వీళ్ళతో సినిమాలు చేస్తే నిర్మాతలు సేఫ్.. టెన్షన్ తగ్గించే దర్శకులు!
కొందరు దర్శకులు తెరక్కించే చిత్రాలకు ప్రత్యేకమైన అభిమానులు ఉంటారు. తక్కువ బడ్జెట్ లో క్వాలిటీ చిత్రాన్ని రూపొందించి నిర్మాతలకు టెన్షన్ దూరం చేసే దర్శకులు కొందరు ఉన్నారు. అందుకే టాలీవుడ్ ప్రొడ్యూసర్స్ ఈ దర్శకులతో సినిమాలు చేస్తే కమర్షియల్ గా సేఫ్ లో ఉంటారు.
శేఖర్ కమ్ముల : తక్కువ బడ్జెట్ లో సినిమాలు చేసి హిట్ కొట్టడంలో శేఖర్ కమ్ములది డిఫెరెంట్ స్టైల్. యువతతో పాటు, ఫ్యామిలీ ఆడియన్స్ కూడా శేఖర్ కమ్ముల చిత్రాలని ఇష్టపడతారు. అందుకే ఆయన సినిమా నిరాశపరిచినా నిర్మాతకు పెద్దగా లాస్ ఉండదు.
పూరి జగన్నాధ్: హీరోయిజాన్ని ఎలివేట్ చేయడం, హీరోయిన్లని అందంగా చూపించడం, మీడియం బడ్జెట్ లో వేగంగా షూటింగ్ ఫినిష్ చేయడం పూరి ప్రత్యేకతలు. టాలీవుడ్ లో పూరి జగన్నాధ్ కూడా నిర్మాత ఫ్రెండ్లీ డైరెక్టర్.
కృష్ణ వంశీ : ఫ్యామిలీ ఆడియన్స్ లో బలమైన మార్కెట్ ఉన్న దర్శకుడు కృష్ణవంశీ. మీడియం బడ్జెట్స్ లో కృష్ణ వంశీ చిత్రాలు తెరకెక్కుతుంటాయి.
అనిల్ రావిపూడి : ఇటీవల వరుస హిట్లతో అనిల్ రావిపూడి స్టార్ డైరెక్టర్ గా మారిపోయాడు. మీడియం బడ్జెట్ లో సినిమాలు తీస్తూ నిర్మాతలకు అత్యధిక లాభాలు అందిస్తున్నాడు. అనిల్ చిత్రాల్లో కామెడీ సన్నివేశాలు గమ్మత్తుగా ఉంటాయి.
శ్రీకాంత్ అడ్డాల : కొత్తబంగారు లోకం, సీతమ్మ వాకిట్లో సిరిమల్లె చెట్టు లాంటి చిత్రాలతో శ్రీకాంత్ అడ్డాల గుర్తింపు సొంతం చేసుకున్నాడు. శ్రీకాంత్ అడ్డాల సినిమాలకు కూడా ఎక్కువ బడ్జెట్ ఖర్చవ్వదు.
హరీష్ శంకర్ : మాస్ పల్స్ బాగా తెలిసిన టాలీవుడ్ దర్శకులలో హరీష్ శంకర్ ఒకరు. కమర్షియల్ అంశాలతో ఎలాగైనా ఆడియన్స్ ని మెప్పించి నిర్మాతలకు లాభాలు వచ్చేలా చేస్తారు.
సతీష్ వేగేశ్న :శతమానం భవతి లాంటి సూపర్ హిట్ చిత్రంతో సతీష్ వేగేశ్న నిర్మాతలకు భరోసా కల్పించే దర్శకుడిగా మారారు.
మోహన్ కృష్ణ ఇంద్రగంటి : తన చిత్రాల్లో భావోద్వేగాల్ని హైలైట్ చేస్తూ ప్రేక్షకులకు చేరువైన దర్శకుడు మోహన్ కృష్ణ ఇంద్రగంటి. ఆయన చిత్రాల్లో పెద్దగా హంగులు ఆర్భాటాలు కనిపించవు. కానీ సినిమా హృదయాన్ని అహత్తుకునే విధంగా తీయడంలో ఆయనది ప్రత్యేక శైలి.
మారుతి : కామెడీని హైలైట్ చేసి హిట్స్ కొట్టే దర్శకులలో ముందు వరుసలో మారుతి ఉంటారు.
నందిని రెడ్డి : టాలీవుడ్ లో మహిళా దర్శకురాలిగా మంచి గుర్తింపు సొంతం చేసుకున్నారు నందిని రెడ్డి. నందిని రెడ్డి తెరకెక్కించే చిత్రాలు కూడా నిర్మాతలకు భరోసా కల్పించే విధంగా ఉంటాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
