Prithviraj Sukumaran: అఖిల్‌ని ఢీ కొట్టబోతున్న వారణాసి విలన్.. పృథ్వీరాజ్ 'ఐ నోబడీ' రిలీజ్ డేట్ ఫిక్స్

మలయాళీ స్టార్ పృథ్వీరాజ్ సుకుమారన్ నటించిన లేటెస్ట్ మూవీ ఐ నోబడీ. ఈ చిత్రం తెలుగులో కూడా రిలీజ్ అవుతోంది. తాజాగా రిలీజ్ డేట్ ఫిక్స్ చేశారు. ఈ మూవీ రిలీజ్ తో అఖిల్ కి గట్టి పోటీ తప్పేలా లేదు. 

Image Credit : Asianet News

పృథ్వీరాజ్ సుకుమారన్ యాక్షన్ థ్రిల్లర్ ఐ, నోబడీ

మలయాళ టాప్ స్టార్ పృథ్వీరాజ్ సుకుమారన్ కి తెలుగు లోనూ మంచి ఫాలోయింగ్ ఉంది. రెగ్యులర్ మాస్ మసాలా సినిమాలు కాకుండా తనకంటూ ఒక ప్రత్యేకమైన శైలిలో సినిమాలు చేస్తుంటారు. రాజమౌళి- మహేష్ బాబు కాంబినేషన్లో రూపొందుతున్న ప్రఖ్యాత చిత్రం ‘ వారణాసి’ లో కూడా ఆయన ఒక కీలక పాత్ర పోషిస్తున్నారు. పృథ్వీరాజ్ సుకుమారన్ తాజాగా నటించిన చిత్రం ‘ఐ, నోబడీ’. విభిన్న కథాంశాలతో ప్రేక్షకులను అలరిస్తూ తనకంటూ ప్రత్యేక గుర్తింపు సంపాదించుకున్న దర్శకుడు నిస్సాం బషీర్ దర్శకత్వంలో ఈ చిత్రం తెరకెక్కింది. జాతీయ అవార్డు గ్రహీత పార్వతి తిరువోతు తో కలిసి పృథ్వీరాజ్ సుకుమారన్ నటించిన అత్యంత ఆసక్తికరమైన యాక్షన్ థ్రిల్లర్ ‘ఐ, నోబడీ’ జూలై 9న మలయాళంలోనూ, జూలై 10న తెలుగులోనూ గ్రాండ్‌గా థియేటర్లలో విడుదల కానుంది. అగ్ర నిర్మాణ సంస్థలు శ్రీ స్రవంతి మూవీస్, మైత్రీ మూవీస్ వారు ఈ చిత్రాన్ని తెలుగులో విడుదల చేస్తున్నారు.

Image Credit : stockPhoto

ట్రైలర్ కి క్రేజీ రెస్పాన్స్

ఇప్పటికే విడుదలైన టీజర్, ట్రైలర్ ఈ సినిమాపై భారీ అంచనాలను నెలకొల్పాయి. ఉత్కంఠభరితమైన కథ, వేగవంతమైన స్క్రీన్‌ప్లే, అద్భుతమైన యాక్షన్ సన్నివేశాలతో రూపొందిన ఈ చిత్రం ప్రేక్షకులకు సరికొత్త థ్రిల్లింగ్ అనుభూతిని అందించనుంది.

Image Credit : Youtube

బ్యాంకు ఉద్యోగి కథ

ఒక సాధారణ బ్యాంకు ఉద్యోగి రాజు జీవితంలో అనూహ్యంగా జరిగిన సంఘటనలతో కథ ప్రారంభమవుతుంది. భారీ బ్యాంకు దోపిడీకి పాల్పడ్డాడనే ఆరోపణలు ఎదుర్కొంటున్న రాజు, తన కుటుంబాన్ని రక్షించుకోవడానికి అనివార్య పరిస్థితుల్లో హింసాత్మక మార్గాన్ని ఎంచుకోవాల్సి వస్తుంది. అసలు అతను నేరస్థుడేనా? లేక పరిస్థితుల బారిన పడిన అమాయకుడా? ఈ కుట్ర వెనుక ఉన్న అసలు నిజం ఏమిటి? అనే ఉత్కంఠభరితమైన ప్రశ్నలకు సమాధానమే ‘ఐ, నోబడీ’.

Image Credit : E4 Entertainment

సస్పెన్స్, యాక్షన్ మేళవించిన చిత్రం

భావోద్వేగాలు, సస్పెన్స్, యాక్షన్ అంశాలను సమపాళ్లలో మేళవించిన ఈ చిత్రం ప్రేక్షకులను ఆద్యంతం ఉత్కంఠకు గురిచేసేలా రూపొందింది. పృథ్వీరాజ్ సుకుమారన్, పార్వతి తిరువోతు తమ కెరీర్‌లో మరో గుర్తుండిపోయే పాత్రల్లో కనిపించనుండగా, దర్శకుడు నిస్సాం బషీర్ తనదైన శైలిలో ఈ చిత్రాన్ని తెరకెక్కించారు.

Image Credit : X

9న పెయిడ్ ప్రీమియర్స్

తెలుగు రాష్ట్రాల్లో ఈ చిత్రానికి మంచి క్రేజ్ ఉండడంతో, ఈ నెల 9 న పెయిడ్ ప్రీమియర్స్ ప్లాన్ చేస్తున్నారు నిర్మాతలు.అఖిల్ అక్కినేని నటించిన లెనిన్ చిత్రం జూలై 10న రిలీజ్ అవుతోంది. కాబట్టి ఈ రెండు చిత్రాల మధ్య ఆసక్తికర పోటీ ఉండబోతోంది.