పాయల్ పాపలో ఆ `కళ` కూడా ఉందట.. ఒక్క నెల ఆరు కేజీలు.. వెయిట్‌లాస్‌ సీక్రెట్‌ చెప్పిన `ఆర్ఎక్స్100` బ్యూటీ
`ఆర్ఎక్స్ 100` భామ పాయల్ రాజ్‌పుత్‌లో నటనే కాదు, దానికి మించి మరో `కళ` కూడా ఉందట. తాజాగా దాన్ని పరిచయంచేసింది. కరోనా సమయంలో తన లోని మరో టాలెంట్‌కి పని చెప్పింది. వాహ్‌ అనిపిస్తుంది.
`ఆర్ఎక్స్ 100` వచ్చి మూడేళ్లవుతున్నా ఇంకా పాయల్ రాజ్‌పుత్‌ని `ఆర్ఎక్స్ 100` భామనే అంటున్నారు. ఆ తర్వాత ఆ రేంజ్‌ సినిమా ఈ భామకి పడలేదని చెప్పొచ్చు. అయితే ఈ సందర్భంగా తనలోని మరో టాలెంట్‌ని బయట పెట్టింది పాయల్.
తనలో దాగున్న పెయింటింగ్‌ కళకి పనిచెప్పింది. తాజాగా ఫస్ట్ ఓ పెయింట్‌ వేసింది. పచ్చని చెట్లు ఆకాశం మేళవింపుగా వేసిన పెయింటింగ్‌ని తన ఇన్‌స్టా స్టోరీస్‌లో పంచుకుంది పాయల్ రాజ్‌పుత్‌.
`ఇది నేను నా మొదటి ప్రయత్నంగా వేసిన పెయింటింగ్‌. చూస్తుంటే కట్టిపడేస్తుంది. పికాసోలా అనిపిస్తుంది` అని పేర్కొంది పాయల్. ఇది ప్రస్తుతం వైరల్‌గా మారింది.
పాయల్ అభిమానులు ఆమె టాలెంట్‌పై ప్రశంసలు కురిపిస్తున్నారు. ఫస్ట్ టైమ్‌ అయినా అద్భుతంగా వేశారని ఆకాశానికి ఎత్తేస్తున్నారు. దీన్ని కొనసాగించండి అని చెబుతోంది పాయల్.
ఇదిలా ఉంటే ఒక్క నెలలో ఆరు కేజీల బరువు తగ్గి షాక్‌ ఇస్తుంది పాయల్. తన సినిమా కోసం తాను బరువు తగ్గినట్టు పేర్కొంది. అందుకోసం తనకిష్టమైన ఫుడ్ ని కూడా పక్కన పెట్టిందట.
`సినిమాలో నాది పేదరికంలో కొట్టుమిట్టాడే అమ్మాయి పాత్ర. ఇందుకోసం బరువు తగ్గాల్సి వచ్చింది. పాత్ర కోసం వెయిట్‌లాస్‌ అవ్వడం ఇదే ఫస్ట్ టైమ్‌.డైట్‌ విషయంలో చాలాకఠినంగా ఉన్నా. ప్రతి రోజూ మధ్యాహ్నం ఒంట గంట నుంచి రాత్రి 8 వరకు మాత్రమే ఆహారం తీసుకున్నా. దీంతోపాటు కొన్ని రోజులు ఉపవాసం ఉన్నాను.
అలాగే యోగా, వ్యాయామాలు చేసేదాన్ని. అలా కేవలం నెల రోజుల్లో ఆరుకేజీల బరువు తగ్గాను` అని పేర్కొంది పాయల్. తాజాగా ఈ అమ్మడు పంచుకున్న ఫోటోలు చూస్తుంటే సన్నని మెరుపు తీగలాగ కనిపిస్తుంది పాయల్. తన అభిమానులు కూడా సన్నజాజి పువ్వా అంటూ కామెంట్లు చేస్తున్నారు.
`వెంకీమామ`,`డిస్కో రాజా` వంటి హిట్ సినిమాల్లో నటించినా పాయల్‌కు అనుకున్నంత గుర్తింపు రాలేదు. ప్రస్తుతం ఈ ఆమె ఓ వెబ్‌సిరీస్‌లో నటిస్తుంది. ఇందులో నెగిటివ్‌ షేడ్‌లో కనిపించనుందట. దీంతోపాటు పంజాబీలో ఓ సినిమా చేస్తుంది పాయల్. ఇది ఇటీవలే ప్రారంభమైంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
