Shah Rukh Khan: షారూఖ్ ఫెయిల్యూర్ కావాలని బాలీవుడ్ కోరుకుంది: డైరక్టర్ షాకింగ్ కామెంట్స్

14

షారూఖ్ వంటి సూపర్ స్టార్ ని బాలీవుడ్ ఫెయిల్యూర్ అవ్వాలని కోరుకుందా అంటే అవుననే అంటున్నారు ఆయనతో పనిచేసిన డైరక్టర్ అనుభవ్ సిన్హా. ఆయన షారూఖ్ తో చేసిన సినిమా రా.వన్. ఆ సినిమా భాక్సాఫీస్ దగ్గర డిజాస్టర్ అయ్యింది. అప్పటి విషయాలను రీసెంట్ గా ఓ పాడ్ కాస్ట్ లో గుర్తు చేసుకుంటూ ..షారూఖ్ విషయమై బాలీవుడ్ ఎలా కోరుకుందో చెప్పి ఆశ్చర్యపరిచారు.

సినిమా బాగోలేదని, అందుకే భాక్సాఫీస్ దగ్గర ఫెరఫామ్ చేయలేకపోయిందని, స్క్రిప్టు ,ఎడిటింగ్ ఇలా చాలా డిపార్టమెంట్స్ అసలు బాగోలేదని అన్నారు. కోర్ స్టోరీ బాగుంటుందని, అయితే సినిమా యాంబియన్స్ ప్రతీ ఒక్కరికీ నచ్చేలా సెట్ చేయలేకపోయానని అన్నారు. ఇప్పుడు కనుక సినిమాని సరిచేయాల్సి వస్తే VFX,మ్యూజిక్ తప్పించి  అన్ని చేయాలని అన్నారు. నేను అయితే ఈ సినిమా తో షారూఖ్ కు ద్రోహం చేసానని ఫీలవుతున్నానని, ఆయన నమ్మకాన్ని దెబ్బకొట్టానని ఆవేదనతో అన్నారు. 

24

  రా.వన్

2012 లో దేశంలో అత్యంత భారీ బడ్జెట్‌తో రూపొందిన సినిమాల్లో రా.వన్ ఒకటి. దాదాపు రూ. 150 కోట్ల వరకు ఈ సినిమాకు ఖర్చు పెట్టారు. భారీ అంచనాలతో దీపావళి పండుగను పురస్కరించుకుని విడుదలైన ఈ సినిమా వంద కోట్లు కూడా వెనక్కి రప్పించలేకపోయింది.

ఈ సినిమాలో బాలీవుడ్ బాద్ షా షారుఖ్ సూపర్ హీరోగా నటించాగా,రెడ్ చిల్లీస్ ఎంటర్ టైన్మెంట్స్ పతాకంపై షారుఖ్ భార్య గౌరీఖాన్ ఈ చిత్రాన్ని నిర్మించారు. అనుభవ్ సిన్హా దర్శకత్వం వహించిన ఈ చిత్రంలో కరీనా కపూర్ షారుఖ్‌తో జోడీ కట్టింది. కేవలం బాలీవుడ్ కే పరిమితం కాకుండా సౌత్ లోనూ తన మార్కును చాటాలని దక్షిణాది భాషలతో పాటు ప్రపంచ వ్యాప్తంగా ఈ సినిమాను విడుదల చేశారు షారుఖ్. అయితేనేం సినిమా డిజాస్టర్ అయ్యింది.  

34

షారూఖ్ ఖాన్ ప్రవర్తన  గురించి చెప్తూ...

అప్పట్లో ఎందుకనో బాలీవుడ్ జనం షారూఖ్ ఖాన్ ఫెయిల్ అవ్వాలని కోరుకునేవారు. అది ఎందుకనేది నాకు తెలియదు. షారూఖ్ చాలా తెలివైన వాడు. ప్రతీది ఆయన సలహా, సూచనలు తీసుకున్నా, క్రియేటివ్ గా ఆయన ఫ్రీడం ఇచ్చేవారు.

కొత్తదనం ఏదైనా చెప్తే ట్రై చేద్దాం అనేవారు. మంచి టీమ్ ని ఇచ్చారు. మంచి బడ్జెట్ ఇచ్చారు. ఆయన నిర్మాత అయినా డబ్బులు లెక్కలు  ఎప్పుడూ మా దగ్గర మాట్లాడేవారు కాదు. కానీ హిట్ కొట్టలేకపోయాం. సినిమాకు ఏవైతే కీలకమో అవేమీ సరిగ్గా కుదరలేదు. అందుకు రకరకాల కారణాలు ఉండవచ్చు . కానీ షారూఖ్ నాపై పెట్టిన నమ్మకాన్ని మాత్రం నేను నిలబెట్టుకోలేకపోయాను అన్నారు. 

44

షారూఖ్ ఖాన్ ఈ మధ్యకాలంలో చేసిన ‘పఠాన్‌’, ‘జవాన్‌’ చిత్రాలు ఘన విజయం అందుకున్న సంగతి తెలిసిందే. రెండూ రూ.1000కోట్లకుపైగా వసూళ్లు చేశాయి. మరోవైపు, ‘డంకీ’, ‘టైగర్‌ 3’ (అతిథి పాత్ర)లతోనూ ప్రేక్షకులను పలకరించారు.

ప్రస్తుతం ‘కింగ్‌’ (Shah Rukh Khan Upcoming Movie) సినిమాలో నటిస్తున్నారు. సుజోయ్‌ ఘోష్‌ తెరకెక్కిస్తున్న ఈ చిత్రంలో షారుక్‌ తనయ సుహానా ఖాన్‌ కూడా సందడి చేయనున్నారు.