- Home
- Entertainment
- `మోనికా` పాటకి పూజా హెగ్డే ఎంత పారితోషికం తీసుకుందో తెలుసా? ఇంటర్నెట్ మొత్తం షేకింగ్
`మోనికా` పాటకి పూజా హెగ్డే ఎంత పారితోషికం తీసుకుందో తెలుసా? ఇంటర్నెట్ మొత్తం షేకింగ్
రజనీకాంత్ హీరోగా రూపొందిన `కూలీ` సినిమాలోని పూజా హెగ్డే నటించిన `మోనికా` పాట విడుదలై దుమ్మురేపుతుంది. అయితే ఈ పాటలో నటించేందుకు పూజా ఎంత పారితోషికం తీసుకుందో చూద్దాం.
`కూలీ` నుంచి పూజా హెగ్డే `మోనికా` సాంగ్ రిలీజ్
పూజా హెగ్డే ఇప్పుడు ఒక్కసారిగా ట్రెండింగ్లోకి వచ్చింది. ఆమె చేసిన స్పెషల్ సాంగ్ సోషల్ మీడియాని ఊపేస్తుంది. అన్ని సామాజిక మాధ్యమాల్లోనూ ట్రెండ్ అవుతుంది.
తెలుగు ఆడియెన్స్ ముద్దుగా బుట్టబొమ్మగా పిలుచుకునే పూజా `కూలీ` సినిమాలో స్పెషల్ సాంగ్ చేసింది. లోకేష్ కనగరాజ్ దర్శకత్వంలో రూపొందిన ఈ చిత్రంలో రజనీకాంత్ హీరోగా నటిస్తుండగా, నాగార్జున, అమీర్ ఖాన్, ఉపేంద్ర, శృతి హాసన్ కీలక పాత్రలు పోషిస్తున్నారు.
ట్రెండింగ్లో పూజా హెగ్డే `మోనికా` సాంగ్
సన్ పిక్చర్స్ భారీ బడ్జెట్తో నిర్మించిన ఈ మూవీ వచ్చే నెలలో ఆడియెన్స్ ముందుకు రాబోతుంది. ఈ క్రమంలో సినిమా ప్రమోషన్స్ స్టార్ట్ చేసింది టీమ్.
వరుసగా మెయిన్ కాస్టింగ్ కి సంబంధించిన ఫస్ట్ లుక్లు విడుదల చేసింది. ఇప్పుడు పాటలను విడుదల చేస్తుంది. అందులో భాగంగా `కూలీ` సినిమా నుంచి `మోనికా` అనే సాంగ్ని శుక్రవారం విడుదల చేశారు.
ఇందులో పూజా హెగ్డే స్పెషల్గా స్టెప్పులేసింది. పోర్ట్ ఏరియాలో, గ్రూప్ డాన్స్ గా సాగే ఈ పాట ఆద్యంతం కట్టిపడేస్తుంది. మాస్ ఆడియెన్స్ ని ఉర్రూతలూగిస్తుంది.
`మోనికా` పాటతో చర్చనీయాంశంగా పూజా హెగ్డే
`మోనికా` సాంగ్ అన్ని మాధ్యమాల్లోనూ ట్రెండింగ్లో ఉండటం విశేషం. అదే సమయంలో పూజా హెగ్డే సైతం వైరల్గా మారింది. ఇటీవల కాలంలో పూజా నుంచి పెద్దగా సినిమాలు లేవు.
ఆ మధ్య సూర్యతో నటించిన `రెట్రో` మూవీ ఆకట్టుకోలేకపోయింది. ఈ క్రమంలో ఇప్పుడు స్పెషల్ సాంగ్ రూపంలో ఆమె చర్చనీయాంశంగా మారడం విశేషం. పూజా స్టెప్పులు మాస్ ఆడియెన్స్ ని ఫిదా చేస్తున్నాయి.
అయితే ఇందులో హీరోలెవరూ కనిపించకపోవడం గమనార్హం. రజనీకాంత్, నాగార్జున కనిపిస్తారనే ప్రచారం జరిగింది. కానీ వాళ్లెవరూ ఇందులో లేరు. ఈ పాట కేవలం కమర్షియల్ ఎలిమెంట్ల కోసమే యాడ్ చేసినట్టు తెలుస్తోంది.
`కూలీ`లో మోనికా పాటకి పూజా హెగ్డే పారితోషికం
ఇదిలా ఉంటే ఈ మూవీకి పూజా హెగ్డే తీసుకున్న పారితోషికం ఇప్పుడు చర్చనీయాంశం అవుతుంది. ఇందులో కేవలం ఒక్క పాట కోసం సుమారు మూడు కోట్లు తీసుకుందని తెలుస్తోంది.
హీరోయిన్గా ఒక్కో మూవీకి నాలుగైదు కోట్లు తీసుకుంటుంది పూజా. కానీ ఇందులో ఒక్క పాటకే ఆ రేంజ్లో రెమ్యూనరేషన్ తీసుకోవడం గమనార్హం. `కూలీ` చిత్రం ఆగస్ట్ 14న పాన్ ఇండియా స్థాయిలో భారీగా రిలీజ్ కాబోతుంది.
పూజా హెగ్డే లేటెస్ట్ మూవీస్
పూజా హెగ్డే తెలుగులో సినిమాలు తగ్గించింది. ఇంకా చెప్పాలంటే చేయడం లేదు. ఇప్పుడు తమిళంకే పరిమితమవుతుంది. `రెట్రో` తర్వాత ప్రస్తుతం విజయ్ తో `జన నాయకన్`, `కాంచన 4` చిత్రాల్లో నటిస్తుంది.
హిందీలో `హై జవానీ తో ఇష్క్ హోనా హై` సినిమాలో నటిస్తుంది. పూజాకి కమ్ బ్యాక్ ఇచ్చే మూవీ ఇందులో ఏది అవుతుందో చూడాలి. తెలుగులో చివరగా `ఆచార్య`లో నటించింది పూజా. ఆ తర్వాత మరే తెలుగు మూవీకి సైన్ చేయలేదు.