సోషల్ మీడియాను ఊపేస్తున్న పూజా హెగ్డే మోనికా సాంగ్.. బుట్టబొమ్మ ఎనర్జిటిక్ స్టెప్పులు చూశారా

లోకేష్ కనకరాజ్, సూపర్ స్టార్ రజినీకాంత్ తొలి కాంబినేషన్ లో రూపొందుతున్న చిత్రం కూలీ. ఈ చిత్రంలో కి నాగార్జున, ఉపేంద్ర, శృతిహాసన్ కీలక పాత్రల్లో నటిస్తున్నారు.

Image Credit : Youtube/GeminiTV

లోకేష్ కనకరాజ్, సూపర్ స్టార్ రజినీకాంత్ తొలి కాంబినేషన్ లో రూపొందుతున్న చిత్రం కూలీ. ఈ చిత్రంలో కి నాగార్జున, ఉపేంద్ర, శృతిహాసన్ కీలక పాత్రల్లో నటిస్తున్నారు. ఈ మూవీలో బుట్ట బొమ్మ పూజా హెగ్డే స్పెషల్ సాంగ్ లో మెరిసింది.

Image Credit : Youtube/GeminiTV

తాజాగా చిత్ర యూనిట్ ఈ స్పెషల్ సాంగ్ ని రిలీజ్ చేశారు. మై డియర్ మౌనిక అంటూ సాగే ఈ పాట ఆడియన్స్ ని హుషారెత్తించే విధంగా ఉంది. ఈ సాంగ్ లో పూజా హెగ్డే గ్లామర్, ఫుల్ జోష్ తో ఆమె చేస్తున్న డాన్స్ మూమెంట్స్ హైలైట్ గా నిలుస్తున్నాయి.

Image Credit : Youtube/GeminiTV

పూజా హెగ్డే గతంలో ఎన్నడూ ఇంత ఎనర్జిటిక్ గా డ్యాన్స్ చేయలేదనే చెప్పాలి. ఈ సాంగ్ రిలీజ్ అయిన కొద్దిసేపటికి సోషల్ మీడియాలో వైరల్ గా మారింది. నెటిజన్లు పూజా హెగ్డే స్టెప్పులు గురించి ప్రత్యేకంగా చర్చించుకుంటున్నారు.

Image Credit : Youtube/GeminiTV

కూలీ చిత్రానికి అనిరుధ్ సంగీతం అందిస్తున్నారు. ఈ పాటని సుభాషిని, అనిరుద్ కలిసి పాడారు. ఈ సాంగ్ లో మరో హైలెట్ ఏంటంటే.. పూజా హెగ్డే తో కలిసి మలయాళీ నటుడు సుబిన్ షాహిర్ డ్యాన్స్ చేశారు. ఈ సాంగ్ లో రజినీకాంత్ కాని, నాగార్జున కాని కనిపించలేదు.

Image Credit : Youtube/GeminiTV

తమిళ అభిమానుల్లో కూలీ చిత్రంపై భారీ అంచనాలు ఉన్నాయి. తమిళంలో ఇంతవరకు 1000 కోట్ల చిత్రం రాలేదు. కూలీ చిత్రం వెయ్యి కోట్ల క్లబ్ లోకి ఎంట్రీ ఇస్తుందని అభిమానులు అంచనాలు పెట్టుకున్నారు. రజనీకాంత్, నాగార్జున, శృతిహాసన్, ఉపేంద్ర లాంటి స్టార్ పవర్ ఈ చిత్రంలో ఎలాగూ ఉంది. కాబట్టి డైరెక్టర్ లోకేష్ కనకరాజ్ మ్యాజిక్ చేస్తే 1000 కోట్లు సాధించడం అంత కష్టం కాకపోవచ్చు.