Project k Story Leak: `ప్రాజెక్ట్ కే` కథలో మరో ట్విస్ట్.. తెరపైకి టైమ్‌ మిషన్‌ కాన్సెప్ట్.. ఇక సంచలనమే

పాన్‌ ఇండియా స్టార్‌ ప్రభాస్‌ నటిస్తున్న భారీ సినిమాల్లో `ప్రాజెక్ట్ కే` ఒకటి. ఈ సినిమాపై రకరకాల వార్తలు చక్కర్లు కొడుతున్నాయి. తాజాగా కథలో మరో పెద్ద ట్విస్ట్ చోటు చేసుకుంది. ఓ సంచలన విషయం ఇప్పుడు వైరల్‌ అవుతుంది.  

prabhas movies,

ప్రభాస్‌ ప్రస్తుతం మూడు భారీ పాన్‌ ఇండియా చిత్రాల్లో నటిస్తున్నారు. `ఆదిపురుష్‌`, `సలార్‌`, `ప్రాజెక్ట్ కే`. ఇందులో `ఆదిపురుష్‌` చిత్రీకరణ పూర్తి చేసుకుని పోస్ట్ ప్రొడక్షన్‌ వర్క్ జరుపుకుంటోంది. `సలార్‌`, `ప్రాజెక్ట్ కే` చిత్రీకరణ దశలో ఉన్నాయి. మరోవైపు ఏప్రిల్‌ నుంచి మారుతి సినిమా ప్రారంభం కానుంది. ఇది పూర్తి మాస్‌ ఎంటర్‌టైనర్‌గా ఉండబోతుంది. 

project k movie update

ఇదిలా ఉంటే ప్రస్తుతం రూపొందుతున్న చిత్రాల్లో `ప్రాజెక్ట్ కే` సినిమాకి సంబంధించిన అప్‌డేట్స్ వైరల్‌ అవుతున్నాయి. ముఖ్యంగా ఇందులో ప్రభాస్‌, అమితాబ్‌ బచ్చన్‌ పాత్రలు ఇవే అంటూ సామాజిక మాధ్యమాల్లో వార్తలు వైరల్‌ అవుతున్నాయి. ఇందులో అమితాబ్‌ బచ్చన్‌ అశ్వథ్థామగా కనిపించబోతున్నారని, ఆయన కుమారుడు కల్కీగా ప్రభాస్‌ కనిపిస్తారని, వీరి పాత్రలు మోడ్రన్‌ రోల్స్ ని తలపిస్తాయని అంటున్నారు. మహాభారతంలోని పాత్రలే వీరి రోల్స్ కి ఇన్స్ స్పిరేషన్‌ అంటున్నారు. `ప్రాజెక్ట్ కే`లో కే అంటే కల్కీ అనే టాక్‌ ఊపందుకుంది. 

విష్ణుమూర్తి పదవ అవతారం కల్కి. కలియుగాంతంలో విష్ణువు కల్కిగా అవతరించబోతున్నట్టు పురాణాలు చెబుతున్నాయి. వీర ఖడ్గం ధరించి, తెల్లటి గుర్రంపై విహరిస్తూ దుష్ట సంహారం గావించే ఆ అవతారం బేస్ గా `ప్రాజెక్ట్ కె` ను నాగ్ అశ్విన్  ఆసక్తికరంగా మలుస్తున్నట్టు సమాచారం. మరి ఈ వార్తల్లో ఎంత వరకు నిజం ఉందో తెలియదు కానీ.. విశేషంగా ప్రచారం అవుతుంది. 

ఇదిలా ఉంటే `ప్రాజెక్ట్ కే` సినిమాకి సంబంధించిన కథలో మరో ట్విస్ట్ బయటకు వచ్చింది. ఇందులో ప్రభాస్, దీపికా ప‌దుకొణెల పాత్ర‌ల‌కు సంబంధించిన ఆస‌క్తిక‌ర‌మైన విష‌యాలు బ‌య‌ట‌కు లీక్‌ అయినట్టు తెలుస్తుంది. ఇందులో బిగ్ బీ, ప్ర‌భాస్ తండ్రీ కొడుకులుగా న‌టించ‌బోతున్నారని,  అమితాబ్‌ అశ్వ‌ద్ధామ‌ అని, ఆయ‌నో పెద్ద వ్యాపార వేత్త‌ అని, ఆయనకు స‌హాయ‌కురాలి పాత్ర‌లో దీపికా ప‌దుకొణె న‌టించ‌బోతోందని సమాచారం. 

ఓ తండ్రి, తన కొడుకు కోసం ఏం చేశాడ‌న్న‌ది ఈ సినిమా కథాంశంగా తెలుస్తుంది. అంతేకాదు ఇందులో మైండ్‌ బ్లోయింగ్‌ విషయం ఏంటంటో ఈ సినిమాలో టైమ్‌ మిషన్‌ కాన్సెప్ట్ కూడా ఉంటుందట. దర్శకుడు నాగ్‌ అశ్విన్‌ సినిమా సైన్స్ ఫిక్షన్‌గా ఉంటుందని చెప్పిన విషయం తెలిసిందే. కాలాన్ని ఆప‌డం, గతంలోకి వెళ్లడం(భూత‌), ఫ్యూచర్‌(భ‌విష్య కాలా)ల్లోకి వెళ్లిరావ‌డం ఉంటుందట. అంతేకాదు పురాణ పురుషుల్ని పోలిన పాత్ర‌లు కూడా ఉండ‌బోతున్నాయని సమాచారం. ఆ పాత్రలకు, కథకి మధ్య ఉన్న సంబంధం సినిమాకి హైలైట్‌గా ఉంటుందని, ఇది ఇండియన్‌ సినిమాలో సరికొత్త అద్యయనానికి తెరలేపే కాన్సెప్ట్ చిత్రంగా ఉండబోతుందని తెలుస్తుంది. 

ఈ సినిమాకి `ప్రాజెక్ట్ కే` అనేది వర్కింగ్‌ టైటిల్‌ మాత్రమే అని, సినిమాలోని ప్రభాస్‌ పేరునే సినిమా టైటిల్‌గా పెట్టే ఆలోచనలో ఉన్నారట. ఇందులో ప్రభాస్‌కి జోడీగా బాలీవుడ్‌ స్టార్‌ హీరోయిన్‌ దీపికా పదుకొనె నటిస్తున్న విషయం తెలిసిందే. వైజయంతి మూవీస్ బ్యానర్ పై అశ్వనీదత్‌ సుమారు రూ.500కోట్లతో నిర్మిస్తున్నారు. ఇది పాన్‌ ఇండియాని మించిన సినిమా అని, పాన్‌ వరల్డ్ చిత్రమని దర్శకుడు నాగ్‌ అశ్విన్‌ తెలిపారు. సినిమాకి కార్లు కావాలని దర్శకుడు రిక్వెస్ట్ చేయగా, పారిశ్రామికవేత్త ఆనంద్ మహీంద్ర సుముఖత వ్యక్తం చేసిన విషయం తెలిసిందే.