ప్రభాస్, హను రాఘవపూడి మూవీ స్టోరీ ఇదేనా.. ఆ రూమర్ నిజమైతే గూస్ బంప్స్ గ్యారెంటీ

కల్కి 2898 ఎడి చిత్రం పాన్ ఇండియా స్థాయిలో బ్లాక్ బస్టర్ హిట్ సాధించి 1000 కోట్లకి పైగా వసూళ్లతో దూసుకుపోతోంది. కల్కి ఇంతటి ఘన విజయం సాధించడంతో ప్రభాస్ తదుపరి చిత్రాలపై అంచనాలు పెరిగిపోతున్నాయి.

Prabhas

కల్కి 2898 ఎడి చిత్రం పాన్ ఇండియా స్థాయిలో బ్లాక్ బస్టర్ హిట్ సాధించి 1000 కోట్లకి పైగా వసూళ్లతో దూసుకుపోతోంది. కల్కి ఇంతటి ఘన విజయం సాధించడంతో ప్రభాస్ తదుపరి చిత్రాలపై అంచనాలు పెరిగిపోతున్నాయి. ముఖ్యంగా ప్రభాస్, హను రాఘవపూడి కాంబినేషన్ లో తెరకెక్కే చిత్రం గురించి ఇప్పుడే బజ్ మొదలైపోయింది. 

ఎందుకంటే సీతారామం చిత్రంతో హను రాఘవపూడి మ్యాజిక్ చేసి చూపించారు. ఇక ప్రభాస్ లాంటి పాన్ ఇండియా హీరోని పెట్టుకుని ఇంకెత అద్భుతం చేస్తాడో అని అంతా ఆసక్తిగా ఎదురుచూస్తున్నారు. మైత్రి మూవీ మేకర్స్ సంస్థ ఈ చిత్రాన్ని నిర్మించబోతోంది. ప్రస్తుతం ప్రీ ప్రొడక్షన్ వర్క్ శరవేగంగా జరుగుతోంది. 

ఈ చిత్రానికి హను రాఘవపూడి ఫౌజి అనే టైటిల్ పరిశీలిస్తున్నారు అని.. అలాగే పాకిస్తానీ నటిని హీరోయిన్ గా ఎంపిక చేయబోతున్నారని వార్తలు వస్తున్నాయి. కథ గురించి సంచలన రూమర్ వైరల్ గా మారింది. సోషల్ మీడియాలో ప్రభాస్ హను రాఘవపూడి మూవీ కథ గురించి జోరుగా ఈ రూమర్ ప్రచారం లో ఉంది. 

ఈ చిత్రం స్వాతంత్య్రానికి ముందు బ్రిటిష్ నేపథ్యంలో ఉంటుంది అని హను రాఘవపూడి ఆల్రెడీ సమాచారం ఇచ్చారు. యుద్ధం నేపథ్యంలో సన్నివేశాలు కూడా ఉంటాయట.ఈ చిత్రంలో ప్రభాస్ సైనికుడిగా కనిపించబోతున్నారు. ప్రభాస్ బ్రాహ్మణ యువకుడిగా సైనికుడిగా కనిపిస్తాడని రూమర్స్ వస్తున్నాయి. రెండవ ప్రపంచ యుద్ధంలో ఇండియన్ ఆర్మీ బ్రిటిష్ తరుపున పోరాటం చేసింది. 

కానీ నేతాజీ సుభాష్ చంద్రబోస్ మాత్రం ప్రత్యేకంగా ఆజాద్ హింద్ ఫౌజ్ ని స్థాపించారు. బ్రిటిష్ కి వ్యతిరేకంగా కొత్త ఆర్మీని సిద్ధం చేశారు. ఆ ఆర్మీలో ప్రభాస్ సైనికుడిగా ఉంటాడట. ఈ చిత్రంలో నేతాజీ సుభాష్ చంద్రబోస్ ని చూపిస్తారని.. ఆయన్ని చూపించే సన్నివేశాలు గూస్ బంప్స్ తెప్పించేలా ఉంటాయని టాక్. 

ప్రభాస్ సైనికుడిగా ఉంటూ ఒక యువతి ప్రేమలో పడడంతో పరిస్థితులు ఎమోషనల్ గా మారతాయట. దీని చుట్టూ అద్భుతమైన కథతో హను రాఘవపూడి ఈ చిత్రాన్ని తెరకెక్కించబోతున్నట్లు తెలుస్తోంది. ఈ కథ నిజమైతే గూస్ బంప్స్ తెప్పించే చిత్రం ప్రభాస్ నుంచి రాబోతున్నట్లే. అయితే ఇది సోషల్ మీడియాలో జరుగుతున్న ప్రచారం మాత్రమే. మరి హను రాఘవపూడి ప్లానింగ్ ఏంటో వేచి చూడాలి.