సెన్సార్ లో కట్ చేసిన పిఠాపురం ఎమ్మెల్యే డైలాగ్ ఇదే, ఉండుంటే థియేటర్లు బద్దలయ్యే రెస్పాన్స్

15

Mazaka Movie

హీరో సందీప్ కిషన్ టాలీవుడ్ లో బలమైన ముద్ర వేసేందుకు కష్టపడుతున్నాడు. కానీ విజయాలు దక్కడం లేదు. వెంకటాద్రి ఎక్స్ ప్రెస్ లాంటి హిట్ ఈ మధ్యకాలంలో సందీప్ కిషన్ కి లేదు. సందీప్ కిషన్ నటించిన లేటెస్ట్ మూవీ మజాకా. ధమాకా డైరెక్టర్ త్రినాధ్ రావు నక్కిన దర్శకత్వంలో ఈ చిత్రం తెరకెక్కుతోంది. ఫిబ్రవరి 26న ఈ చిత్రం గ్రాండ్ రిలీజ్ కి రెడీ అవుతోంది. 

25

ఈ చిత్రంలో సందీప్ కిషన్ కి జోడిగా రీతూ వర్మ నటిస్తోంది. రీతూ వర్మకి కూడా ఈ చిత్రం చాలా కీలకం. ఆమె కూడా చాలా కాలంగా సక్సెస్ కోసం ఎదురుచూస్తోంది. చిత్ర యూనిట్ ప్రస్తుతం జోరుగా ప్రచార కార్యక్రమాలు నిర్వహిస్తున్నారు. ఈ చిత్రంలో మన్మథుడు హీరోయిన్ అన్షు అంబానీ కీలక పాత్రలో నటిస్తోంది. సందీప్ కిషన్ తండ్రి పాత్రలో రావు రమేష్ నటిస్తున్నారు. 

35

Mazaka

సందీప్ కిషన్ ఓ ఇంటర్వ్యూలో మజాకా చిత్రం గురించి క్రేజీ విషయాన్ని బయట పెట్టారు. ఈ మూవీలో పిఠాపురం ఎమ్మెల్యే అనే డైలాగ్ ఉంది. కానీ సెన్సార్ వాళ్ళు దానిని కట్ చేశారు. ఈ మూవీలో నాకు ఇష్టమైన డైలాగ్ కూడా అదే అని సందీప్ కిషన్ తెలిపాడు. కానీ కాంట్రవర్సీ కాకూడదు అనే ఉద్దేశంతో సెన్సార్ సభ్యులు దానిని తొలగించారట. ఇంతకీ ఆ డైలాగ్ ఏంటో చూద్దాం. 

45

రావు రమేష్, అన్షు అంబానీ మధ్య వచ్చే సన్నివేశంలో ఆ డైలాగ్ ఉంటుంది. ఖుషి చిత్రంలోని పవన్ కళ్యాణ్, భూమిక సన్నివేశాన్ని మజాకా చిత్రంలో ఫన్నీగా రీ క్రియేట్ చేశారు. అన్షు అంబానీ నడుము చూసి రావు రమేష్ షేక్ అవుతుంటాడు. సందీప్ కిషన్ ఏమైంది నాన్నా అని అడుగుతాడు. 'పిఠాపురం ఎమ్మెల్యే గారు అప్పట్లో ఇలాంటివి చూసి ఎంత కంగారు పడి ఉంటారు ఇప్పుడు అర్థం అవుతోంది' అని రావు రమేష్ అంటాడు. కానీ ఈ డైలాగ్ ని సెన్సార్ వాళ్ళు తొలగించారట. ఉండుంటే మాత్రం థియేటర్లలో అదిరిపోయే రెస్పాన్స్ వచ్చేది అనే టాక్ వినిపిస్తోంది. 

55

అన్షు అంబానీ దాదాపు 20 ఏళ్ళ తర్వాత ఈ చిత్రంతో రీ ఎంట్రీ ఇస్తోంది. మన్మథుడు చిత్రంలో యువతని మెప్పించిన అన్షు.. మజాకా చిత్రంలో ఎలాంటి మ్యాజిక్ చేస్తుందో చూడాలి.