బిగ్ బాస్ హౌస్ లో ఆ నలుగురు దండుపాళ్యం బ్యాచ్.. నక్క, పాములతో పోల్చుతూ నిజస్వరూపాలు బయటకి..

బిగ్ బాస్ తెలుగు సీజన్ 8 సెకండ్ హాఫ్ ఉత్కంఠభరితంగా మారుతోంది. సెకండ్ హాఫ్ లో ఎవరు బాగా పెర్ఫార్మ్ చేస్తే వాళ్ళు టాప్ 5 లో ఉండే ఛాన్స్ ఉంది. దీనితో ఒకరిపై ఒకరికి ఎత్తులు పైఎత్తులు తప్పవు. అప్పుడే భావోద్వేగమైన పరిణామాలు మొదలయ్యాయి.

బిగ్ బాస్ తెలుగు సీజన్ 8 సెకండ్ హాఫ్ ఉత్కంఠభరితంగా మారుతోంది. సెకండ్ హాఫ్ లో ఎవరు బాగా పెర్ఫార్మ్ చేస్తే వాళ్ళు టాప్ 5 లో ఉండే ఛాన్స్ ఉంది. దీనితో ఒకరిపై ఒకరికి ఎత్తులు పైఎత్తులు తప్పవు. అప్పుడే భావోద్వేగమైన పరిణామాలు మొదలయ్యాయి. ఒక్క టాస్క్ లో పాల్గొనకపోయినా వెనుకబడిపోతాం అని భయపడుతున్నారు. రీసెంట్ గా రెడ్ టీం నుంచి గౌతమ్ ని తప్పించారు. దీనితో గౌతమ్ చాలా ఫీల్ అయ్యాడు. 

యాష్మి, ప్రేరణ కోసం గౌతమ్ త్యాగం చేయాల్సి వచ్చింది. అది అతడికి ఇష్టం లేదు. అయినా ప్రేరణ, యాష్మి తమ మాట నెగ్గించుకున్నారు. ప్రతి సీజన్ లో హౌస్ లో గ్యాంగ్ లు ఏర్పడుతుంటాయి. ఈ గ్యాంగ్ లో ఉన్న వారు వీలైనంత వరకు ఒకరికొకరు సహకారం అందించుకుంటూ ఇతరులపై కుట్ర చేస్తుంటారు. గత సీజన్ లో అమర్ దీప్ గ్యాంగ్, శివాజీ గ్యాంగ్ ఉండేవి. సీజన్ 8లో నిఖిల్ గ్యాంగ్ మైంటైన్ చేస్తున్నట్లు అర్థం అవుతోంది. 

ఇటీవల జరుగుతున్న పరిణామాల నేపథ్యంలో నిఖిల్ అండ్ గ్యాంగ్ దారుణంగా ట్రోలింగ్ కి గురవుతున్నారు. నిఖిల్ గ్యాంగ్ లో అతడితో పాటు యాష్మి, ప్రేరణ, పృథ్వీరాజ్ ఉన్నారని నెటిజన్లు అంటున్నారు. వీళ్ళని నెటిజన్లు దండుపాళ్యం బ్యాచ్ తో పోల్చుతూ పోస్ట్ లు పెడుతున్నారు. హౌస్ లో ఉన్న దండుపాళ్యం బ్యాచ్ వీళ్ళే. ఇతరులని కనికరం లేకుండా టార్గెట్ చేస్తున్నారు అంటూ ట్రోల్ చేస్తున్నారు. 

రీసెంట్ గా జరిగిన మెగా చీఫ్ కంటెండర్స్ టాస్క్ లో నిఖిల్, ప్రేరణ కలసి టేస్టీ తేజపై దారుణంగా అటాక్ చేశారు.టేస్టీ తేజని, హరితేజని టార్గెట్ చేసి మరీ పోటీ నుంచి తప్పించారు. తేజ కన్నీళ్లు పెట్టుకుని ఏడ్చేశాడు. దండుపాళ్యం బ్యాచ్ తేజని టార్గెట్ చేసారు అంటూ నెటిజన్లు విరుచుకుపడుతున్నారు. మరోవైపు గౌతమ్ ని యాష్మి, ప్రేరణ అసలు టీంలో లేకుండా చేశారు. 

నిఖిల్ బిహేవియర్ ని నెటిజన్లు నక్కతో పోల్చుతున్నారు. యాష్మి పాము లాంటిది.. పగపడితే వదలదు అని అంటున్నారు. పృథ్వీ ఏమో ఇగో స్టార్.. ప్రేరణకి అసూయ ఎక్కువ అంటూ నెటిజన్లు ట్రోల్ చేస్తున్నారు. రానున్న రోజుల్లో బిగ్ బాస్ హౌస్ ఇంకెత ఉత్కంఠ భరితంగా మారుతుందో చూడాలి. వైల్డ్ కార్డు ఎంట్రీలు కాకుండా ఒరిజినల్ సభ్యులలో విష్ణుప్రియ, నబీల్ మాత్రమే ఏ గ్యాంగ్ లో లేకుండా న్యూట్రల్ గా ఉంటున్నారు.