన ఆర్టికల్ విషయంలో ఓ రేంజ్లో ఫైర్ అయింది పునర్నవి.
ఇటీవల తన సోషల్ మీడియా పేజ్లో వరుసగా యోగా చేస్తున్న ఫోటోలను షేర్ చేసింది పున్ను. ఆ ఫోటోలతో ఓ వెబ్ సైట్ ఆర్టికల్ రాసింది. అయితే ఆ ఆర్టికల్లో తనను అభ్యంతరకరంగా సంబోధించారంటూ, తన పర్మిషన్ లేకుండా తన ఫోటోలను వాడారంటూ ఫైర్ అయ్యింది పునర్నవి..
ఈ మేరకు తన ఇన్స్టాగ్రామ్ స్టోరీలో వరుస పోస్ట్లతో సదరు వెబ్ సైట్ దుమ్ముదులిపేసింది. ఇదేం ఆర్టికల్.. నా అనుమతి లేకుండా నా గురించి అభ్యంతరకరంగా రాస్తారా..? నా ఫోటోలు వాడతారా అంటూ ప్రశ్నించింది. అంతేకాదు మీరు చాలా దూరం వెళ్లారు. మీపై లీగల్ యాక్షన్ తీసుకుంటానంటూ ఘాటుగా వార్నింగ్ ఇచ్చింది.
అయితే సదరు వెబ్ సైట్ పునర్నవిని కూల్ చేసే ప్రయత్నం చేసినా వర్క్ అవుట్ కాలేదు. ఆర్టికల్ తొలగించాం, మీకు జరిగిన ఇన్కన్వీనియన్స్కు సారి అంటూ మెసేజ్ పెట్టినా పునర్నవి మాత్రం వెనక్కి తగ్గేది లేదంటూ తెగేసి చెప్పేసింది. ఈ రోజు నేను ప్రశ్నించాను కాబట్టి నాకు సారి చెప్పారు. మిగతా వారి సంగతేంటి అంటూ ప్రశ్నించింది.