Arjun Das: సీక్రెట్గా `ఓజీ` నటుడి ఎంగేజ్మెంట్ ? ఆ అమ్మాయి ఎవరో తెలుసా?
Arjun Das: తమిళ సినిమాల్లో హీరోగా, విలన్గా అదరగొడుతున్న నటుడు అర్జున్ దాస్ పెళ్లికి రెడీ అవుతున్నాడనే వార్తలు వస్తున్నాయి. ఈ వారంలోనే ఆయన నిశ్చితార్థం జరగబోతోందట. ఆ వివరాలు చూద్దాం.
`ఓజీ`తో విలన్గా తెలుగు ఆడియెన్స్ కి దగ్గరైన అర్జున్ దాస్
'మాస్టర్' తర్వాత కమల్ హాసన్ 'విక్రమ్' సినిమాలో కూడా అర్జున్ దాస్ ఓ అతిథి పాత్రలో కనిపించాడు. ముఖ్యంగా సూర్య 'రోలెక్స్'గా ఎంట్రీ ఇచ్చే సీన్లలో నటించడంతో ఆ పాత్రకు మంచి రెస్పాన్స్ వచ్చింది. విజయ్కి విలన్గా చేసిన అర్జున్ దాస్ను, అధిక్ రవిచంద్రన్ 'గుడ్ బ్యాడ్ అగ్లీ' సినిమాలో అజిత్కు విలన్గా తీసుకున్నారు. ఆ క్యారెక్టర్లో కూడా అర్జున్ అదరగొట్టాడు. ఈ మధ్య తెలుగులోనూ అదరగొట్టారు. ఆయన పవన్ కళ్యాణ్ సంచలన మూవీ `ఓజీ`లో నటించిన విషయం తెలిసిందే. నెగటివ్ రోల్లో కనిపించి అదరగొట్టారు. ఒక్కసారిగా తెలుగు ఆడియెన్స్ కి దగ్గరయ్యాడు.
అర్జున్ దాస్ నటించిన సినిమాలు
అర్జున్ దాస్ విలన్గానే కాకుండా హీరోగా కూడా చాలా సినిమాలు చేశాడు. కానీ ఆ సినిమాలు పెద్దగా ఆడలేదు. అతను హీరోగా నటించిన 'అంధకారం' సినిమా నేరుగా నెట్ఫ్లిక్స్లో రిలీజైంది. ఈ సినిమాను అట్లీ నిర్మించాడు. ఇది కాకుండా వసంతబాలన్ డైరెక్షన్లో 'అనీతి', శాంతకుమార్ డైరెక్షన్లో 'రసవాది', విశాల్ వెంకట్ డైరెక్షన్లో 'బామ్' వంటి సినిమాల్లో హీరోగా చేశాడు. ఈ సినిమాలకు విమర్శకుల ప్రశంసలు వచ్చినా, బాక్సాఫీస్ వద్ద ఫెయిల్ అయ్యాయి. తెలుగులో `ఓజీ`తోపాటు `బుట్టబొమ్మ`లో సెకండ్ లీడ్గా చేశాడు. `ఆక్సీజన్`లోనూ కీలక పాత్రలో నటించాడు.
అర్జున్ దాస్ చేతిలో ఉన్న సినిమాలు
ప్రస్తుతం అర్జున్ దాస్ చేతిలో 'లవ్', 'వన్స్ మోర్' అనే సినిమాలు ఉన్నాయి. 'లవ్' సినిమాలో నటి ఐశ్వర్య లక్ష్మితో కలిసి నటిస్తున్నాడు. ఈ సినిమా నేరుగా నెట్ఫ్లిక్స్లో రిలీజ్ కానుంది. ఇక 'వన్స్ మోర్' సినిమాలో డైరెక్టర్ శంకర్ కూతురు అదితి శంకర్ హీరోయిన్గా నటిస్తోంది. ఈ సినిమా షూటింగ్ కూడా పూర్తయి విడుదలకు సిద్ధంగా ఉంది.
సీక్రెట్గా అర్జున్ దాస్ ఎంగేజ్మెంట్ ప్లాన్
ఇదిలా ఉంటే, కోలీవుడ్లో ఓ వార్త కార్చిచ్చులా వ్యాపిస్తోంది. నటుడు అర్జున్ దాస్కు ఈ వారంలోనే నిశ్చితార్థం జరగబోతోందట. ఈ వేడుకను చాలా రహస్యంగా, కేవలం దగ్గరి బంధువులు, స్నేహితుల మధ్యే జరపనున్నారని సమాచారం. అతను పెళ్లి చేసుకోబోయే అమ్మాయి ఎవరనేది మాత్రం సస్పెన్స్గా ఉంచారు. గతంలో అర్జున్ దాస్, నటి ఐశ్వర్య లక్ష్మి ప్రేమలో ఉన్నారని వార్తలొచ్చాయి. కానీ తామిద్దరం మంచి స్నేహితులం మాత్రమేనని, ఆ వార్తల్లో నిజం లేదని ఇద్దరూ క్లారిటీ ఇచ్చారు. వాళ్లిద్దరూ కలిసి 'లవ్' సినిమాలో నటించడమే ఆ రూమర్లకు కారణమైంది.
