తానే బిగ్‌ బాస్‌ 7 విన్నర్‌ అని పల్లవి ప్రశాంత్‌కి ముందే తెలుసా?.. ఆ రహస్యం బయపెట్టిన రైతు బిడ్డ..

బిగ్‌ బాస్‌ తెలుగు 8వ సీజన్‌ త్వరలో ప్రారంభం కాబోతుంది. ఇప్పుడు ఆ కంటెస్టెంట్ల ఎంపికకి సంబంధించిన హడావుడి జరుగుతుంది. ఈసారి కంటెస్టెంట్లుగా ఎవరు రాబోతున్నారనే ఆసక్తికరంగా మారింది. ఈ క్రమంలో గత సీజన్‌కి సంబంధించిన ఓ వార్త ఇప్పుడు హాట్‌ టాపిక్ అవుతుంది. బిగ్‌ బాస్‌ తెలుగు 7వ సీజన్‌లో రైతు బిడ్డ పల్లవి ప్రశాంత్ విన్నర్ అయిన విషయం తెలిసిందే. గెలిచిన తర్వాత ఆయన చేసిన రచ్చ మామూలు కాదు. పెద్ద హాట్ టాపిక్ అయ్యింది. ఆ రోజు రాత్రి దాడులు జరిగిన నేపథ్యంలో పల్లవి ప్రశాంత్‌ని పోలీసులు అరెస్ట్ చేశారు, జైలుకి కూడా పంపించారు. 
 

ఆ కేసు కారణంగా పల్లవి ప్రశాంత్ బయటకు తిరగడానికి సంబంధించిన పలు నిబంధనలు కూడా ఉన్నాయి. ఈ నేపథ్యంలో పెద్దగా బయటకు రాని పల్లవి ప్రశాంత్‌ ప్రైవేట్‌ పార్టీల్లోనే ఎక్కువగా కనిపించారు. కానీ ఆయన మొదటి సారీ మీడియా ముందుకు వచ్చాడు. `బహిష్కరణ` అనేవెబ్ సిరీస్ సక్సెస్‌ మీట్లో లో పాల్గొన్నాడు. ఇందులో మాజీ బిగ్‌ బాస్‌ కంటెస్టెంట్లు పాల్గొని సందడి చేశారు. సోహైల్‌, మెహబూబ్‌, వీజే సన్నీ, అర్జున్‌, అవినాష్‌తోపాటు పల్లవి ప్రశాంత్‌ కూడా పాల్గొన్నాడు. 
 

ఈ సందర్భంగా `బహిష్కరణ` దర్శకుడు ముఖేష్‌, హీరోయిన్ అంజలికి రోజా పువ్వు ఇచ్చాడు పల్లవి ప్రశాంత్‌. ఇందులో ఆయన మాట్లాడుతూ ఓ రహస్యాన్ని బయటపెట్టాడు. ఈ వెబ్ సిరీస్‌ దర్శకుడు.. బిగ్‌ బాస్‌ లాస్ట్ సీజన్ సమయంలో తన ఏవీ షూట్‌ చేశాడట. ఆ ఒక్క రోజే ఆయనతో అనుబంధం ఏర్పడిందని, కష్టపడి బాగా తీశాడని తెలిపాడు పల్లవి ప్రశాంత్‌. ఏవీ షూట్‌ అంతా అయిపోయిన తర్వాత నువ్వే బిగ్‌ బాస్‌ విన్నర్‌వి అన్నాడట. మరి ఏం చూశాడో తెలియదుగానీ, ఆ మాట అనేశాడు. అప్పుడు నాకు చాలా హ్యాపీగా అనిపించింది. అదే కాన్ఫిడెన్స్ తో షోకి వెళ్లినట్టు తెలిపారు పల్లవి ప్రశాంత్‌. 
 

ఆ ఏవీ కోసం కాన్సెప్ట్ వైజ్‌గా షూట్‌ చేశాడని, ప్రతిదీ డిటెయిల్‌గా తీశాడని, ఏవీ అయిపోయేంత వరకు కనీసం ఏం తినలేదు. అంత హార్డ్ వర్క్ చేశాడు. ఆయన పనితనం ఏంటో, ఆయన టాలెంట్ ఏంటో అప్పుడు చూశాను అన్నాడు ప్రశాంత్‌. ఆ టాలెంట్‌ `బహిష్కరణ` వెబ్ సిరీస్‌ లో కనిపించిందని తెలిపాడు. ఇక ఆ రోజు ఆయన చెప్పిన మాటలతో బిగ్‌ బాస్‌ షోకి వెళ్లిన పల్లవి ప్రశాంత్‌ ప్రారంభంలో కాస్త అటు ఇటు ఉన్నా, నెమ్మదిగా పుంజుకున్నాడు. తగ్గేదెలే అంటూ పులిలా విరుచుకుపడ్డాడు. చివరికి టైటిల్ విన్నర్‌ అయిన విషయం తెలిసిందే. 
 

పల్లవి ప్రశాంత్‌కి గతంలో ఎవరికీ రాని క్రేజ్‌ వచ్చింది. కానీ పోలీస్‌ కేసు ఆయన్ని దెబ్బకొట్టింది. విజయానందంలో ఆయన ఆవేశంలో చేసిన పని కెరీర్‌ని తలక్రిందులు చేసింది. నటుడిగా, హీరోగా చేయాల్సిన పల్లవి ప్రశాంత్‌ ఇప్పుడు ఇంకా రైతుగానే ఉండిపోవాల్సి వచ్చింది. ఇంకా వ్యవసాయం పనులు చూసుకోవాల్సి వచ్చింది. ఆ కేసు లేకపోతే ఆయన రేంజ్‌ మారిపోయేదని చెప్పడంలో అతిశయోక్తి లేదు.