ప్రభాస్ లాంటి స్టార్ లేకుండా సోలోగా వస్తున్న ప్రశాంత్ నీల్.. పరీక్షే
ప్రశాంత్ నీల్ తన తదుపరి కన్నడ చిత్రం “బఘీరా’ని తెలుగులోకి డబ్ చేసి ఈ నెలాఖరులో విడుదల చేయడంతో రెండు తెలుగు రాష్ట్రాలకు తిరిగి వస్తున్నాడు.
Prashanth Neel, Bagheera, prabhas, yash
మనకు ప్రశాంత్ నీల్ అనగానే సలార్ చిత్రం, కేజీఎఫ్ చిత్రాలు గుర్తు వస్తాయి. అయితే ఇప్పుడు ఆ స్టార్స్ ఎవరూ లేకుండా తన స్క్రిప్టుతో ఆయన మన ముందుకు వస్తున్నారు. ‘ఉగ్రం’ఫేం శ్రీమురళి నటించిన యాక్షన్ ఎంటైర్టెనర్ “బఘీరా’. స్టార్ డైరెక్టర్ ప్రశాంత్నీల్ కథ అందించిన ఈ చిత్రానికి డాక్టర్ సూరి దర్శకుడు.
ప్రతిష్టాత్మక హోంబలే ఫిల్మ్స్ పతాకంపై విజయ్ కిరగందూర్ నిర్మించిన ఈ చిత్రం ఈ నెల 31న ప్రపంచవ్యాప్తంగా విడుదల కానుంది. ప్రచారంలో భాగంగా ఈ సినిమా ఫస్ట్ సింగిల్ని ఈ నెల 17న మేకర్స్ విడుదల చేయనున్నారు. ఈ నేపధ్యంలో ఓ గమ్మత్తైన డిస్కషన్ మీడియా వర్గాల్లో మొదలైంది.
Prashanth Neel, Bagheera, prabhas, yash
కన్నడ దర్శకుడు ప్రశాంత్ నీల్ కన్నడ సూపర్ స్టార్ యష్తో 'కెజిఎఫ్ 1' మరియు 'కెజిఎఫ్ 2' వంటి బ్లాక్బస్టర్లను అందించారు. ఆ తర్వాత ప్రభాస్తో జత కట్టి, యాక్షన్-అడ్వెంచర్ 'సలార్'ని అందించిన తర్వాత తెలుగు ప్రేక్షకులలో భారీ ఫాలోయింగ్ సంపాదించాడు. ఇప్పుడు, ప్రశాంత్ నీల్ తన తదుపరి కన్నడ చిత్రం “బఘీరా’ని తెలుగులోకి డబ్ చేసి ఈ నెలాఖరులో విడుదల చేయడంతో రెండు తెలుగు రాష్ట్రాలకు తిరిగి వస్తున్నాడు.
Prashanth Neel, Bagheera, prabhas, yash
"ఈ సారి, ప్రశాంత్ నీల్ బలం మీదే ఇక్కడ ఓపినింగ్స్, సినిమా నిలబడటం ఆధారపడి ఉంటుంది. సినిమాని తమ కండలపై మోయడానికి ప్రభాస్ లేదా యష్ లేరు. ప్రశాంత్ నీల్ పేరు బలంతోనే ప్రేక్షకులను థియోటర్స్ కు లాగాలి .దాంతో అది అతని ప్రతిభను పరీక్షించలాంటిదే ," అని ఒక సీనియర్ నిర్మాత చెప్పారు.
ప్రశాంత్ నీల్ ఈ చిత్రానికి సంబంధించిన స్క్రిప్ట్ను అందించాడు. శ్రీ మురళి చేసిన ఇది మరొక యాక్షన్ చిత్రం, "తన స్క్రిప్ట్, స్క్రీన్ప్లేతో ప్రేక్షకులను నిమగ్నం చేయగలనని ప్రశాంత్ నిరూపించాలి. అతని రచనా నైపుణ్యాన్ని ప్రదర్శించడానికి సూపర్ స్టార్ అవసరం లేదు" అని అంటున్నారు.
Prashanth Neel, Bagheera, prabhas, yash
థ్రిల్లింగ్ యాక్షన్ ఎలిమెంట్స్, ఆకట్టుకునే పెర్ఫార్మెన్స్, అద్భుతమైన విజువల్స్ ఈ చిత్రానికి హైలైట్గా నిలువనున్నాయని, కన్నడంలోనే కాక, తెలుగులోనూ ఈ చిత్రం ఓ ల్యాండ్మార్క్గా నిలుస్తుందని మేకర్స్ చెబుతున్నారు. ఏషియన్ సురేష్ ఎంటైర్టెన్మెంట్ ఎల్ఎల్పి సంస్థ ఈ చిత్రాన్ని తెలుగులో విడుదల చేస్తున్నది. రుక్మిణి వసంత్, ప్రకాశ్రాజ్, రంగాయణ రఘు, అచ్యుత్కుమార్, గరుడరామ్ తదితరులు ఇతర పాత్రలు పోషించిన ఈ చిత్రానికి కెమెరా: ఏజే శెట్టి, సంగీతం: బి.అజనీష్ లోక్నాథ్.
Prashanth Neel, Bagheera, prabhas, yash
ఇక ప్రశాంత్ నీల్ టాలీవుడ్లో డిమాండ్ ఉన్న దర్శకుడిగా మారాడు మరియు జూనియర్ ఎన్టీఆర్తో ఒక సినిమా చేస్తున్నాడు మరియు ఇది లార్జర్ దేన్ లైఫ్ సినిమా అవుతుంది. మరో భారీ ఎంటర్టైనర్ కోసం రామ్ చరణ్ని డైరెక్ట్ చేయడానికి చర్చలు జరుపుతున్నట్లు సమాచారం.
KGF బాక్సాఫీస్ రికార్డులను బద్దలు కొట్టి, యష్ని తిరుగులేని హీరోగా చూపెట్టిన తర్వాత ప్రశాంత్ నీల్ టాలీవుడ్లో రాత్రికి రాత్రే స్టార్ డైరెక్టర్ అయ్యాడు మరియు తెలుగు హీరోలు అతనితో చేయడానికి పెద్ద ప్లాన్ లు వేసుకున్నారు" . ఆ తర్వాత ప్రభాస్తో చేతులు కలిపి ‘సలార్’తో టాలీవుడ్లోకి అడుగుపెట్టాడు.