ఎన్టీఆర్ ని కొనగలిగే మగాడే లేడు, రాడు .. మళ్ళీ వేసేసిన బండ్ల బాబు!

First Published Apr 5, 2021, 11:11 AM IST

నటుడు నిర్మాత బండ్ల గణేష్ ఏది మాట్లాడినా సంచలనమే. ఆయన మాటలే కాదు, ట్వీట్స్ కూడా ఒకింత నవ్వు, ఆశ్చర్యం కలిగిస్తాయి. నిన్న జరిగిన వకీల్ సాబ్ ప్రీ రిలీజ్ వేడుకలో బండ్ల గణేష్.. పవన్ ని పరమేశ్వరుడు అంటూ వీర లెవెల్ లో ఎలివేట్ చేశాడు.

నేడు యంగ్ టైగర్ ఎన్టీఆర్ ని ఉద్దేశిస్తూ, బండ్ల గణేష్ వేసిన ట్వీట్, టాక్ ఆఫ్ ది ఇండస్ట్రీ అయ్యింది. '' ఎన్టీఆర్ ని కొనగలిగే మగాడు లేదు, ఇక ముందు రాడు'' అంటూ ఆయన ట్వీట్ చేశారు. సడన్ గా ఎన్టీఆర్ ఇమేజ్ ఎలివేట్ చేస్తూ... బండ్ల గణేష్ ట్వీట్ వేయడానికి కారణం, బాద్‍షా చిత్రం విడుదలై 8ఏళ్ళు పూర్తి చేసుకుంది.

2013లో ఏప్రిల్ 5న విడుదలైన బాద్‍షా హిట్ టాక్ తెచ్చుకుంది. శ్రీను వైట్ల దర్శకత్వంలో ఎన్టీఆర్, కాజల్ జంటగా నటించిన ఈ చిత్రాన్ని బండ్ల గణేష్ నిర్మించారు.

కెరీర్ లో ఎన్టీఆర్ మొదటిసారి గ్యాంగ్ స్టర్ రోల్ చేయగా, బ్రహ్మానందం కామెడీ సినిమాను విజయంలో కీలకం అయ్యింది . ఈ సందర్భంగా నిర్మాత బండ్ల గణేష్ చిత్ర యూనిట్ కి కృతజ్ఞతలు తెలుపుతూ ట్వీట్స్ చేయడం జరిగింది.

అదే సమయంలో ఎన్టీఆర్ పై కూడా బండ్ల ఈ విధంగా స్పందించడం జరిగింది. ఇక హీరో ఎవరైనా బండ్ల గణేష్ ఎలివేషన్ టాప్ రేంజ్ లో ఉంటుందని తాజా ట్వీట్ ద్వారా అర్థం అవుతుంది.