సలార్ కాస్ట్యూమ్ తెచ్చిన తిప్పలు, ఆ నటికి సర్జరీ.. ఇంతకీ ఏం జరిగింది?

సలార్ మూవీ బాక్సాఫీస్ వద్ద కుమ్మేస్తుంది. ఈ చిత్రంలో లేడీ విలన్ రోల్ చేసిన రాధారమ పాత్ర చేసిన శ్రియ రెడ్డి పల్లవి ప్రశాంత్ ని ఉద్దేశించి కీలక కామెంట్స్ చేశారు.  

Sriya Reddy

పాన్ ఇండియా స్టార్ ప్రభాస్ హీరోగా దర్శకుడు ప్రశాంత్ నీల్ తెరకెక్కించిన సలార్ డిసెంబర్ 22న వరల్డ్ వైడ్ విడుదల చేశారు. పాజిటివ్ టాక్ తెచ్చుకున్న సలార్ మూడు రోజుల్లో రూ. 400 కోట్ల మార్క్ దాటింది. ప్రశాంత్ నీల్ మరో బ్లాక్ బస్టర్ ఖాతాలో వేసుకున్నాడు. 

ప్రశాంత్ నీల్ చిత్రాల్లో పాత్రలు చాలా పవర్ ఫుల్ గా ఉంటాయి. సలార్ లో లేడీ విలన్ రాధారమ ఆకట్టుకుంది. ప్రేక్షకులపై రాధారమ పాత్ర ముద్ర వేసింది. ఈ రోల్ చేసిన నటి పేరు శ్రియ రెడ్డి. ఇప్పటికే పలు చిత్రాల్లో ఆమె నటించారు. 

విశాల్ సూపర్ హిట్ మూవీ తిమురు లో శ్రియ రెడ్డి నెగిటివ్ రోల్ చేసింది. ఆ చిత్రంలో ఆమె పాత్ర చాలా పవర్ ఫుల్ గా ఉంటుంది. ఇక సలార్ లో చేసిన రాధారమ పాత్ర కోసం ఆమె చాలా కష్టపడ్డారట. ముఖ్యంగా కాస్ట్యూమ్స్ ఆమెను ఇబ్బంది పెట్టాయట. 

సలార్ లో రాధరమ బరువైన చెవి పోగులు పెట్టుకున్నారు. ఆ కారణంగా చెవులు చీరుకుపోయాయట. షూటింగ్ ముగిశాక సర్జరీ చేయించుకుందట. ఇక చీర రంగు విషయంలో గొడవ జరిగిందట. 

శ్రియ రెడ్డి మాట్లాడుతూ... ప్రశాంత్ నీల్ చిత్రాల్లో కాస్ట్యూమ్స్ డార్క్ కలర్స్ లో ఉంటాయి. సలార్ లో కూడా బ్లాక్, గ్రే, ఆలివ్ గ్రీన్ కలర్స్ వాడారు. నాకు కూడా అదే రంగు కాస్ట్యూమ్స్ రూపొందించారు. ఓ సన్నివేశంలో ఎల్లో కలర్ చీర అయితే బాగుంటుందని నేను సూచించాను. అందుకు ప్రశాంత్ నీల్ ఒప్పుకోలేదు. అయితే ప్రశాంత్ నీల్ తో వాదించి పసుపు రంగు చీర ధరించాను, అని ఆమె అన్నారు. 

శ్రియ రెడ్డి నెక్స్ట్ ఓజీ చిత్రంలో నటిస్తుందట. పవన్ కళ్యాణ్-సుజీత్ కాంబోలో రానున్న ఓజీ మూవీలో కూడా ఆమెది నెగిటివ్ రోల్ అని ప్రచారం జరుగుతుంది. పవన్ కళ్యాణ్ గురించి ఆమె ఆసక్తికర కామెంట్స్ చేశారు.